Joefeso 1:17 - KITAWO MALEŊ

¹⁷ aka akwayo Were pa Rwodhiwan Yesu Kristo, Bawan man gi dwoŋ, ni womiy win Cuny Maleŋ, ma bino loko win mariek to nyutho win Were, nike wiŋeyi go maber.

KITAWO MALEŊ Catholic

¹⁷ aka akwayo Were pa Rwodhiwan Yesu Kristo, Bawan man gi dwoŋ, ni womiy win Cuny Maleŋ, ma bino loko win mariek to nyutho win Were, nike wiŋeyi go maber.

Joefeso 1:17 ပူးပေါင်းရင်းမြစ်များ

1 Kigana kwoŋ Kerin 29:11

Aperin, awi Rwoth, obedo dwoŋo, meni, dwoŋ, loyo kodi dhum; kole gigipiny ma i polo kodi ma i piny obedo aperin; ibedo Kere, awi Rwoth, aka jadhum madwoŋ loyo kwoŋ gigipiny je.

Yobu 42:5

Oyido atieko winjo kwoŋin gi ithan, to pama atieko nenin gi waŋan.

Zabuli 24:10

Kere madwoŋ me a ŋa? Obedo Rwoth pa lwak jolweny, go kere madwoŋ.

Zabuli 24:7

Yaw waŋkace, yaw win thigin macene, aka kere madwoŋ wodonji.

Zabuli 29:3

Dwondi Rwoth winjere i nam, ka Rwoth ma nigi dwoŋ, mor paka koth, aka derino ma dwonde winjere i wakawaka madongo.

Kitawo mar'ario mapa Musa m'ilwoŋo ni Wok 28:3

Lwoŋ jotic je ma jondijo m'amiyo jo nyalo, aka iwaci rijo jowokwoy nangin pa Aron, ŋey womiyan go paka jacway ri Were i wi migam i tic paran.

Agecin 18:15

Paro mariek mito ŋeyo, aka ithi jarieko dwaro ŋeyo.

Agecin 2:5

nyaka ibino niaŋ dwoŋ ma lworo Rwoth, t'inwaŋo ŋeyo Were.

Isaya 11:2

Cuny pa Rwoth lapie kwoŋ go, cuny ma rieko gi niaŋ, cuny ma mic rieko gi meni, cuny ma ŋeyo gi lworo Rwoth.

Yeremia 2:11

Nono moro otieko wilo werin pere, kada nende bedi ni jok'obedo werin? To ji paran jotieko wilo dwoŋ pajo ri gimoro ma kikel magowa.

Yeremia 24:7

Alamiyo adundo ma miyo jo ŋeyo ni Abedo Rwoth; jolabedo ji paran t'abedo Were pajo, kwoŋbedo jolagik bongan g'adundin pajo je.

Yeremia 31:34

Kendo jokilafonjere kosa waco wegi gi wegi ni, “Ŋey Rwoth.” Kole jolaŋeyan, wok i mathin tundo kwoŋ madwoŋ, Rwoth waco. Alacwako reco pajo, aka akilapoyo kendo.

Yeremia 9:24

To weyi jono ma jodele jowodele i gime: Ni jowoniaŋ aka jowoŋeyan, nike Abedo Rwoth. Atiyo gi mar makiwire, tiro, kodi adieri i piny, afore i gigipiny me,” Rwoth waco.

Daniel 10:1

I oro mar'adek ma dhum pa Siras kere ma Pasia, wac omenyere ri Daniel m'oyido ilwoŋo bende ni Beltesazar. Wac me oyido obedo adieri aka mako kwoŋ lweny madwoŋ. Daniel oniaŋ wac me kwoŋbedo, olimo niaŋ kwoŋe i menyirok.

Daniel 5:11

Nitie i ker perin jal ma cuny pa Were maleŋ nitie kwoŋe. I hongo pa benin onwaŋ nike go nitie gi lero, niaŋ kodi rieko paka rieko pa werin. Aka benin Nebukadineza oketho go bedo jadwoŋ pa jondijo ma joneno gima latimere, jondijo ma timo gir'aura, Jokaldin kodi jothieth.

Matayo 11:25

I hongo no Yesu owaco kamaler ni, “Afoyin Baba, Rwoth ma polo gi piny, rupiri ipano gigipiny me ri jomariek kodi jom'ofonjere t'iwodho kamaler ri nyithindho ayino.

Matayo 11:27

Baba otieko miyan gimoro je, aka onyo ongoye ŋat'oŋeyo Wode kwanyo woko Bamere, kendo ongoye ŋat'oŋeyo Bamere kwanyo woko Wode kodi joma Wode odiero nyutho jo kamaler.

Matayo 16:17

Yesu odwoko ni, “Simon wod pa Yona, ijasilwany swa! Adieri me k'obino rin wok bongi dhano moro, to Baba mani polo am'onyuthin.

Matayo 20:33

Jodwoko ni, “Rwoth, wayenyo waŋ wan wonen.”

Matayo 6:13

Ikir'iter wan i karatem, to bothi wan ayino, kwoŋ gimarac, [rupiri ker obedo aperin, kodi meni, kodi dwoŋ, cil gi cil]. Ameno.

Luka 12:12

Kole Cuny Maleŋ bino fonjo win i hongo no won gima wiripo waco.”

Luka 2:14

“Dwoŋ wobedi ri Were malo i polo, aka i piny siem wobedi ri ji ma silwany pere nigi jo.”

