Joefeso 4:12 - KITAWO MALEŊ

¹² Otimo ama ma yiko ji pa Were je ri tic manyakristo, ma gero delkwoŋ Kristo.

KITAWO MALEŊ Catholic

¹² Otimo ama ma yiko ji pa Were je ri tic manyakristo, ma gero delkwoŋ Kristo.

Joefeso 4:12 ပူးပေါင်းရင်းမြစ်များ

Luka 22:32

To atieko kwayo riwin, nike yeyo mewin wokiri worum woko. Aka k'itieko gik bongan, imiy wutmin in meni.”

Tim pa Jomoor 1:17

Yuda oyido jakweth mawan, rupiri oyido oyer go bende i tic mawan.”

Tim pa Jomoor 1:25

ni woter tic paka acel kwoŋ jomoor, i kabedo ma Yuda oweyo to kidho kapere.”

Tim pa Jomoor 11:23

Munyo go otundo to neno nema pa Were m'oyido nikenyo, osangala to kwayo joje ni jowobedi gi genirok kodi adieri ruwaŋ Rwoth gi ridho madwoŋ;

Tim pa Jomoor 20:24

To akiter kwo paran pa gimadwoŋ, kosa pa gima diwelo tekin acowo tic ma Rwoth Yesu ooran ma tito ri ji Wac Manyen Maber kwoŋ nema pa Were.”

Tim pa Jomoor 20:28

Kure win wiwegi kodi sidwol rombo je, ma Cuny Maleŋ oketho i cingi win, ni wibedi jotel mere, ma konyo kitipa pa jom'oyeyo pa Were, ma go oloko apere gi remo pa Wode won.

Tim pa Jomoor 9:31

Gikenyo kitipa pa jom'oyeyo i Yuda gipi kodi Galili kodi Samaria obedo gi hola ma siem. Jokonyere aka jodongo i welo ro kony pa Cuny Maleŋ, munyo jowotho i kwo ma lworo Were.

Joroma 12:5

Ameno kada wathothi, je fodi wabedo del acel i Kristo, aka wamakere kanyacel paka adec m'opokere opokere ma del acel.

Joroma 12:7

K'obedo mic ma cwayo, tiyi ri jowotin; k'obedo mic ma fonji, fonji wadin.

Joroma 14:19

Am'omiyo, ndir je wakidhi win ri gigipiny ma kelo siem aka konyo wawegi i miyirok meni ayin.

Joroma 15:14

Wutmera, awon anitie gi geno kwoŋ win, nike withoth gi bero, nike wipoŋ gi rieko, aka wiwegi winyalo fonjo jowoti win.

Joroma 15:2

Kucel, ŋat'acel acele kwoŋ wan ripo miyo jager pere kisangala ma konyo go, ŋey wodongi ŋato i yeyo.

Joroma 15:29

K'abino bongi win, aŋeyo ni alabino gi silwany pa Kristo m'opoŋ.

1 Jokorintho 12:27

Onyo wijoje wibedo delkwoŋ Kristo, aka kisi dhano obedo adec mere.

1 Jokorintho 12:7

Kisi dhano je imiyo ranyuth pa Cuny Maleŋ ri bero pa ji je.

1 Jokorintho 14:12

Paka wiwanya bedo gi mic pa Cuny, onyo maloyo je, tem win swa oro mic ma konyo gero kitipa pa jom'oyeyo gipi.

1 Jokorintho 14:14

Kole ka akwayo Were gi dhodhok m'opokere opokere meno cunyan ama kwayo to paro paran kitim gimoro.

1 Jokorintho 14:26

Wutmera, gim'awaco dwoŋ mere aŋo? Ka wiromo kanyacel i kwayo, ŋat'acel nitie gi wer, ŋatiman gi fonji, ŋatiman gi menyirok ma wok i wac pa Were, ŋatiman dhodhok m'opokere, aka ŋatiman jatiti dwoŋ dhodhok no. Gimoro je wobedi ma konyo kitipa pa jom'oyeyo.

