Jafonji 2:10 - KITAWO MALEŊ

¹⁰ Kisi gimoro je ma waŋan ogomba akipano kwoŋ jo; akicero cunyan siemirok, kole cunyan onwaŋo siemirok i tic paran je, aka me obedo kemba paran wok kwoŋ tic paran je.

KITAWO MALEŊ Catholic

¹⁰ Kisi gimoro je ma waŋan ogomba akipano kwoŋ jo; akicero cunyan siemirok, kole cunyan onwaŋo siemirok i tic paran je, aka me obedo kemba paran wok kwoŋ tic paran je.

Jafonji 2:10 ပူးပေါင်းရင်းမြစ်များ

Cakirok 3:6

Ameno dhako oneno nger ma yath no oyido ber'iye, kodi nger mar'olemo mere oyido ber acama; aka oparo nger ma ber'iye lokirok mariek. Kenyo go okwanyo olemo to camo, aka omiyo cwore bende ni wocam.

Cakirok 6:2

aka cwec moro ma polo joneno ni nyir pa ji oyido joŋon, ameno jonywomo paka joyero.

Yobu 31:1

Atieko timo cikirok gi waŋan, onyo anowanya dhako nedi?

Zabuli 119:37

Gwok waŋan kwoŋ neno gima bukony, miyan akwo i yo perin.

Zabuli 128:2

Tic perin lamiyin gim'imito, ilakisangala, aka gigipiny lakadho rin maber.

Agecin 23:5

Ilabwok kareno orere woko, ka won oay gi bwombe abwap, paka ango yupolo.

Jafonji 11:9

Fore awi jayac, kafodi ibedo soye, aka weyi cunyin wosangala in i hongo perin ma soye. Wothi i yo ma cunyin gi gima waŋin neno ni ber, to ŋey ni ri gigipiny me je Were lathumo rin banja.

Jafonji 2:1

Awaco iy'adundo paran ni, “Biye pama, alatemo winjo kisangala, t'asiemere.” To neni, me bende obedo pilok.

Jafonji 2:22

Dhano olim aŋo i olo pere je gi kinen je ma cunye, ma go ool'iye i pendi waŋceŋ?

Jafonji 2:24

Ongoye gimaber ri dhano ma loyo cemo gi math, to nwaŋo kisangala i tic pere. Me bende, atieko neno ni wok i cingi Were.

Jafonji 3:22

T'aniaŋ nyaka ni ongoye gimaber, loyo dhano kisangala i tic pere won, kole meno obedo adec pere. Ŋa m'okel go neno gim'obedi ka go otieko tho?

Jafonji 5:10

Ŋat'omaro feza kilayeŋ gi feza, aka ŋat'omaro lim kilalimo ma romo. Me bende obedo pilok.

Jafonji 5:17

Medo kwoŋ meno, hongo pere je go lacemo i mudho, go lamako nge, i two gi mako ŋonge.

Jafonji 5:18

Me gim'atieko neno ni ber; Obedo gima ŋon aka ma ripo ni dhano wocemi to medho to siemere won ri tic pere i pendi waŋceŋ, i hongo ma kwo macek ma Were omiyo go; kole meno obedo adec pere.

Jafonji 6:2

Nyatoro je ma Were miyo go lim, ŋaŋo gi dwoŋ, ma kicandi gima kwo pere gomba, kucel Were kiyey go winjo cwe ma gigipiny me, to jakicar ama lawinjo cwe mere. Me bende obedo pilok, kodi litho marac.

Jafonji 6:9

Ber swa gima waŋ neno loyo awanya ma waya; me bende obedo pilok gi riemo koyo.

Jafonji 8:15

Onyo ayere gi kisangala, rupiri ongoye gimaber ri ji i pendi waŋceŋ loyo cemo, medho gi bedo gi kisangala, kole meno labedo gi dhano i olo pere hongo je ma kwo pere ma Were miyo go i pendi waŋceŋ.

Jafonji 9:6

Mar pajo, dakirok pajo gi nyeko pajo je otieko rere woko cango con, kucel jok'obedi kendo gi migew cil gi cil i gimoro je ma timere i pendi waŋceŋ.

Jafonji 9:9

Neni ni icamo kwo gi dhako m'imaro, hongo je ma kwo perin ma pilok m'otiek miyin i pendi waŋceŋ, rupiri meno obedo kemba perin i kwo gi tic perin m'iol gine i pendi waŋceŋ.

1 Yohana 2:16

Ato gimoro je ma piny paka awanya marac ma del, kodi awanya ma waŋ jo, kodi pakirok kwoŋbedo gima dhano nitie gine kosa m'otimo, k'obedo apa Bawan, t'obedo apa piny ayino.

Jothum Banja 14:2

Kenyo go okadho malo, to waco ri bamere kodi min ni, “Atieko neno dhako i Timina m'obedo nya Jafilistia; onyo omi ran win go paka dhako paran.”