Joebulaniya 9:15 - KITAWO MALEŊ

¹⁵ Ro wac me Kristo obedo jatim can ma miyo cikirok manyen wotiy, ŋey joma Were olwoŋo jowonyal limo silwany ma Were ociko. Kole go otieko tho paka cul ma gonyo ji woko kwoŋ kibenga ma jotimo munyo oyido jonitie i cikirok marapena.

KITAWO MALEŊ Catholic

¹⁵ Ro wac me Kristo obedo jatim can ma miyo cikirok manyen wotiy, ŋey joma Were olwoŋo jowonyal limo silwany ma Were ociko. Kole go otieko tho paka cul ma gonyo ji woko kwoŋ kibenga ma jotimo munyo oyido jonitie i cikirok marapena.

Joebulaniya 9:15 ပူးပေါင်းရင်းမြစ်များ

Zabuli 37:18

Rwoth oŋeyo ndelo pa jono ma jongoye g'apuse, aka gir'alunja pajo bedo cil gi cil.

Daniel 9:26

Rumacen ma oro dipiero aucel g'ario no, ilakwanyo woko ŋat'owir gi mo aka go langoye gi gimoro, to ji pere jolabino reyo woko tindi madwoŋ kodi Ot pa Were. Gike mere labino paka mikula pi, kelo lweny, rerok ma kiwacere.

Matayo 19:29

Aka nyatoro je m'oweyo udi, kosa wutmin, kosa nyimin go, kosa bamere, kosa min, kosa nyithindho, kosa ndelin ro an, bino limo kendo dimiya acel, kanyacel gi kwo makirum.

Matayo 22:3

Ooro jotic pere waco ri wendo m'olwoŋ ni jowobin i kalima; to jok'omito bino.

Matayo 25:34

Gikenyo Kere bino waco ri joma ni cinge maracuc ni, ‘Biye win, josilwany pa Baba, lunji win Ker m'oyik riwin wok i cwec pa piny;

Matayo 25:36

munyo angoye gi ruk wirukan, munyo atwo wiliman, munyo an twec wiliman.’

Mariko 10:17

Munyo Yesu ocako woth pere kendo, jal moro obino gi ŋwec to riewere piny ruwaŋe to penjo go ni, “Jafonji maber, atim aŋo ŋey alimi kwo makirum?”

Luka 18:18

Acel kwoŋ jodhum pa Joyuda openjo ni, “Jafonji maber, mitere atim aŋo ŋey alimi kwo makirum?”

Luka 22:20

I yo acel no bende, omiyo jo kikopo, munyo cemo m'othieno orumo, ka waco ni, “Kikopo me obedo cikirok manyen m'oridhi gi remo paran ma bino oy riwin.

Yohana 10:28

Amiyo jo kwo makirum, aka jokibino tho; ongoye moro ma bino mayan jo.

Tim pa Jomoor 20:32

“To pama onyo aketho win i cingi Were kodi i wac ma nema pere manyalo dongo win to miyo win silwany ma go okano ri ji pere je.

Joroma 5:10

Wan oyido wabedo jokwor pa Were, to Were odwoko wan i tiyirok gine kwoŋ remo pa Wode. Aka paka onyo watieko dwoko i tiyirok gi Were, kwo pa Wode onyo bino botho wan kicutho.

Joroma 5:6

Munyo fodi oyido wanyap, Kristo otho ri joreco i hongo ma Were oyero. Raŋo ameno?

Joroma 5:8

To Were otieko nyutho wan paka omaro wan, rupiri munyo fodi wabedo joreco, Kristo otho riwan.

Joroma 6:23

Kole kemba pa gimarac obedo tho; to mic ma Were miyo wan obedo kwo makirum i Kristo Yesu Rwoth mawan.

Joroma 8:28

Kole waŋeyo ni gimoro je timere kanyacel ma bero ri joma jomaro Were, jono ma go olwoŋo r'atoŋa pere won.

Joroma 8:30

Am'omiyo joma Were oyiko rijo kabedo con kicutho, bende olwoŋo jo; aka joma go olwoŋo, bende okwanyo woko banja kwoŋ jo; aka joma go okwanyo woko banja kwoŋ jo, bende opoko jo dwoŋ pere.

Joroma 9:24

Kole meno mako kwoŋ wan ma go olwoŋo, ki nyaka wok kwoŋ Joyuda kende, to kwoŋ Jopath bende.

2 Jokorintho 3:6

Go omiyo wanyalo tiyo ri cikirok manyen, ma k'obedo apa Cik m'ondiki, to apa Cuny Maleŋ, rupiri Cik m'ondiki kelo tho, to Cuny miyo kwo.

Jogalasia 3:20

Aka jathek tiyo i dier ji ma kalo acel; Were obedo ŋat'acel manitie i thenge acel.

Joefeso 1:7

Kole remo pa Kristo okelo riwan siem, kodi cwaki mareco mawan, ro nema pa Were m'oasere

2 Jothesalonika 2:14

Were olwoŋo win i yeyo me munyo oro Wac Manyen Maber ma wafoyo win, ni wilimi adec m'opok riwin kwoŋ dwoŋ pa Rwodhiwan Yesu Kristo.

