Joebulaniya 11:37 - KITAWO MALEŊ

³⁷ Ogoy jo gi telin; obar jo diere to jopokere ario, oneki jo kodi abor. Jothoko piny i pien rombo gi diegi munyo jonitie i candi, olweny gi jo, t'itimo jo marac.

KITAWO MALEŊ Catholic

³⁷ Ogoy jo gi telin; obar jo diere to jopokere ario, oneki jo kodi abor. Jothoko piny i pien rombo gi diegi munyo jonitie i candi, olweny gi jo, t'itimo jo marac.

Joebulaniya 11:37 ပူးပေါင်းရင်းမြစ်များ

2 Samwiri 12:31

Go okelo ji ma Raba aka omiyo jo tic gi musimeno, kwe ma nyweny, le ma nyweny, aka omiyo jo goyo matafal. Otimo gime ri ji ma tindin pa Joamon man. Kenyo Daudi gi cwo pere jogik Yerusalem.

1 Kerin 18:13

Fodi ikiwinjo ye nike ndir munyo Yezebel oyido neko jotuci wac Were pa Rwoth akano miya acel kwoŋ jo i ŋungu i kitipin ario ma piero abic, t'amiyo jo cemo kodi pi?

1 Kerin 18:4

aka ndir ma Yezebel oyido neko jotuci wac Were, Obadia otero jotuci wac Were miya acel aka okano jo i ŋungu i kitipin ario ma piero abic to miyo jo cemo kodi pi.)

1 Kerin 19:1

Ahab owaco ri Yezebel gima Elia otimo je, kodi nger ma oneko iye jotuci wac were pa Bal.

1 Kerin 19:10

Elia odwoko ni, “Noknok atiyo rin kende Rwoth. To neni Joisiraili joturo cikirok pajo kodin, joturo piny migam, to joneko jotuci wac Were perin je. An kendan aŋat'adoŋ, aka jorango nekan bende.”

1 Kerin 19:13

Munyo Elia owinjo, oumo waŋe gi kanzu pere to wok woko cungo i dhiot ma ŋungu. Kenyo dwondi nyatoro openjo Elia ni, “Itimo aŋo ka?”

1 Kerin 19:14

Elia odwoko ni, “Rwoth Were Majameni je, noknok atiyo rin, to Joisiraili joturo cikirok pajo kodin, joturo piny migam, to neko jotuci wac Were perin je. An kendan aŋat'adoŋ, aka jorango nekan bende.”

1 Kerin 19:19

Ameno Elia owok kenyo aka onwaŋo Elisa wod pa Safat furo gi megikwe i kitipin apar g'ario yuwiye, aka go oyido furo gi ma cen. Elia olunyo kanzu pere to bolo kwoŋ Elisa.

1 Kerin 21:10

Nwaŋ win ji ma bukony ario jowosegeya go ruwaŋe nike okwoŋo Were kodi kere. Kenyo ter win go woko ma tindi madwoŋ aka wigoy go gi telin wotho.”

2 Kerin 1:8

Jodwoko ni, “Oruko law ma pien ogwaŋ to tweyo piere gi del ma pien diel.” Kere odwoko ni, “Meno Elia!”

2 Kerin 2:13

Odimo kanzu pa Elia m'oyido opodho wok kwoŋ Elia, to gik cungo i thengi Yordan.

2 Kerin 2:8

Kenyo Elia olunyo kanzu pere to dolo aka ogoyo gine wi pi; pi otiakere aka Elia kodi Elisa joŋado i thenge ca i lowo m'othwo.

1 Kigana kwoŋ Kerin 20:3

Go okelo ji ma Raba aka omiyo jo tic gi musimeno, kwe ma nyweny, le ma nyweny, aka omiyo jo goyo matafal. Otimo gime ri ji ma tindin pa Joamon man. Kenyo Daudi gi cwo pere jogik i Yerusalem.

2 Kigana kwoŋ Kerin 24:21

Ji jocamo tiendi Zekaria gi piny, aka munyo kere Yowas owodho or, t'icadho go gi telin i diedipo ma Ot pa Rwoth.

Yeremia 2:30

Atieko rwadho nyithindho mewin piny; jokwero winjo fonji. Abor mewin wegi ocamo woko jotuci wac were mewin paka simbwor ma reyo woko jo.

Yeremia 26:23

Jokelo Uriya bongi Kere Yehoyakim wok Misir, m'oneko go g'abor to bolo delkwoŋe kam'iyik'iye ji ma kisi ndelo.

Zekaria 13:4

I ndelo no kisi jatuci wac Were labedo giwickwot ro menyirok pere ka tuco wac Were. Jolaruko law ma yer ŋey jowotwodi.

Zekaria 13:9

Alaketho adec mar'adek i mac, alathodho paka ithodho feza, aka alatemo jo paka itemo zahabu. Jolalwoŋo nyingan, aka aladwoko jo. Alawaco ni, Jobedo ji paran, aka jolawaco ni, Rwoth obedo Were paran.

Matayo 21:35

Jotic jomako ŋecin pere no, jogoyo acel, joneko man, to jogoyo man gi telin.

Matayo 3:4

Ruk pa Yohana oyido otim ma yer ŋamia, aka go oyido tweyo piere gi del ma pien, aka cemo pere oyido obedo bonyo kodi mo kic.

Matayo 8:20

Yesu odwoko go ni, “Kibwe jonitie gi kero pajo, aka winyin bende jonitie gi od gin, to Wod Dhano ongoye kodi kama go othen'iye wiye.”

Luka 13:34

“A ji ma Yerusalem, ma joneko jotuci wac Were m'odhir rijo, aka megi jogoyo jo gi telin! Didi m'atieko temo coko win bongan aum win pa min gweno ma umo nyithindhe i bwombe, to wikwero!

Tim pa Jomoor 14:19

Joyuda moro jowok yu Antiok ma Pisidia kodi Yu Ikoniam; aka munyo jocowo ywayo ji yuthenge pajo, jogoyo Paulo gi telin, joywayo go, to jowodho go woko ma tindi munyo joparo nike go otieko tho.

Tim pa Jomoor 7:52

Nitie jatuci wac Were kad'acel ma kwarere pajo k'olwenyo gine? Joneko kiri jomikwenda pa Were, ma cango con jotuco bino pa Ŋat'otire, ma witieko kiri camo rigo sereko to wineko go.

2 Jokorintho 12:10

Aŋiyo ran gi nyapo, yet, candirok, lweny pa ji kodi teko ro tic ri Kristo. Kole ka angoye gi meni meno aka nyaka atek.

Joebulaniya 11:25

Go ofoyo candirok gi ji pa Were loyo bedo i siem ma gimarac cowo nyaka hongo macek.

Joebulaniya 13:3

Poyi win joma nitie i twec paŋini winitie i twec gi jo. Poyi win joma candere, paŋini wicandere gi jo.

Menyirok ri Yohana 11:3

Aka abino miyo jomikwenda paran ario, meni ma tuco mikwenda paran i hongo ma ndelo gana acel miya ario gi piero aucel, kareno joruko kutiyin.”