Jafonji 5:10 - KITAWO MALEŊ

¹⁰ Ŋat'omaro feza kilayeŋ gi feza, aka ŋat'omaro lim kilalimo ma romo. Me bende obedo pilok.

KITAWO MALEŊ Catholic

¹⁰ Ŋat'omaro feza kilayeŋ gi feza, aka ŋat'omaro lim kilalimo ma romo. Me bende obedo pilok.

Jafonji 5:10 ပူးပေါင်းရင်းမြစ်များ

Zabuli 52:1

Raŋo inor, a jal ma jameni, ri raco perin? Adieri pa Were bedo cil gi cil.

Zabuli 52:7

“Neni jal m'okwero Were bedo kapondo pere, to geno ŋaŋo pere madwoŋ, opondo i lim pere!”

Zabuli 62:10

Ikir'ikethi geno iy'akaka, ikir'ikethi geno m'ongoye i kwo; ka ŋaŋo omedere, ikir'ikethi cunyin kwoŋe.

Jafonji 1:17

Aka amiyo cunyan ŋeyo rieko gi ŋeyo neko gi miŋo. Aniaŋ ni me bende obedo riemo koyo.”

Jafonji 1:8

Gigipiny je jolocere, ma dhano kinyal waco, waŋ jo kiyeŋ gi neno, kosa ithi jo kipoŋ gi winjo wac.

Jafonji 2:10

Kisi gimoro je ma waŋan ogomba akipano kwoŋ jo; akicero cunyan siemirok, kole cunyan onwaŋo siemirok i tic paran je, aka me obedo kemba paran wok kwoŋ tic paran je.

Jafonji 2:11

Kenyo t'aparo kwoŋ tic je ma cingan otieko timo gi kwok m'aoyo ma timo, aka neni, je obedo pilok gi riemo koyo, aka ongoye magowa i pendi waŋceŋ.

Jafonji 2:26

Kole ri nyatoro maber ruwaŋe, go otieko miyo rieko, ŋeyo gi kisangala; to ri ŋata timo reco, go miyo go tic ma coko gi dhuro, nyaka ma miyo ŋataber ruwaŋ Were. Me bende obedo pilok kodi riemo koyo.

Jafonji 3:19

Kole gima podho kwoŋ ji bende ama podho kwoŋ ogwaŋe; paka ji jotho, apaka bende ogwaŋe jotho. Joje jonitie gi luya acel, aka ji jongoye gi gima joloyo gine ogwaŋe; kole je obedo pilok.

Jafonji 4:16

Ongoye gike ri ji je kiri ri jono ma jopen rijo. Kucel jono ma jobin rumacen jok'ofore i go. Adieri me bende obedo pilok gi riemo koyo.

Jafonji 4:4

Abino aneno ni kisi olo gi ndijo je ma tic, wok i dhano mako nyeko gi nyawote. Me bende obedo pilok gi riemo koyo.

Jafonji 4:8

Nitie ji ma jobedo kendi jo, ma jongoye gi wot jo kosa wutmin jo, kucel ongoye rijo gike ma olo pajo je, aka waŋ jo bende kiyeŋ gi ŋaŋo. Jopenjere ni, “Aol ri ŋa, ma an won akisiemere?” Me bende obedo pilok gi tic i teko.

Jafonji 5:9

To i je bero pa kere bedo i lowo m'ofur ndelin mere.

Jafonji 6:7

Olo pa dhano je obedo ri iye, kucel awanya kiyeŋ.

Matayo 6:19

Wikiri wikan ŋaŋo mewin i piny ka, kama masirigi kodi nyal jobino nyek'iye, aka jokwo jobino donj'iye to jokwalo woko;

Matayo 6:24

Ongoye ŋata nyalo tiyo ri rwodhe ario; go bino maro acel to dak man, kosa nyalo tiyo ri acel to cayo man. Ikinyal tiyo ri Were kodi ri lim bende.

Luka 12:15

To medere waco ri jono ni, “Kure win, odoko gwokere win kwoŋ woro ma nger je, rupiri kwo pa dhano kicungi i thotho pa lim ma go nitie gine, kada bedi ni go nigi ma kalo ma go yenyo.”

1 Timothe 6:10

Kole maro pesa ama wok'iye reco ma nger je. Jomegi jobedo g'awanya mathoth ri pesa am'omiyo jopodho woko i yeyo aka jokelo gut madwoŋ i cuny gin.