Joebulaniya 9:26 - KITAWO MALEŊ

²⁶ Kole di go ocandere dikweth wok cuka cwey piny. To, go onenere dicel makicutho, i gik ndir ma rumacen, ma kwanyo woko reco cungo kwoŋ cowirok ma kwo pere won.

KITAWO MALEŊ Catholic

²⁶ Kole di go ocandere dikweth wok cuka cwey piny. To, go onenere dicel makicutho, i gik ndir ma rumacen, ma kwanyo woko reco cungo kwoŋ cowirok ma kwo pere won.

Joebulaniya 9:26 ပူးပေါင်းရင်းမြစ်များ

2 Samwiri 12:13

Daudi owaco ri Nathan ni, “Atimo reco ruwaŋ Rwoth.” Nathan odwoko go ni, “Rwoth otieko cwako rin; ikilatho.

2 Samwiri 24:10

To rumacen cuny Daudi ocako ramo munyo go otieko waco ni wokwan ji, aka owaco ri Rwoth ni, “Atieko timo reco madwoŋ swa munyo atimo gime! Mondo cwaki ran; rupiri atimo gimiŋo.”

Yobu 7:21

Raŋo ikicwaki kibenga paran? Cwaki komo paran. Kole onyo alatho t'iyikan, ilarangan, to alarwenyo.

Zabuli 103:12

Paka yuwok ceŋ bor wok yupodho ceŋ, apaka go kwanyo woko reco mawan to tero bor.

Isaya 2:2

Aka latundo i kare i ndelo ma rumacen, got ma Ot pa Rwoth, ilaketho wi gote, ilatiŋo malo kalo tendere je. Nonin je jolamol'iye.

Daniel 10:14

Abino miyin niaŋ gima latimere ri ji perin i ndelo ma rumacen. Kucel menyirok latero ndelo kweth.”

Daniel 9:24

“Oro piero ario dibirio, Were otieko luwo kwoŋ ji perin kodi tindi perin maleŋ, cowo raco kodi reco, kodi cwako reco, kelo tiro ma cil gi cil, kodi kelo i kare menyirok kodi jatuci wac Were, kodi wiro gi mo Kamaleŋ Loyo.

Mika 4:1

Ndelo ma rumacen bino, ma got ma Ot pa Rwoth, bino bedo got mabor loyo, aka ibino tiŋo malo kalo tendere je, aka ji jobino mol i iye.

Matayo 13:39

aka jakwor m'ocwoyo weeyo meno jwogi won. Ndelo ma keco meno gik ndir, aka jokeco meno jomalaika.

Matayo 13:40

Aka paka icoko weeyo t'iwaŋo i mac, apaka bende bino bedo i hongo ma gik ndir:

Matayo 25:34

Gikenyo Kere bino waco ri joma ni cinge maracuc ni, ‘Biye win, josilwany pa Baba, lunji win Ker m'oyik riwin wok i cwec pa piny;

Yohana 1:29

Yawere mere Yohana oneno Yesu munyo bino bonge to waco ni, “Neni Nyathi rombo pa Were ma kwanyo woko gimarac ma piny!

Yohana 17:24

“Baba, itieko miyan jo, aka ayenyo jowobedi kodan kam'an'iye, jowonyal neno dwoŋ paran m'imiyan; kole imaran kiri mafodi k'ocwey piny.

1 Jokorintho 10:11

Gigipiny me je otimere paka gir'anena ri joman, aka ondiki ma fonjo wan ma wanitie i hongo ma gik ndir cegin tund'iye.

Jogalasia 4:1

Gim'awaco a me: Nyathi ma jacwo ma kidho lunjo lim pa bamere itero paka ŋeca kafodi go thin, kada go won oyido awon gimoro je.

Joefeso 1:10

Can pa Were ma go bino cowo timo ka ndir otundo, ma kelo cwec je kanyacel, gi gimoro je man polo kodi man piny, kareno Kristo a jatel mere.

Joefeso 5:2

Wiripo bedo gi mar paka Kristo omaro wan to miyo kwo pere ro wan paka cowirok maŋwe kur ri Were.

