Joebulaniya 10:12 - KITAWO MALEŊ

¹² To Kristo ocwayo cowirok acel ri reco dicel kende to bedo piny yuracuc pa Were.

KITAWO MALEŊ Catholic

¹² To Kristo ocwayo cowirok acel ri reco dicel kende to bedo piny yuracuc pa Were.

Joebulaniya 10:12 ပူးပေါင်းရင်းမြစ်များ

Zabuli 110:1

Rwoth waco ri rwoth paran ni, “Bedi i cingan maracuc, cuka aketho jokwor perin i par tiendin.”

Mariko 16:19

Munyo Rwoth Yesu otieko luwo gi jo, oter go i polo to bedo yuracuc pa Were.

Joroma 8:34

To ŋa m'odoko othum rijo banja? Ki Kristo Yesu m'otho, kendo ma Were ocerino go kwoŋ jom'otho, aka onyo obedo yu cingi Were maracuc aka pido riwan bongi Were!

Joefeso 5:2

Wiripo bedo gi mar paka Kristo omaro wan to miyo kwo pere ro wan paka cowirok maŋwe kur ri Were.

Jokolosia 3:1

Am'omiyo paka otiek cerino win i kwo gi Kristo, onyo kethi win cuny win kwoŋ gigipiny ma polo, kama Kristo niye aka obedo yuracuc pa Were.

Joebulaniya 1:3

Go obedo lero ma nyutho dwoŋ pa Were; aka go obedo cal pa Were won gi kite, kendo go ama kuro polo gi piny gi wac pere ma dimeni. Munyo go otieko kelo lonyo kwoŋ reco je, go obedo piny i polo yu cingi Jadhum Madwoŋ maracuc.

Joebulaniya 10:10

Aka Yesu Kristo otieko timo gima Were omito ni go wotim, am'omiyo wajoje onyo oloki wan m'olony kwoŋ reco i cowirok ma go otimo ma delkwoŋe won, dicel kende to kicutho.

Joebulaniya 10:14

Am'omiyo, gi cowirok ma go ocwayo dicel no, go otieko lonyo kicutho joma onyo pama ilonyo jo kwoŋ gimarac.

Joebulaniya 5:1

Kisi jadwoŋ pa jocway ri Were i wi migam je iyero wok kwoŋ ji aka imiyo go tic ma tiyo ri Were kapa jono. Go cwayo ri Were mic kodi cowirok ri reco pa ji.

Joebulaniya 5:3

Aka paka go won nyap, go cowere ki nyaka ri reco pa joman kende, to ri reco pere bende.

Joebulaniya 7:27

Go kicale jodongo pa jocway ri Were i wi migam man; go kiyenyere cowirok wi migam ndelo je: Ni kutho ri reco pere won, aka nyaka wocowere ri reco pa joman bende. Go ocowere wi migam dicel kende to makicutho, munyo go won omiyere paka cowirok.

Joebulaniya 8:1

Me a gimadwoŋ kwoŋ gima wawaco: Wanitie gi jadwoŋ pa jocway ri Were i wi migam, ma kiti dwoŋ pere omiyo go bedo yuracuc ma kom ma dhum pa Were Madwoŋ Ma urere i polo.

Joebulaniya 9:12

Kristo k'odonjo i Kabedo Maleŋ Maloyo gi remo diegi kodi roci cwayo jo wi migam; to okwanyo remo pere won ama odonjo gine i kabedo no, aka dicel makicutho, to nwaŋo riwan gine kwo makirum.

Joebulaniya 9:14

Kosa to remo pa Kristo m'omiyere i leŋo cungo kwoŋ tic pa Cuny ma cil gi cil, nyalo lonyo paro ma cuny wan kalo kenyo didi, kwoŋ tim m'othotho, ŋey watiy ri Were makwo!