Jafonji 3:11 - KITAWO MALEŊ

¹¹ Go otieko timo kisi gimoro je maŋon i hongo pere ma ripo, medo kwoŋ meno go oketho iy'adundin pajo ŋeyo gima nitie yumalo, kucel ji jokinyal niaŋ tic ma Were otieko timo wok i cako kiri i gike.

KITAWO MALEŊ Catholic

¹¹ Go otieko timo kisi gimoro je maŋon i hongo pere ma ripo, medo kwoŋ meno go oketho iy'adundin pajo ŋeyo gima nitie yumalo, kucel ji jokinyal niaŋ tic ma Were otieko timo wok i cako kiri i gike.

Jafonji 3:11 ပူးပေါင်းရင်းမြစ်များ

Cakirok 1:31

Were oneno kisi gima go oyido ocweyo, aka neni, oyido ber swa. Piny oyutho to piny yawere. Meno obedo ndelo mar'aucel.

Yobu 11:7

Inyalo dwaro kwoŋ gigipiny pa Were t'inwaŋo? Inyalo ŋeyo gike pa Jameni Je?

Yobu 37:23

Meni pa Were dwoŋ ma wakinyali core cegin bonge, go dwoŋ i meni gi tiro, aka go otire noknok.

Yobu 5:9

Go timo gigipiny madongo aka m'opanere, gigipiny ma gir'aura ma kikwanere.

Zabuli 104:24

Rwoth, tic perin thoth! Icweyo joje i rieko perin; piny opoŋ gi cwec perin.

Agecin 16:4

Rwoth otieko timo kisi gimoro g'atoŋa mere, kiri jakidakana ri ndelo ma teko.

Jafonji 1:13

Amiyo cunyan dwaro gi rango gi rieko kisi gimoro je manitie i pendi polo, obedo tic matek ma Were otieko miyo ji ni jowooli gine.

Jafonji 11:5

Paka ikuya nger ma luya ma kwo bino i cokin perin i iy yokin, ameno apaka ikuya tic pa Were, go ma timo kisi gimoro.

Jafonji 7:13

Par kwoŋ tic pa Were, ŋa manyalo loko m'otire gim'otieko timo m'oban?

Jafonji 7:23

Gime je atieko temo gi rieko, awaco ni, “Alalokere mariek.” To oyido bor kodan.

Jafonji 7:29

Par kwoŋ gime kende, m'atieko nwaŋo, ni Were ocweyo ji ma jotire, to jotieko rango yo kweth.

Jafonji 8:17

Kenyo aparo kwoŋ tic pa Were je, ni ongoye ŋata nyalo nwaŋo gima timere i pendi waŋceŋ, kwoŋbedo makada nende dhano ool nedi rango, kucel go k'onwaŋ, aka makada nende ŋatariek opar ni oŋeyo, kucel go k'onyal nwaŋo.

Matayo 11:27

Baba otieko miyan gimoro je, aka onyo ongoye ŋat'oŋeyo Wode kwanyo woko Bamere, kendo ongoye ŋat'oŋeyo Bamere kwanyo woko Wode kodi joma Wode odiero nyutho jo kamaler.

Matayo 13:22

Kodhi m'opodho i kudhin nyutho joma winjo mikwenda, to rembo ri kwo ma piny kodi maro ŋaŋo, diyo wac no piny to lokere gima kinyak.

Mariko 7:37

Ji je ma jowinjo wac no jouro swa. Jowaco ni, “Go otimo gimoro je maber; go miyo kiri joma ithi gin otho winjo wac, kodi obadhin luwo.”

Joroma 1:28

Paka ji jokwero ketho i paro pajo rieko mar'adieri ma mako kwoŋ Were, go onyo ojala jo ri paro m'otop, ma miyo jo timo gim'oyido jokiripi timo.

Joroma 11:33

Thutho ma ŋaŋo pa Were kodi rieko kodi niaŋ pere rom nedi! Ŋa manyalo tito paro ma go ocano? Ŋa manyalo niaŋ kwoŋ royo pere?

Kitawo mar'abic mapa Musa m'ilwoŋo ni Cik 32:4

Go tele, tic pere nitie i kare, yo pere je otire. Were ma timo adieri, m'ongoye gi banirok, go jatiro aka timo gim'otire.