Joebulaniya 2:11 - KITAWO MALEŊ

¹¹ Ato ŋata loko ji maleŋ kodi joma iloko jo maleŋ, je jonigi Ba gin acel. Am'omiyo Yesu ongoye giwickwot lwoŋo jo ni wutmin go.

KITAWO MALEŊ Catholic

¹¹ Ato ŋata loko ji maleŋ kodi joma iloko jo maleŋ, je jonigi Ba gin acel. Am'omiyo Yesu ongoye giwickwot lwoŋo jo ni wutmin go.

Joebulaniya 2:11 ပူးပေါင်းရင်းမြစ်များ

Matayo 25:40

Kere bino dwoko jo ni, ‘Adieri awaco riwin, munyo witimo gino kada ri acel m'oasa thin kwoŋ jowotan me, meno witimo ran.’

Matayo 28:10

Yesu owaco rijo ni, “Wikiri wilwor. Kidhi wiwaci ri jom'oyeyo jowokidhi Galili, aka jobino nenan yukoro.”

Mariko 3:34

Aka obolo waŋe oŋiyo jom'obedo piny thoko go, to waco ni, “Kole jome a mama gi wutmera.

Mariko 8:38

Am'omiyo ka dhano wiye okwot kodan gi fonji paran, i ndir ma ji kuy'iye Were, ndir ma ji odakan iye, Wod Dhano bende wiye bino kwot gi ŋato ka go dwoko i dwoŋ pa Bamere kanyacel gi jomalaika maleŋ.”

Luka 9:26

Ŋata wiye kwot kodan gi wac paran, Wod Dhano bende wiye bino kwot kodi go k'odwoko i dwoŋ pere kodi i dwoŋ pa Bamere kodi apa jomalaika maleŋ.

Yohana 17:19

Aka ri bero pajo onyo amiyere rin ŋey jo bende jowonyal miyirok iy'adieri.”

Yohana 17:21

Akwayo nike joje jowonyal bedo acel, Baba, paka initie i an aka anitie i in. Jo bende jowobedi i wan, ŋey piny woyeyi nike Iŋat'ioran.

Yohana 20:17

Yesu owaco rigo ni, “Ikir'imakan rupiri fodi akigiki bongi Baba. To kidhi bongi wutmera iwaci rijo ni akidho malo bongi Baba ma Bawin, Were paran ma Were mewin.”

Tim pa Jomoor 17:26

Wok kwoŋ dhano acel go ocweyo nonin je, to miyo jo bedo i piny gipi. Go won ama cango ocano ndir kodi kew ma kabedo ma ji di jobed'iye.

Tim pa Jomoor 17:28

Kole i go wakwo aka wawotho kendo walama. Paka jondiko mewin moro joluwo ni, “Adieri wabedo nyithindho pere.”

Joroma 8:29

Kole joma Were oŋeyo con, bende oyiko rijo kicutho bedo i cal pa Wode, ŋey Wode wobedi okayo i dier wutmin go.

Jogalasia 4:4

To munyo hongo m'oyik otundo, Were ooro Wode won, ma dhako won bende am'onywolo, aka obedo i Cik pa Joyuda,

Joebulaniya 10:10

Aka Yesu Kristo otieko timo gima Were omito ni go wotim, am'omiyo wajoje onyo oloki wan m'olony kwoŋ reco i cowirok ma go otimo ma delkwoŋe won, dicel kende to kicutho.

Joebulaniya 10:14

Am'omiyo, gi cowirok ma go ocwayo dicel no, go otieko lonyo kicutho joma onyo pama ilonyo jo kwoŋ gimarac.

Joebulaniya 11:16

Kucel, oyido jomiyo piny maber loyo, m'obedo piny manyapolo. Am'omiyo Were wiye kikwoti lwoŋirok ni Were pajo, rupiri otieko yiko rijo tindi.

Joebulaniya 13:12

Am'omiyo Yesu bende otho woko ma waŋkac ma tindi, ŋey wolwoki woko reco pa ji gi remo pere won ma miyo ji leŋo.

Joebulaniya 2:14

Paka nyithindho obedo ma del gi remo, Yesu bende olokere paka jo i del, aka nyaka i tho pere worey woko jwogi, manitie gi meni kwoŋ tho,

Joebulaniya 3:1

Riameno wutmera i Kristo, ma bende Were am'olwoŋo, kethi paro mewin kwoŋ Yesu, m'obedo jamoor kendo jadwoŋ pa jocway ri Were i wi migam, ma konyo yeyo ma watuco ni wanigine.