Tito 2:14

Yesu Kristo, m'omiyere riwan to botho wan kwoŋ reco je, to loko wan ji m'olony ma jobedo apere won aka jocowere i timo gima beyo.

Joebulaniya 1:2

to i ndir macowe me, go oluwo gi wan gi i dhok Wode m'oyero paka okayo ma lalunjo gigipiny pere je, aka ocweyo polo gi piny luwo kwoŋ Wode no.

Joebulaniya 10:10

Aka Yesu Kristo otieko timo gima Were omito ni go wotim, am'omiyo wajoje onyo oloki wan m'olony kwoŋ reco i cowirok ma go otimo ma delkwoŋe won, dicel kende to kicutho.

Joebulaniya 10:12

To Kristo ocwayo cowirok acel ri reco dicel kende to bedo piny yuracuc pa Were.

Joebulaniya 10:26

Kole ongoye cowirok man m'odoko bino kwanyo woko reco ka watimo reco atoŋa ma to oyido watieko ŋeyo adieri.

Joebulaniya 10:4

rupiri remo thwondhe kodi diegi kinyal kwanyo woko reco.

Joebulaniya 4:3

Am'omiyo wan ma wayeyo, wadonjo i ywomirok no paka Were owaco ni, “Amako nge t'akwoŋere ni, ‘Jokibino donjo i ywomirok paran!’ ” Meno a gima go owaco, kada tic pere oyido orumo wok cuka go cwey piny.

Joebulaniya 7:27

Go kicale jodongo pa jocway ri Were i wi migam man; go kiyenyere cowirok wi migam ndelo je: Ni kutho ri reco pere won, aka nyaka wocowere ri reco pa joman bende. Go ocowere wi migam dicel kende to makicutho, munyo go won omiyere paka cowirok.

Joebulaniya 9:12

Kristo k'odonjo i Kabedo Maleŋ Maloyo gi remo diegi kodi roci cwayo jo wi migam; to okwanyo remo pere won ama odonjo gine i kabedo no, aka dicel makicutho, to nwaŋo riwan gine kwo makirum.

Joebulaniya 9:14

Kosa to remo pa Kristo m'omiyere i leŋo cungo kwoŋ tic pa Cuny ma cil gi cil, nyalo lonyo paro ma cuny wan kalo kenyo didi, kwoŋ tim m'othotho, ŋey watiy ri Were makwo!

1 Petero 1:20

Were oyero go mafodi k'ocwey piny, aka onyuthere i ndelo macowe me ma bero mewin.

1 Petero 2:24

Go won otiŋo reco mawan i delkwoŋe wi musalaba, ŋey wabedi jom'otho ri gimarac to wakwo ri tiro; cungo kwoŋ adholin pere, witieko cango.

1 Petero 3:18

Kole Kristo otho ri reco dicel kicutho, ŋataber, ri joreco, ŋey go wokel win bongi Were. Oneki go i delkwoŋe, to kareno omiy go kwo i cuny,

1 Petero 4:7

Gik gimoro je orikere ocore cegin, am'omiyo bedi win milengela kendo ma widhumo kwo mewin aka winyal kwayo.

1 Yohana 3:5

Wiŋeyo ni Kristo omenyere ŋey wokwany woko reco mawan, aka go ongoye gi gimarac.

1 Yohana 3:8

Ŋata medere gi timo reco meno dhano pa jwogi, rupiri jwogi ocako gi reco pere wok con. Wod Were obino ro wac me: Reyo woko tic ma jwogi oyido otieko timo.

Menyirok ri Yohana 13:8

Ji je ma jobedo i piny jobino lamo ogwaŋ no. Dwoŋ mere ni dhano je ma nyinge k'ondiki i kitawo pa jomakwo m'obedo apa Nyathi rombo m'oneki wok i cwec pa piny.

Menyirok ri Yohana 17:8

Ogwaŋ m'ineno no oyido con kwo, to pama kikwo. Go cegin wok i bur mwombe ma bu gike aka bino tundo kama ilarey'iye go woko. Ji ma piny ma nyingi jo fodi k'ondiki i kitawo ma kwo wok i cakirok pa piny jobino dhier ka joneno ogwaŋ no, rupiri con oyido kwo, t'onyo pama kikwo, aka bino nenirok kendo.