Jafonji 2:23 - KITAWO MALEŊ

²³ Kole ndelo pere je opoŋ gi litho, aka tic pajo obedo aŋedha cuny; kiri wor paro pajo kiywomere. Me bende obedo pilok.

KITAWO MALEŊ Catholic

²³ Kole ndelo pere je opoŋ gi litho, aka tic pajo obedo aŋedha cuny; kiri wor paro pajo kiywomere. Me bende obedo pilok.

Jafonji 2:23 ပူးပေါင်းရင်းမြစ်များ

Cakirok 3:17

Aka ri jacwo owaco ni, “Rupiri iwinjo dwondi dhako perin, t'icamo olemo ma yath m'amiyin cik ni ikir'icam kwoŋe, akwoŋo lowo ro in. I kwok perin ibino cemo i kwo perin je.

Cakirok 47:9

Yakobo odwoko ni, “Kwo paran ma woth otieko oro 130. Oro no jobedo manok to ma teko, makiweno paka oro mabor ma woth pa kwarere paran.”

Esita 6:1

Gi wor no won, kere Aritakises k'onyalo nindo, aka owaco ni okeli rigo kitawo m'ondik'iye gim'otieko timere m'iripo poyo i ker pere aka osoma rigo.

Yobu 14:1

Dhano ma dhako onywolo kwo ma ndelo manok, aka opoŋ gi teko.

Yobu 5:7

Kisi dhano nywole ri teko, paka mac gaŋere malo.

Zabuli 127:2

Ongoye kony mondo cew, t'igalo donjo nindo, camo mugat ma tic matek, kole Rwoth miyo ji ma go omaro nindo.

Zabuli 32:4

Imiyan gir'acula wor g'odieceŋ, Rwoth, meni paran je orumo, paka ŋico thwo gi lietho i ndir ma ceŋ.

Zabuli 90:15

Miy wan kisangala madit paka kumo m'imiyo wan, i oro mawan je ma litho.

Jafonji 1:13

Amiyo cunyan dwaro gi rango gi rieko kisi gimoro je manitie i pendi polo, obedo tic matek ma Were otieko miyo ji ni jowooli gine.

Jafonji 1:18

Kole i rieko mathoth nitie aŋedha cuny mathoth, aka ŋatimoro je ma medo ŋeyo, medo kumo.

Jafonji 2:11

Kenyo t'aparo kwoŋ tic je ma cingan otieko timo gi kwok m'aoyo ma timo, aka neni, je obedo pilok gi riemo koyo, aka ongoye magowa i pendi waŋceŋ.

Jafonji 5:12

Nindo pa jogoy fut mit, obedi ni jocemo adec kosa i thotho, to thoŋino pa jaŋaŋo kiyey go nindo.

Jafonji 5:17

Medo kwoŋ meno, hongo pere je go lacemo i mudho, go lamako nge, i two gi mako ŋonge.

Jafonji 8:16

Munyo amiyo cunyan ŋeyo rieko, gi neno gima timere i piny, anwaŋo ni wor g'odieceŋ waŋ dhano ngoye nindo.

Daniel 6:18

Kere ogik i muluwir pere, aka oriyo kec wor gibe m'ongoye wiro paro kaman, aka nindo k'omako waŋe.

Tim pa Jomoor 14:22

Jomedo jom'oyeyo meni to jomedo jo miseni nike jowocwire i yeyo. Jofonjo ni, “Waripo donjo i Ker pa Were munyo waluwo i teko madit.”