Jafonji 8:5 - KITAWO MALEŊ

⁵ Ŋata winjo or, k'oŋey gimarac, cuny ŋatariek oŋeyo sawa m'otire gi yo m'otire.

KITAWO MALEŊ Catholic

⁵ Ŋata winjo or, k'oŋey gimarac, cuny ŋatariek oŋeyo sawa m'otire gi yo m'otire.

Jafonji 8:5 ပူးပေါင်းရင်းမြစ်များ

1 Kigana kwoŋ Kerin 12:32

Wok i nono pa Isakar, obedo jotel 200 kanyacel gi cwo m'oyido jotelo. Cwo me oyido joŋeyo gima Isiraili ripo timo kodi sawa maber wotim'iye.

Zabuli 119:6

Kenyo wiyan kilakwot, k'aluwo or perin je.

Kitawo mar'ario mapa Musa m'ilwoŋo ni Wok 1:17

To mon ma jocolo mon oyido jolworo Were, aka jok'otimo paka kere ma Misir omiyo jo or, aka joweyo nyithindho mayac kwo.

Agecin 12:21

Ongoye teko ma mako jom'otire, to jokidakana jopoŋ gi litho.

Agecin 17:24

Dhano ma niaŋ timo gi rieko, to jamiŋo ongoye g'atoŋa.

Jafonji 10:2

Cuny ŋatariek thenere i cinge maracuc, to cuny jamiŋo, yu cinge maracam.

Jafonji 12:13

Me gike ma wac, kisi gimoro je otiek winjo. Lwor Were, aka ikuri or pere, kole me gima ji je joripo timo.

Jafonji 2:14

Jomariek joneno bor, jomamiŋ jowotho i mudho. Kucel aŋeyo bende ni teko acel podho kwoŋ joje.

Jafonji 8:2

Awaco ni, winji wac ma wok i dhok kere, r'atoŋa ma cikirok pa Were.

Hoseya 5:11

Idiyo Efrayim piny, iŋinyo go i thumo banja, kwoŋbedo go oyido oyeyo timo gipilok.

Luka 20:25

Jodwoko ni, “Apa Kayisar.” Aka Yesu odwoko ni, “Ere ka ameno, miy win Kayisar gipa Kayisar, aka wimiy Were bende gipa Were.”

Tim pa Jomoor 4:19

To Petero gi Yohana jodwoko ni, “Wiwegi thum win gim'otire atima ruwaŋ Were, winjo win, kosa winjo Were;

Tim pa Jomoor 5:29

Petero gi jomoor man jodwoko ni, “Waripo winjo or pa Were makiweno apa ji.

Jokolosia 1:9

Riameno, fodi wakikeŋ kwayo riwin, wok cuka wawinji kwoŋ win. Wakwayo Were wopoŋ win gi rieko ma ŋeyo gima go yenyo, gi rieko je kodi niaŋ ma Cuny miyo.

Joebulaniya 5:14

To cemo manwaŋ, obedo apa jom'otegino ma jotieko ŋeyo poko gima beyo gi reco.