Joefeso 4:30 - KITAWO MALEŊ

³⁰ Wikiri wimiy Cuny Maleŋ gut, rupiri go obedo ranyuth ma Were oketho kwoŋ win ri ndelo ma both.

KITAWO MALEŊ Catholic

³⁰ Wikiri wimiy Cuny Maleŋ gut, rupiri go obedo ranyuth ma Were oketho kwoŋ win ri ndelo ma both.

Joefeso 4:30 ပူးပေါင်းရင်းမြစ်များ

Cakirok 6:3

Kenyo Rwoth owaco ni, “Akibino yeyo ji kwo cil gi cil, rupiri jobedo del, to wok pama jokilakwo ma kalo oro miya acel gi piero ario.”

Cakirok 6:6

Aka Rwoth owinjo gi rem ni oyido ocweyo ji to ketho jo i piny, aka oramo cunye.

Zabuli 78:40

Didi ma jogwenyere kwoŋe i thim aka joramo cunye i thim!

Zabuli 95:10

Ma oro piero aŋwen ajok gi jono. Awaco ni, ‘Jobedo jocay! Jokwero luwo Or paran.’

Isaya 43:24

Fodi wikikelo ran niaŋ mewin mamit gi pesa, kosa wiyeŋan gi bor ma cowirok mewin. To wituran gi reco mewin, wilacan gi reco mewin.

Isaya 63:10

To jogwenyere kwoŋ Rwoth, aka jomiyo cuny maleŋ pere nge. Riameno go olokere jakwor pajo, aka go won gipi olwenyo gi jo.

Isaya 7:13

Kenyo Isaya owaco ni, “Onyo winji, Awi ker pa Daudi. Obedo gimathin swa riwin joko ji; ma wijoko Were paran bende?

Ezekiel 16:43

Kwoŋbedo wiyin owil gi hongo perin ma soye, aka itieko miyan nge gi gime je, riameno, atieko miyin gir'acula Rwoth Were waco. Imedo timo cot loyo amien perin je.

Hoseya 13:14

Anobothi jo wok i meni ma piny pa jom'otho? Anobothi jo kwoŋ tho? Awi tho, nikune meni perin, awi piny pa jom'otho, nikune loyo perin? Wor opanere woko ruwaŋan.

Mariko 3:5

Yesu ogawo jo gi keme, rupiri cuny jo oyido nwaŋ, aka owaco ri ŋato ni, “Riey cingin.” Ŋato orieyo cinge, to cinge bedo maber kicutho.

Luka 21:28

Ka gigipiny me cako timirok, cungi win, witiŋ waŋ win malo rupiri both mewin ocore cegin.”

Yohana 3:33

To ŋat'otieko jolo mikwenda pere otieko niaŋo ji gi ranen nike Were obedo jar'adieri.

Tim pa Jomoor 7:51

“Wiy win tek swa! Dwoŋ thumirok ongoye i cuny win kodi i ithi win. Wicale kwarere mewin; wibende noknok wipiemo gi Cuny Maleŋ!

Joroma 8:11

Ka Cuny Maleŋ pa Were m'ocerino Yesu kwoŋ jom'otho nitie i win, meno ŋat'ocerino Kristo kwoŋ jom'otho bende bino miyo delkwoŋ win ma tho no kwo ro Cuny Maleŋ ma bedo i win.

Joroma 8:23

Aka k'ameno kende, to wan ma wanitie gi Cuny paka mic pa Were marapena, wabende wacur gi litho i iy wan koro munyo wakuro Were woloki wan nyithindho pere aka wokethi wan i siem.

1 Jokorintho 1:30

Were am'okelo win i riwirok gi Kristo Yesu, to loko Kristo bedo rieko mawan, tiro mawan gi leŋo mawan, kodi cul mareco mawan to walimo siem.

1 Jokorintho 15:54

Am'omiyo k'otiek rwako ri gima tho ruk makitho, aka gima kiyindira otiek rwako rigo ruk ma yindira, nyaka ndiko bino tundo i kare ma waco ni, “Meni pa tho otiek loyo woko kicutho.”

1 Jothesalonika 5:19

Wikiri wigeŋi Cuny Maleŋ tic.

Joebulaniya 10:29

Onyo wiparo ni ŋata cayo Wod Were, to tero paka gima sisiri remo ma cikirok pa Were m'oloko go maleŋ, aka miyo Cuny ma kelo nema nge, di ripi gi gir'acula marac loyo didi?

Joebulaniya 3:10

Gino am'omiyo amako nge gi jono, t'awaco ni, ‘Ndiri je cuny jo kelo rijo rwenyo, aka fodi jokuya royo paran.’

Joebulaniya 3:17

Kere jokune ma Were omako gi jo nge cowo oro piero aŋwen? Go k'omako nge gi ji ma jotimo gimarac, omiyo jogore piny to jotho i dier thim?

Jothum Banja 10:16

Ameno jokwanyo woko werin makicar je m'oyido nitie i dier jo, aka jolamo Rwoth. Kenyo Rwoth k'onyalo ciro neno Isiraili ka candere.