2 Jokorintho 12:19

Oyido wiparo ni hongo je watemo gwoko thenge mawan i waŋ win? Waluwo paka Kristo mito ni waluw ruwaŋ Were, aka gimoro je ma watimo jowotan, kole watimo ma konyo win!

2 Jokorintho 13:11

Onyo jowotan, kutho win! Tir win kwo mewin; winji win gim'awaco; yere win wiwegi, bedi win i siem; aka Were ma jamar kodi siem bino bedo gi win.

2 Jokorintho 13:9

Wasangala kada wabedo manyap tekin winitie gi meni. Am'omiyo, wakwayo nike wibende widongi i leŋo.

2 Jokorintho 3:8

onyo dwoŋ ma wok i tic pa Cuny Maleŋ okadhi meno didi?

2 Jokorintho 4:1

Am'omiyo, paka Were otieko miyo wan tic me i wor pere, wakibino nyocere.

2 Jokorintho 5:18

Gime je wok bongi Were, ma i Kristo odwoko wan i tiyirok gine; aka omiyo wan tic ma dwoko joman bende i tiyirok gine.

2 Jokorintho 6:3

Wakimiti riwirok ri dhano moro je i royo pere, rupiri meno nyalo miyo wocayi tic mawan.

2 Jokorintho 7:1

Paka wan gi cikirok me, jowotan m'amaro, walonyi win kwoŋ gimoro je ma koco delkwoŋ wan, kosa cuny wan, aka warangi lokirok maleŋ makicutho, ka walworo Were i kwo mawan.

Joefeso 1:23

m'obedo delkwoŋ Kristo, aka ago won gikululu ma poŋo kisi gimoro iye je.

Joefeso 4:16

I can pere, adec m'opokere ma del gipi joriwere kanyacel gi fuc ma riwo jo. Am'omiyo ka kisi adec tiyo paka mitere aka del gipi dongo i mar.

Joefeso 4:29

Weyi win luwo wac ma ramo cuny jo, to luw win wac mabeyo kendo kodi ma konyo joman, kende ma ripo i hongo m'oluw'iye no, ŋey wac mewin wonyali kelo nema ri joma winjo.

Joefeso 4:4

Del nitie acel, paka geno obedo acel ma Were olwoŋ'iye wijoje.

Jokolosia 1:24

Pama onyo asangala gi candirok paran riwin, aka candirok paran i del konyan gi cowo gima fodi odoŋ i candirok pa Kristo ri delkwoŋe, m'obedo kitipa pa jom'oyeyo.

Jokolosia 1:28

Am'omiyo wafonjo ji je kwoŋ Kristo, ka wanyutho jo royo ma gwokirok gi rieko ma nger je, ŋey wakel dhano je ruwaŋ Were m'otieko tegino i Kristo.

Jokolosia 4:17

Aka waci win ri Arikipo ni, “Neni ni icowo tic m'omiyin i tic pa Rwoth.”

1 Timothe 1:12

Afoyo Kristo Yesu Rwodhiwan, m'omiyan meni ma tic me, rupiri go oteran paka ŋata genere to kethan tiyo rigo.

2 Timothe 4:11

Luka kende ama nikodan. Nwaŋ Mariko ibin gine, rupiri go nyalo konyan maber.

2 Timothe 4:5

To in, hongo je iripo bedo milengela, ciro candirok, timo tic pa jatiti Wac Manyen Maber ri joma fodi jok'oyeyo, aka tim tic perin je paka jatic pa Were.

Joebulaniya 13:17

Winji win jotel mewin, odoko bedi win ma wimwol rijo, rupiri jo jokuro win paka joma ripo tito ri Were kite ma jotiyo gine. Ka wiwinjo jo, aka jobino timo tic pajo gi kisangala; makiweno gi cuny jo m'ocile, aka meno kinyal konyo win.

Joebulaniya 6:1

Am'omiyo, weyi wamedere gi fonji m'otegino wawey woko fonji ma cako ma mako kwoŋ Kristo, aka wakiri wagiki kendo i fonji ma cako: Kole wiŋeyo paka wiripo ŋuto kwoŋ tic m'othotho to wimedere gi yeyo Were.