Luka 21:15

Kole abino miyo win wac kodi rieko ma ongoye jakwor mewin ma bino ciro kosa kwero gima wiwaco.

Yohana 14:17

meno Cuny mar'adieri ma piny kinyal jolo, rupiri kinyal neno go kosa ŋeyo go. To wiŋeyo go, rupiri go nitie gi win aka bino bedo i win.”

Yohana 14:26

To Jamiy rieko, Cuny Maleŋ ma Baba bino dhiro i nyingan, bino fonjo win gimoro je aka bino poyo win gimoro je m'atieko waco riwin.”

Yohana 16:3

Jobino timo gigipiny me riwin rupiri jokuya Baba kosa an.

Yohana 17:3

Aka me a kwo makirum: Nike ji jowoŋeyin, Were acel mar'adieri, kendo jowoŋey Yesu Kristo m'ioro.

Yohana 20:17

Yesu owaco rigo ni, “Ikir'imakan rupiri fodi akigiki bongi Baba. To kidhi bongi wutmera iwaci rijo ni akidho malo bongi Baba ma Bawin, Were paran ma Were mewin.”

Tim pa Jomoor 6:10

To Cuny Maleŋ omiyo Stefano rieko ma munyo luwo jok'onyalo ciro go.

Tim pa Jomoor 7:2

Aka Stefano odwoko ni, wutmera gi bacere nan! Winjan win! Were man gi dwoŋ omenyere ri kwari wan Abraham munyo go fodi nitie yu Mesopotamia, mafodi go k'okidho bedo Haran,

Joroma 1:28

Paka ji jokwero ketho i paro pajo rieko mar'adieri ma mako kwoŋ Were, go onyo ojala jo ri paro m'otop, ma miyo jo timo gim'oyido jokiripi timo.

Joroma 15:6

aka nyaka wijoje kanyacel, gi dwondi win acel, winyal pako Were kodi Ba Yesu Kristo Rwodhiwan.

1 Jokorintho 12:8

Cuny no miyo ŋat'acel mikwenda ma rieko, ŋatiman Cuny miyo mikwenda ma ŋeyo gimoro.

1 Jokorintho 14:6

Onyo, wutmera, k'abino bongi win, kony aŋo m'obedi riwin ka aluwo dhodhok m'opokere ma wikiniaŋ? Ongoye kada masisiri, kwanyo woko k'akelo wac m'omenyere moro ma wok bongi Were, kosa amiyo win niaŋ kwoŋ gimoro, kosa atuco mikwenda moro ma wok bongi Were; kosa afonjo win.

1 Jokorintho 2:10

To Were onyutho wan nyaliŋliŋ me luwo i Cuny Maleŋ pere. Ato Cuny Maleŋ udo gimoro je, kada gimoro m'opanere kamadiny i Were.

1 Jokorintho 2:8

Ongoye kad'acel kwoŋ jodhum ma pama m'oyido oŋeyo rieko me. Bedi joŋeyi di jok'oguro Rwoth m'opoŋ gi dwoŋ kwoŋ musalaba.

2 Jokorintho 12:1

Aripo medo yumirok kada kikel bero moro. Onyo pama abino luwo kwoŋ cal ma menyere kodi menyirok ma Wac ma Rwoth omiyan.

Joefeso 1:3

Were wofoy, Ba Rwodhiwan Yesu Kristo, m'omiyo wan silwany gi mic je ma cuny ma wok i polo i Kristo.

Joefeso 3:5

ma i hongo m'okadho k'onyuthi ji, to pama Were onyo owodho gi Cuny Maleŋ ri jomoor kodi jotuci wac pere.

Joefeso 4:13

Ameno aka wajoje wabino bedo i acel i yeyo mawan kodi i ŋeyo Wod Were, to wategino i cuny, ma waripo gi kwo pa Kristo m'opoŋ.

Jofilipi 3:15

Wajoje ma wategino i cuny waripo bedo gi paro acel no. To k'ipoyo roman winigi paro m'opokere, Were bino menyo riwin gino maber.

2 Timothe 2:25

aka tiro joma piemo gine gi mwolo. Kole nyalo bedo ni Were bino miyo jo hongo ma ŋuto to joŋeyo adieri.

Tito 1:1

Balwa m'owok bongi Paulo, jatic pa Were kendo jamoor pa Yesu Kristo. Oyeran aka ooran konyo yeyo pa ji pa Were m'oyer, gi telo jo jowoŋey adieri ma kelo lworo Were,

Yakobo 2:1

Wutmera gi nyimin, i kwo mewin paka jom'oyeyo Rwoth Yesu Kristo, Rwoth madwoŋ, wikiri wiyer ji munyo wiŋisa joman ro cal pajo ma woko.

2 Petero 1:3

Meni pa Were omiyo wan gimoro je ma wayenyo ma bedo i kwo ma lworo Were, rupiri waŋeyo ŋat'olwoŋo wan gi dwoŋ kodi bero pere won.

2 Petero 3:18

To medere win gi dongo i nema kodi i ŋeyo Rwoth kendo Jaboth mawan Yesu Kristo. Dwoŋ wobedi rigo, pama kodi cil gi cil. Ameno.

Menyirok ri Yohana 7:12

ka jowaco ni, “Ameno! Pak kodi dwoŋ, kodi rieko kodi foy, kodi wor, kodi meni, kodi nyalo wobedi ri Were mawan cil gi cil! Ameno!”