Joefeso 3:9 - KITAWO MALEŊ

⁹ Kendo anyuthi ji paka can pa Were manyaliŋliŋ m'oyido opanere wok con i paro pa Were m'ocweyo gimoro je, ripo aketha i tim.

KITAWO MALEŊ Catholic

⁹ Kendo anyuthi ji paka can pa Were manyaliŋliŋ m'oyido opanere wok con i paro pa Were m'ocweyo gimoro je, ripo aketha i tim.

Joefeso 3:9 ပူးပေါင်းရင်းမြစ်များ

Zabuli 33:6

Rwoth ocweyo polo gi cik pere, waŋceŋ, dwe, kodi micalin gi wac m'owok i dhoke.

Isaya 44:24

Rwoth, Jaboth perin waco ama, go m'ocweyin i ici. Abedo Rwoth, m'otimo gigipiny je, go kende m'orieyo polo, an m'awon ayaro piny,

Matayo 10:27

Gim'onyo awaco riwin i mudho wiripo medo waco odieceŋ. Aka gima wiwinjo omwoŋ liŋliŋ wiripo waco gi i tipin wiy ot.

Matayo 13:35

Go otimo ameno ma miyo gima jatuci wac Were owaco wotundi i kare ni, “Abino oro agecin ka aluwo gi jo, abino waco rijo gim'oyido opanere wok i cwec pa piny.”

Matayo 25:34

Gikenyo Kere bino waco ri joma ni cinge maracuc ni, ‘Biye win, josilwany pa Baba, lunji win Ker m'oyik riwin wok i cwec pa piny;

Matayo 28:19

Am'omiyo kidhi win wiloki nonin je jofonjirok paran; wibatisa jo i nyingi Baba gi Wode gi Cuny Maleŋ.

Luka 24:47

aka mikwenda ma ŋuto kodi ma cwako reco wotiti ri nonin je, cako Yerusalem.

Yohana 10:30

Aka wan kodi Baba wabedo acel.”

Yohana 5:17

To Yesu odwoko jo ni, “Kole Baba tiyo noknok, aka abende onyo atiyo.”

Yohana 5:19

Gikenyo Yesu odwoko ni, “Adieri awaco riwin, Wod Were kitim gimoro gi meni pere won; to go timo gim'oneno Bamere timo. Gima Bamere timo ama Wode bende timo.

Tim pa Jomoor 15:18

“Rwoth, m'omiyo gime oŋeyere wok con ama owaco ameno.”

Joroma 11:25

Amito ni winiaŋ nyaliŋliŋ me, wutmera, ŋey wikiri wipar ni wiriek swa: Wictek pa ji ma Isiraili k'obedo makiwire, to bino bedo cuka welo kwan pa Jopath ma mitere jowobin bongi Were worom.

1 Jokorintho 2:7

Rieko ma wafonjo obedo rieko pa Were m'opanere, m'opan ri ji, ma Were oyido otieko yiko miyo wan wok con ma piny fodi k'ocwey.

Joefeso 1:4

Con ma piny fodi k'ocwey, go oyero wan bedo apere i Kristo, ni wabedi maleŋ, m'ongoye apuse ruwaŋ go.

Joefeso 3:2

kono witieko winjo paka Were gi nema pere omiyan timo tic riwin:

Joefeso 6:19

Kway win ran bende ni Were womiyan mikwenda ka ayikere luwo, ŋey aluwi gi miseni k'amiyo ji ŋeyo nyaliŋliŋ ma Wac Manyen Maber.

Jokolosia 1:23

Ato wiripo medirok gi yeyo mewin, ma wiridhere aka wicwiny, ma wikiyengere i geno ma wilimo munyo wiwinjo Wac Manyen Maber. Me a wac ma wiwinjo aka otiek fonjo dhano je i piny, ma an Paulo, alokere jatic mere.

Jokolosia 1:26

Me nyaliŋliŋ ma go onwaŋo fodi opano ri dhano je i hongo je m'okadho, t'onyo pama owodho kamaler ri ji pere maleŋ.

Jokolosia 3:3

Ato witieko tho, aka kwo mewin onyo opan g'apa Kristo i Were.

Jokolosia 4:3

Aka kway win bende riwan ni Were woyawi riwan royo ma fonjo mikwenda pere, ŋey watiti nyaliŋliŋ pa Kristo. Kole meno am'omiyo pama anitie i twec.

2 Jothesalonika 2:13

Waripo foyo Were riwin hongo je, wutmera ma Rwoth omaro, rupiri Were oyero win wok i cakirok ni wilimi both gi meni pa Cuny Maleŋ ma lonyo win, ro yeyo adieri mewin.

1 Timothe 3:16

M'ongoye kiganagana, nyaliŋliŋ ma yeyo mawan dwoŋ: Go onenere i cal pa dhano, Cuny Maleŋ onyutho paka go otire, aka jomalaika joneno go. Ofonji kwoŋ go i piny je, oyey go i piny gipi, aka oter go i polo.

2 Timothe 1:9

go m'obotho wan to lwoŋo wan bedo ji pere won, ki ro gima watieko timo, to r'atoŋa pere won kodi nema. Go omiyo wan nema no i Kristo Yesu mafodi ndir k'ocakere,

2 Timothe 4:17

To Rwoth obedo kodan aka omiyan meni, am'omiyo anyalo tuco mikwenda je ri Jopath jowowinji. Aka obothan i laki Simbwor.

Tito 1:2

m'ocungo kwoŋ geno kwo makirum. Were ma kitwodi, ociko wan kwo me con mafodi hongo k'ocakere,

1 Petero 1:20

Were oyero go mafodi k'ocwey piny, aka onyuthere i ndelo macowe me ma bero mewin.

Menyirok ri Yohana 13:8

Ji je ma jobedo i piny jobino lamo ogwaŋ no. Dwoŋ mere ni dhano je ma nyinge k'ondiki i kitawo pa jomakwo m'obedo apa Nyathi rombo m'oneki wok i cwec pa piny.

Menyirok ri Yohana 14:6

Gikenyo aneno malaika man munyo ringo i koyo, gi mikwenda ma cil gi cil ma Wac Manyen Maber ma wotiti ri ji ma jonitie i piny, ri piny je, nonin, dhodhok kodi ji je!

Menyirok ri Yohana 17:8

Ogwaŋ m'ineno no oyido con kwo, to pama kikwo. Go cegin wok i bur mwombe ma bu gike aka bino tundo kama ilarey'iye go woko. Ji ma piny ma nyingi jo fodi k'ondiki i kitawo ma kwo wok i cakirok pa piny jobino dhier ka joneno ogwaŋ no, rupiri con oyido kwo, t'onyo pama kikwo, aka bino nenirok kendo.

Menyirok ri Yohana 4:11

“Rwodhiwan kendo Were! Iripo limo dwoŋ, gi wor kodi meni, rupiri icweyo gigipiny je, aka gi mito perin am'omiyo jokwo.”