Jafonji 9:10 - KITAWO MALEŊ

¹⁰ Gimoro je ma cingin nwaŋo atima, tim gi meni perin, kole ongoye tic kosa paro kosa ŋeyo kosa rieko i piny pa jom'otho, kam'ikadh'iye koro.

KITAWO MALEŊ Catholic

¹⁰ Gimoro je ma cingin nwaŋo atima, tim gi meni perin, kole ongoye tic kosa paro kosa ŋeyo kosa rieko i piny pa jom'otho, kam'ikadh'iye koro.

Jafonji 9:10 ပူးပေါင်းရင်းမြစ်များ

Cakirok 37:35

Wote gi nyir pere je jobino kweyo cunye, to go okwero ni wokwey cunye aka owaco ni, “Be, alakidho i piny pa jom'otho kafodi aywako wodan.” Ameno omedere ywako wode Yozefu.

1 Kigana kwoŋ Kerin 22:19

Onyo kethi win paro mewin kodi cuny win rango Rwoth Were mewin. Kadhi wigeti ot ri Rwoth Were ŋey wikethi iye Kakan ma Cikirok pa Rwoth kodi gigipiny maleŋ je m'ioro i lamo.”

1 Kigana kwoŋ Kerin 28:20

Kere Daudi owaco ri wode Solomon ni, “Bedi matek aka jamisen. Cak tic aka wongoye gima wogeŋin, kole Rwoth Were, Were paran nitie kodin. Go kilaweyan, to labedo kodin cuka inocow tic je ma Ot pa Were.

Nehemia 2:12

akiwaco ri dhano gima Were oyido oketho i cunyan timo ri Yerusalem. Ogwaŋ ma watero kende obedo punda m'oyido agweyo.

Nehemia 4:2

Go owaco ruwaŋ wadi gi jolweny ma Samaria ni, “Aŋo ma Joyuda ma josisiri me joparo ni jotimo? Jogeti kendo tindi madwoŋ? Jomiy cowirok? Jocow gi ndelo acel? Jogol telin m'owaŋ m'odhure i yuk?”

Nehemia 4:6

Ameno wageto kendo kor ot, aka wariwo adec mere je kanyacel tundo kiri i kore, kole ji oyido jonitie gi kinen ma tic.

Yobu 10:21

mafodi akikadho kama ak'odwok'iye, i piny ma rem gi mudho mapek.

Yobu 10:22

Piny ma tipo gi nywowirok, kama lero cal mudho.

Yobu 21:13

Jobedo i kwo ma siem, aka jotho moth m'ongoye candirok.

Zabuli 6:5

Kole ongoye ŋata poyin i tho, aka ongoye ŋata nyalo pakin i piny pa jom'otho.

Agecin 3:28

Ikir'iwaci ri nyawotin ni, kadhi, inodwoki kendo, alamiyin dikin, kareno inigi gino.

Jafonji 11:3

Ka pondeponde jotieko poŋ, to jocwe koth i piny, obedi ni yath opodho yupiny kosa yumalo, i kabedo ma yath no opodh'iye, kenyo ama larier'iye.

Jafonji 11:6

Cwoy kodhi perin odikin, aka othieno ikir'iyey cingin wobedi ma k'otimo gimoro; kole ikuya ma lakadho maber, me kosa meca, kosa ka joje jobedi maber.

Isaya 38:10

Oyido aparo ni i oro paran mabeyo, alakadho i piny pa jom'otho, ma kwo paran ongoye kendo.

Yeremia 29:13

Ka wirangan, wilanwaŋan, ka widwaran gi cuny win je,

Kwan 13:30

To Kaleb omiyo ji liŋ ruwaŋ Musa, to waco ni, “Weyi wakadhi win dicel wabed'iye, kole wanyalo mako.”

Matayo 20:7

Jodwoko ni, ‘fodi ongoye ŋat'omiyo wan tic.’ Gikenyo go owaco ri jono ni, ‘Ere wibende kidhi win witiy i ndelo vini paran.’ ”

Matayo 6:33

To kutho rangi win Ker pa Were kodi tiro ma go yenyo, aka go bino miyo win gigipiny me je.

Yohana 4:34

Yesu owaco rijo ni, “Cemo paran obedo timo gima ŋat'ooran yenyo gi cowo tic pere.”

Yohana 5:4

rupiri dicel dicel malaika pa Rwoth oyido bin loro piny i dago no to ico pi. Aka jatwo m'open donjo i dago no ka otiek ico pi, ama two pere ma nger je both woko].

Yohana 9:4

Kafodi piny ler waripo timo tic pa ŋat'ooran, mudho bino, ma ongoye dhano m'onyal tic.

Joroma 12:11

Tiyi win matek, aka wikiri wibedi manyap. Cway win ri Rwoth gi cuny win je.

1 Jokorintho 15:10

To ro nema pa Were, abedo ŋat'abedo, aka nema ma go otimo ran k'obedo ma bukony. Kucel, atieko tiyo matek loyo jomoor man je, kada k'obedo tic paran won, to nema pa Were ma nikodan ama tiyo.

1 Jokorintho 16:10

To ka Timothe obino bongi win, yikere win ma miyo go ŋeyo ni wijolo go maber, rupiri go bende tiyo ri Rwoth paka an.

1 Jokorintho 9:24

Wikipoy ni i ŋwec ma piem, joŋwec je joringo, to ŋat'acel kende ama limo kemba. Am'omiyo ringi cuka ibende ilimi kemba.

1 Jokorintho 9:26

Am'omiyo akiringi aringa ameno nono, meno am'omiyo acalo jagoy adol ma kiwiti adol pere i hongo nono.

Joefeso 5:16

Wikiri winyeki hongo ma winitie gine, rupiri me ndir mareco oaser'iye.

Jokolosia 3:23

Gimoro je ma witimo, tim win gi cuny win acel, pa witiyo ri Rwoth, makiweno ri dhano.

1 Samwiri 10:7

Ka gigipiny me je otieko timere, tim gimoro je ma ripo ni itimi rupiri Rwoth nitie kodin.