Joefeso 4:25 - KITAWO MALEŊ

²⁵ Riameno, twodo onyo wongoye wok pama. Dhano je ripo luwo ri nyawote gir'adieri, rupiri wajoje wabedo adec m'oriw kanyacel.

KITAWO MALEŊ Catholic

²⁵ Riameno, twodo onyo wongoye wok pama. Dhano je ripo luwo ri nyawote gir'adieri, rupiri wajoje wabedo adec m'oriw kanyacel.

Joefeso 4:25 ပူးပေါင်းရင်းမြစ်များ

1 Kerin 13:18

Kenyo jatuci wac Were m'oti ma wok i Bethel owaco rigo ni, “An bende, abedo jatuci wac Were paka in, aka luwo i cik pa Rwoth malaika owaco ran nike aterin peco kodan aka ajolin.” To jatuci wac Were m'oti oyido twodo.

Zabuli 119:29

Gwokan kwoŋ yo ma k'otire, aka i ŋono perin fonjan cik perin.

Zabuli 15:2

Ŋata woth pere ongoye apuse, aka timo gim'otire, Ŋata luwo adieri wok i cunye,

Zabuli 52:3

Imaro raco loyo bero, twodo loyo luwo adieri.

Kitawo mar'ario mapa Musa m'ilwoŋo ni Wok 23:7

Ikir'isegeya ma nono, aka Ikir'ineki ŋata k'otimo banja gi jom'otire, rupiri abino thumo banja ri jokidakana.

Agecin 12:17

Nyatoro ma luwo adieri waco gim'otire, to jakony ma twodo luwo gitwodo.

Agecin 12:19

Dhok jo ma genere yindira cil gi cil, to dhok jo ma twodo bedo nyaka hongo macek.

Agecin 12:22

Lew jo ma twodo obedo amien ri Rwoth, to jono ma jotimo gim'otire jobedo yodirok pere.

Agecin 21:6

Limo lim gi lew jo ma twodo, obedo luya ma duny aka bwo ma tho.

Agecin 24:28

Ikir'ibedi jakony ri dhano g'atoŋa marac, aka ikir'iluw twodo gi dhokin.

Agecin 6:17

Delok, lew jo ma twodo, cingi jo ma neko joma bubanja,

Agecin 8:7

Kole dhokan lawaco gir'adieri, kidakana obedo amien ri dhokan.

Isaya 63:8

Kole go owaco ni, adieri jobedo ji paran, nyithindho ma jokinyal wondan, to go lokere jaboth pajo.

Isaya 9:15

Ato jodongo gi ji m'iworo jo ama jobedo wic, aka jotuci wac Were ma jofonjo twodo jobedo yiwe.

Hoseya 4:2

Nitie kwoŋirok, twodo, kodi nek, aka kwo gi cot cakere; oyo remo medere ameda.

Jolevi 19:11

Ikir'ikwal; ikir'ibedi jabanirok, kosa iwondi nyawotin.

Zekaria 8:16

Me a gigipiny ma wiripo timo, luwo adieri kisi dhano ri nyawote, thum win banja mar'adieri aka siem wobedi i waŋkace mewin.

Zekaria 8:19

Rwoth pa lwak jolweny waco ama: Riyo kec ma dwe mar'aŋwen, ma dwe mar'abic, ma dwe mar'abirio kodi ma dwe mar'apar, lalokere ri ot pa Yuda kisangala kodi kalima m'oyik, bero, adieri, siem, kodi mar.

Yohana 8:44

Wibedo nyithindho pa bawin, jwogi, aka wimito timo gima bawin no yenyo. Wok con go oyido janek, fodi go k'obedo yuthenge mar'adieri, rupiri adieri ongoye i go. Ka go twodo meno go timo gikula pere won, rupiri go jatwodo aka go a ba jotwodo je.

Joroma 12:5

Ameno kada wathothi, je fodi wabedo del acel i Kristo, aka wamakere kanyacel paka adec m'opokere opokere ma del acel.

1 Jokorintho 10:17

Kole paka mugat nitie acel onyo wajoje bende, kada wathothi, wabedo del acel, rupiri wajoje wacamo mugat acel no.

2 Jokorintho 7:14

Kada bedi aŋat'atel kiyuma win rigo, di wiyan k'okwoti be. Paka noknok waluwo riwin gir'adieri, yumirok mawan ri Tito bende onyutho adieri mawan.

Joefeso 4:15

Kucel ka waluwo g'adieri munyo wanyutho mar, wabino dongo i royo je i Kristo, m'obedo wic kitipa pa jom'oyeyo.

Joefeso 4:22

Kole ofonji win ni wiboli woko kiti win macon, ma awanya mareco oyido nyeko.

Joefeso 4:31

Kwany win woko duro, gi keme, kodi nge, gi dhaw kodi nyeko nyingi wadi win.

Joefeso 5:30

rupiri wabedo adec ma delkwoŋe.)

Jokolosia 3:8

To pama wiripo bolo woko kiti gigipiny ma cal meno: Nge, keme, awaca nyingi, nyeko nyingi jo, yet kodi luwo makoc.

Jokolosia 3:9

Wikiri wiwondere i dier win, rupiri oyido witieko lunyo woko kwo macon gi kula mere,

1 Timothe 1:10

Ri jokidakana, ri jom'okom i timo giwickwot, ri joma tana ji, kodi jotwodo, gi joma wodho kony ma twodo, kosa joma timo gimoro je m'opokere kodi fonji m'otire

1 Timothe 4:2

Fonji no wok i twodo pa ji ma jorendere, ma paro ma cuny jo otho aka orere woko pa gima nyweny malieth owaŋo.

Tito 1:12

Acel kwoŋ jo won, jatuci wac pajo, owaco ni, “Ji ma Kirete jobedo jotwodo noknok, ogwaŋe makicar, ma jowor aka jonyap.”

Tito 1:2

m'ocungo kwoŋ geno kwo makirum. Were ma kitwodi, ociko wan kwo me con mafodi hongo k'ocakere,

Joebulaniya 12:1

Am'omiyo, paka onyo wanitie gi lwak jokony madwoŋ m'othoko wan ameno, onyo weyi wakwanyi woko gimoro je ma riwere riwan i royo, kodi reco ma mito moko kwoŋ wan matek,

Yakobo 1:21

Am'omiyo, bol win woko kite makoc kodi reco ma wimore gine. Aka wijoli gi mwolo wac ma go pidho i cuny win, manyalo botho win.

1 Petero 2:1

Am'omiyo, weyi win miyo jowoti win litho, kodi twodo je, kosa rendirok, kosa nyeko, kosa nyeko nyingi wadi win!

Menyirok ri Yohana 21:8

To joma lwor, joma jok'oyeyo, joreco, jonek, jocot, jothieth gi yido, joma lamo cal makicar, kodi jotwodo je, kabedo pajo bino bedo wakawaka mac ma waŋ gi telin ma wodho mac kibiriti, m'obedo tho mar'ario.”

Menyirok ri Yohana 22:15

To woko koro nitie gwokere kodi jothieth, jocot kodi jonek, joma lamo cal makicar, kodi jotwodo je, i wac kodi i kwo pajo

Jothum Banja 16:11

Samson owaco rigo ni, “Ka jotweyan gi thondhe manyen ma fodi k'oor, nyaka alanyapere, t'acalo paka dhano man je.”