1 Timothe 2:5

Kole Were nitie acel, aka nitie ŋat'acel ma riwo Were gi ji, jal m'ilwoŋo ni Kristo Yesu,

2 Timothe 2:10

Am'omiyo aciro gimoro je ri bero pa ji pa Were m'oyer, ŋey jo bende jowonyal limo both manitie i Kristo Yesu, kanyacel gi dwoŋ ma cil gi cil.

Tito 1:2

m'ocungo kwoŋ geno kwo makirum. Were ma kitwodi, ociko wan kwo me con mafodi hongo k'ocakere,

Tito 3:7

nike paka otieko ketho wan i tiro gi nema pere, wanyal bedo nyithindho pere makayo kareno wageno lunjo kwo makirum.

Joebulaniya 10:34

Wimako wor gi jom'otwey i jiera, aka munyo omay win lim mewin wiciro teko no gi kisangala, rupiri oyido wiŋeyo ni winitie gi gima beyo loyo meno, ma yindira cil gi cil.

Joebulaniya 10:36

Wiripo ciro candirok, ŋey witim gima Were yenyo to wilimo gima go ociko.

Joebulaniya 11:13

Ji me je cango jotho i yeyo. Jok'olimo gima Were ociko, to joneno gigipiny me gi bor to jojolo, aka joyeyo kamaler nike jo oyido jobedo jowiloka ma cale pa jom'obwok koth i piny.

Joebulaniya 12:24

Wibino bongi Yesu, m'ocano cikirok manyen, kodi gi bongi remo ma nyutho wac maber loyo remo pa Abel.

Joebulaniya 13:20

Onyo weyi Were ma jasiem, m'ocerino Rwodhiwan Yesu kwoŋ jom'otho, Yesu m'obedo Jakwath rombo Madwoŋ ro remo pere ma ridho cikirok makirum,

Joebulaniya 2:14

Paka nyithindho obedo ma del gi remo, Yesu bende olokere paka jo i del, aka nyaka i tho pere worey woko jwogi, manitie gi meni kwoŋ tho,

Joebulaniya 3:1

Riameno wutmera i Kristo, ma bende Were am'olwoŋo, kethi paro mewin kwoŋ Yesu, m'obedo jamoor kendo jadwoŋ pa jocway ri Were i wi migam, ma konyo yeyo ma watuco ni wanigine.

Joebulaniya 6:13

Munyo Were otimo cikirok kodi Abraham, okwoŋere munyo oro nyinge won paka oyido ongoye nyatoro maloyo go gi dwoŋ.

Joebulaniya 6:15

Aka munyo Abraham okudere to kuro, go olimo gima Were ociko.

Joebulaniya 7:22

Am'omiyo, kwoŋirok no loko Yesu paka raridh ma ridho cikirok maber maloyo macon.

Joebulaniya 8:13

Munyo oluwo kwoŋ cikirok manyen me, Were oloko marapena ca gima orumo tic; aka gimoro je m'orumo tic aka otieko ti, bino rere woko.

Joebulaniya 9:12

Kristo k'odonjo i Kabedo Maleŋ Maloyo gi remo diegi kodi roci cwayo jo wi migam; to okwanyo remo pere won ama odonjo gine i kabedo no, aka dicel makicutho, to nwaŋo riwan gine kwo makirum.

Joebulaniya 9:16

Kama nitie iye wac pa jatho m'ondiko, ripo bedo gima nyutho ni ŋato otieko tho adieri.

Joebulaniya 9:28

apaka Kristo bende ocway go dicel paka cowirok ma kwanyo woko reco pa ji kweth; aka go odoko bino nenirok mar'ario, ki ma tiŋo reco kendo, to ma botho joma jokuro go ayin.

Yakobo 1:12

Jasilwany a dhano ma cwire i yeyo i ndir ma tem, rupiri ka go onyalo loyo tem, bino limo sangaria ma kwo, kemba ma Were otieko ciko jom'omaro go.

1 Petero 3:18

Kole Kristo otho ri reco dicel kicutho, ŋataber, ri joreco, ŋey go wokel win bongi Were. Oneki go i delkwoŋe, to kareno omiy go kwo i cuny,

1 Petero 5:10

To ka witieko candirok mathin, Were ma nigi nema je, m'olwoŋo win ni wopok win ye dwoŋ ma cil gi cil i Kristo, won bino miyo win meni, to miyo wicungo ma wicwiny i yeyo.

1 Yohana 2:25

Aka me a gima Kristo won gipi ociko miyo wan: Manago kwo makirum.

Menyirok ri Yohana 5:9

Jowero wer manyen ni, “Iripo gi kwanyo kitawo gi halo woko gim'omwon gine. Kole onekin, aka gi remo perin, inyewo ri Were ji maleŋ, wok i nonin je, dhodhok je, piny je kodi ji ma piny gipi.