Joefeso 3:20 - KITAWO MALEŊ

²⁰ Onyo ŋata nigi meni ma tiyo i wan nyalo timo gim'oasere ma kalo ma wakwayo kosa waparo.

KITAWO MALEŊ Catholic

²⁰ Onyo ŋata nigi meni ma tiyo i wan nyalo timo gim'oasere ma kalo ma wakwayo kosa waparo.

Joefeso 3:20 ပူးပေါင်းရင်းမြစ်များ

Cakirok 17:1

Munyo Abram jaoro piero abuŋwen g'abuŋwen, Rwoth omenyere rigo aka owaco rigo ni, “An Were Majameni je; winjan, aka noknok tim gi tiro.

Cakirok 18:4

Weyi wokel nyaka pi mathi ilwoki tiendin, aka iywomere i tiendi yath me,

2 Samwiri 7:19

Aka kiri me oyido obedo gimathin i waŋin Rwoth Were; iluwo kwoŋ nyikwayan i hongo ma bino yuwiye, aka inyuthan luse ma yuwiye Rwoth Were.

1 Kerin 3:13

Amiyin bende gim'ikikwayo, ŋaŋo kodi dwoŋ, aka ongoye kere ma bino pimere kodin i kwo perin je.

2 Kigana kwoŋ Kerin 25:9

To Amaziya penjo jatuci wac Were ni, “Wanotim aŋo gi kilo 3,400 ma feza m'awok miyo jolweny ma Isiraili?” To jatuci wac Were dwoko ni, “Rwoth nigi nyalo m'amiyin kweth maloyo me.”

2 Kigana kwoŋ Kerin 9:12

Kere Solomon omiyo nyamicala ma Seba kisi gima go okwayo, medo i wi mic m'oyido omiyo go loyo m'okelo rigo. Kenyo nyamicala odok i Seba gi jotic pere.

Kitawo mar'ario mapa Musa m'ilwoŋo ni Wok 34:6

Kenyo Rwoth oluwo ruwaŋ Musa aka olwoŋo, “An Rwoth, Abedo Were m'opoŋ gi wor kodi kisa, ma kimaki nge piyo aka nyutho mar makiwire kodi adieri.

Wer pa Solomon 5:1

Atieko donjo i ndelo paran, nyamin an, mweha paran, atieko coko mo maŋwe kur paran gi binzar, atieko camo mo kic paran kiri g'apede mere, atieko madho vini paran gi cak paran. Cemi win, jomitirok, aka wimedhi, cuka winomer gi mitirok.

Isaya 35:2

Thim lawero to koko ri kisangala, labedo maŋon paka gote ma Lebanon; ma nyak cemo paka ndelin ma Kamel gi Saron. Kisi dhano laneno dwoŋ pa Rwoth, gi meni pa Were mawan.

Isaya 55:7

Weyi jokidakana jowojwangi yo pajo, jowowey paro pajo marac; weyi jowogiki bongi Rwoth, ŋey wonyali timo gi jo ŋono kodi bongi Were mawan, kole go lacwako i thotho.

Yeremia 32:17

Awi Rwoth Were, Obedi in iŋat'icweyo polo kodi piny gi meni perin madwoŋ kodi cingin m'oyare! Ongoye gimatek rin swa.

Yeremia 32:27

Neni, An Abedo Rwoth, Were pa ji je, nitie gimatek swa ran?

Daniel 3:17

K'inen Were ma walamo nyalo botho wan kwoŋ mac m'okur kodi wok i cingin, awi kere, weyi go wobothi wan.

Daniel 6:20

Munyo kere otundo i od simbwore, oywaki gi geregere ri Daniel ni, “Daniel, ŋeca pa Were makwo, Were perin m'ikwayo noknok onyalo bothin kwoŋ simbwore?”

Matayo 3:9

Aka wikiri wipar ni winyalo nwaŋo kagoŋirok munyo wiwaco ni, ‘Abraham obedo kwari wan.’ Awaco riwin ni Were nyalo kwanyo kada telin me to loko nyikway Abraham!

Yohana 10:10

Jakwo bino nyaka kwalo, neko kodi nyeko woko. An abino nike jowolimi kwo, aka kwo ma gibe.”

Joroma 16:25

Weyi wamiy Were dwoŋ manyalo miyo wicungo matek i yeyo, i Wac Manyen Maber m'afonjo win, mikwenda kwoŋ Yesu Kristo, kodi kwoŋ nyutho adieri manyaliŋliŋ m'onwaŋo opan oro kweth m'okadho.

Joroma 4:21

rupiri go oyido oridho kicutho ni Were bino timo gima go otieko ciko.

1 Jokorintho 2:9

To paka ndiko waco ama: “Gima dhano fodi k'oneno kosa k'owinjo wok cene, gima dhano fodi k'oparo kwoŋe ni d'otimere a gima Were oyiko ri jom'omaro go.”

2 Jokorintho 9:8

Aka Were nyalo miyo win i ŋono pere, gima kalo ma wiyenyo, ŋey ndir je wibedi gi gimoro je ma wiyenyo, kodi ma winyalo konyo gine tic je mabeyo.

Joefeso 1:19

kendo paka meni pere madwoŋ m'oasere tiyo riwan ma wayeyo. Meni no dwoŋ tektek,

Joefeso 3:7

Abedo jafonji Wac Manyen Maber me ro nema pa Were m'omiyan kareno meni pere tiyo i an.

Jokolosia 1:29

Am'omiyo atiyo tektek munyo aoro meni m'oasere ma Kristo poko, ma tiyo i an.

1 Timothe 1:14

Rwoth okonjo ran nema pere m'oasere to miyan yeyo gi mar manitie i Kristo Yesu.

Joebulaniya 11:19

Abraham oparo nike Were nyalo cerino dhano kwoŋ jom'otho. Am'omiyo i kite ma luwo, cal pa Abraham ojolo Isaka munyo wok bongi jom'otho.

Joebulaniya 7:25

Am'omiyo, go nyalo botho kicutho joma kidho bongi Were kodi bonge, rupiri go kwo cil gi cil ma pido gi Were rijo ndelo je.

Yakobo 4:12

Kole jakethi cik ma bende a jathum banja nitie acel kende. Go won ama nyalo botho kosa reyo woko. To onyo in iŋa, m'ithumo banja ri dhano nyawotin?

2 Petero 1:11

Ameno, ibino jolo win maber donjo i Ker makirum mapa Rwodhiwan kendo Jaboth mawan Yesu Kristo.

Yuda 1:24

Ri ŋata nyalo thielin m'ikipodho, to kethin ma bu raco i kisangala ma didwoŋ pere,