Joebulaniya 9:24 - KITAWO MALEŊ

²⁴ Ato Kristo k'odonjo i Kabedo Maleŋ ma ji ama jotimo, m'obedo nyaka cal pa kabedo mar'adieri mere. Go odonjo i polo won kama go pama ocung'iye riwan ruwaŋ Were.

KITAWO MALEŊ Catholic

²⁴ Ato Kristo k'odonjo i Kabedo Maleŋ ma ji ama jotimo, m'obedo nyaka cal pa kabedo mar'adieri mere. Go odonjo i polo won kama go pama ocung'iye riwan ruwaŋ Were.

Joebulaniya 9:24 ပူးပေါင်းရင်းမြစ်များ

Zabuli 68:18

Iyidho got mabor, itelo jom'omak i gar perin, t'ijolo mic kwoŋ ji, kiri kwoŋ ji perin ŋey Rwoth Were wonyali bedo kenyo.

Kitawo mar'ario mapa Musa m'ilwoŋo ni Wok 28:12

Kethi jo i thol ma goki law pa jocway ri Were i wi migam jowocungi ri nonin apar g'ario ma Isiraili. I nger me Aron bino tiŋo nyingi jo i goke, ŋey An, Rwoth abino poyo ji paran noknok.

Kitawo mar'ario mapa Musa m'ilwoŋo ni Wok 28:29

“Ameno ka Aron odonjo i Kabedo Maleŋ, go bino ruko mugowa ma ketho giŋeyo mito pa Were m'ondik'iye nyingi nonin ma Isiraili, ŋey An Rwoth, abino poyo ji paran noknok.

Zekaria 3:1

Rwoth onyuthan Yesuwa jadwoŋ pa jocway ri Were i wi migam munyo ocungo ruwaŋ malaika pa Rwoth, aka Sitan oyido ocungo yuracuc pa Yesuwa kisegeya go.

Matayo 18:10

“Neni ni wikicay nyaka jomathindho me; kole awaco riwin, i polo koro jomalaika pajo jonitie ruwaŋ Baba man polo hongo je.

Mariko 14:58

“Wawinjo go waco ni, ‘Abino kedho woko Ot pa Were me ma cingi dhano am'ogero, to agero man ma k'oger gi cingi jo.’ ”

Mariko 16:19

Munyo Rwoth Yesu otieko luwo gi jo, oter go i polo to bedo yuracuc pa Were.

Luka 24:51

Munyo go miyo jo silwany, oeye bongi jo t'itero go i polo.

Yohana 16:28

Awok bongi Baba t'abino i piny, aka onyo aeye i piny agik kendo bongi Baba.”

Yohana 6:62

To kosa bedi winen Wod Dhano munyo gik malo kama yado go oyido nitie iye con!

Tim pa Jomoor 3:21

Go ripo doŋ i polo cuka ndir otundi ma Were odwok'iye gigipiny je i kare, paka Were owaco gi i dhok jotuci wac pere ma cango con.

Joroma 8:33

Ŋa ma bino kelo banja kwoŋ ji pa Were m'oyer? Kole Were won ama kwanyo woko banja kwoŋ jo!

2 Jokorintho 5:1

Kole waŋeyo ni ka kayindi ma wabed'iye i piny, delkwoŋ wan me, okedhi woko, Were bino miyo wan ot ma cil gi cil i polo, ma dhano ama k'ogero.

Jokolosia 3:2

Kethi win paro mewin kwoŋ gigipiny man malo, makiweno kwoŋ ma piny ka.

Joebulaniya 1:3

Go obedo lero ma nyutho dwoŋ pa Were; aka go obedo cal pa Were won gi kite, kendo go ama kuro polo gi piny gi wac pere ma dimeni. Munyo go otieko kelo lonyo kwoŋ reco je, go obedo piny i polo yu cingi Jadhum Madwoŋ maracuc.

Joebulaniya 12:2

wakethi win waŋ wan kwoŋ Yesu ma yeyo mawan cungo kwoŋe wok i cako tundo i gike. Go ociro musalaba ro kisangala m'onwaŋo kuro go yuwaŋe; k'oparo kwoŋ wickwot ma tho kwoŋ musalaba oyido kidho kelo rigo, kendo onyo pama obedo yuracuc ma kom ma dhum pa Were.

Joebulaniya 4:14

Weyi wacwire matek kwoŋ yeyo ma watuco ni wan gine, paka kere wanitie gi jadwoŋ mapa jocway ri Were i wi migam, m'oasere gi dwoŋ m'obedo Yesu Wod Were won, m'otieko kidho i polo.

Joebulaniya 6:20

Yesu otieko telo donj'iye riwan ka waŋ wan, paka jadwoŋ pa jocway ri Were i wi migam cil gi cil i cal pa Melikizedek.

Joebulaniya 8:2

Aka go tiyo paka jadwoŋ pa jocway ri Were i wi migam i Kabedo Maleŋ M'oasere, m'obedo wema mar'adieri ma Rwoth ama ogero, makiweno dhano.

Joebulaniya 8:5

Jono jocwayo i kalamo pa Joyuda m'obedo nyaka cal kodi tipo pa gima nitie i polo. Meno am'omiyo ocik Musa munyo go oyido cegin gero wema pa Were ni, “Neni nike itimo gimoro je i cal m'onyuthin wi got.”

Joebulaniya 9:1

Cikirok marapena oyido nitie gi cik ma lamo Were kodi kalamo ma dhano ama ogero.

Joebulaniya 9:23

Gigipiny me, ma jobedo nyaka cal ma gigipiny ma polo, onwaŋo ripo lonyo jo i kite no. To gigipiny ma polo yenyo cowirok mabeyo loyo meno.

Joebulaniya 9:9

Gino oyido obedo cal ma nyutho ndir ma pama. Dwoŋ mere ni cowirok ma mic kodi le m'oyido icwayo ri Were kinyal miyo cuny ŋata lamo Were bedi m'olony kicutho.

1 Petero 3:22

m'otieko kidho i polo aka onyo nitie yu cingi Were maracuc, aka onyo dhumo jomalaika je kodi meni je kodi adhum je.

Menyirok ri Yohana 8:3

Malaika man m'onwaŋo nitie kodi giketho cuk mac ma waŋo buban, m'otimi gi zahabu, obino to cungo cegin gi migam. Omiy go buban madit ma womedi gi kwayo pa ji maleŋ pa Were aka wocwayi wi migam ma zahabu ma dho kom ma dhum.