Isaya 9:7 - KITAWO MALEŊ

⁷ Dhum pere k'orumi, aka siem labedo cil gi cil, i wi kom ma dhum pa Daudi gi ker pere, cako gi mako matek, gi tiro kodi timo gim'otire, wok i hongo me kadho yuwaŋe aka cil gi cil. Rwoth pa lwak jolweny omiyere timo gime.

KITAWO MALEŊ Catholic

⁷ Dhum pere k'orumi, aka siem labedo cil gi cil, i wi kom ma dhum pa Daudi gi ker pere, cako gi mako matek, gi tiro kodi timo gim'otire, wok i hongo me kadho yuwaŋe aka cil gi cil. Rwoth pa lwak jolweny omiyere timo gime.

Isaya 9:7 ပူးပေါင်းရင်းမြစ်များ

2 Samwiri 7:16

Aka noknok ibino bedo gi nyikwayin, aka abino miyo ker perin kiyindira cil gi cil. Dhum perin kilabedo gi gike.’ ”

2 Kerin 19:31

Kole bino bedo ji ma jobino both i Yerusalem kodi got Zayon kwoŋbedo Rwoth omiyere miyo gime timirok.”

Zabuli 2:8

Kwayan, aka abino miyin lunjo piny je, kisi thengi piny bino bedo aperin.

Isaya 11:1

Yath lakitula wok i kolo pa Yese, aka jangi yath lakitula wok i fuc mere.

Isaya 16:5

kenyo ilaketho kom ma jadhum i mar makiwire wok i wema pa Daudi, aka i wiye labedo iy'adieri, jathum banja ma rango tiro, aka yil ma timo gim'otire.

Isaya 2:4

Go lathumo banja i dier nonin, aka lakiosa ri ji kweth. Jolathedho abor pajo wolokere kwe dhok ma fur, aka tonge pajo wolokere apala nyangoda. Ongoye nono ma latiŋo abor kwoŋ nono man kendo, kosa fonjere lweny kendo.

Isaya 26:11

Awi Rwoth, cingin otiŋere malo, to jokinen. Weyi jowoneni miyirok perin ri ji perin, aka wickwot womaki jo. Weyi mac pa jokwor perin worey woko jo.

Isaya 37:32

Kole bino bedo ji ma jobino both i Yerusalem gi Got Zayon kwoŋbedo Rwoth omiyere miyo gime timirok.”

Isaya 40:10

Neni, Rwoth Were bino gi meni, go bino dhumo gi meni; kemba pere nigi go, aka cul pere nitie ruwaŋe.

Isaya 42:13

Rwoth telo paka siragama, paka dhano ma jalweny, go tugila nge pere, go ywak, go koko malo, go nyutho meni pere kwoŋ jokwor pere.

Yeremia 23:5

Hongo bino adieri, Rwoth waco, m'abino yer'iye kere ma jatiro nyakwar Daudi. Go bino dhumo gi rieko to timo gir'adieri kodi tiro i piny gipi.

Daniel 2:35

Kenyo nyweny, lowo nyamasiga, ywel, feza, kodi zahabu joŋinyere mathindho thindho to jolokere paka cuŋ i kisia ma hongo ma ceŋ. Koyo okudho jo woko ma k'oweyo bathi jo. To tele m'ogoyo cal no olokere got madwoŋ aka opoŋo piny gibe.”

Daniel 2:44

I hongo pa kerin no Were ma i polo laketho ker ma kilareyo, kosa k'owey ri ji man. Ker me labedo cil gi cil, aka laŋinyo woko kerin je to kelo jo i gike;

Daniel 7:14

Ri go omiy dhum, dwoŋ, kodi ker, ŋey ji je, nonin je, kodi dhodhok je jowotiy rigo. Dhum pere obedo dhum ma cil gi cil, ma kilarumo, aka ker pere kilarere.

Daniel 7:27

Kenyo ker, dhum kodi dwoŋ ma kerin i pendi polo gibe ilamiyo jomaleŋ pa Jamalo Swa ma ker pere obedo ker ma cil gi cil, aka ker je jolatic rigo kodi winjo go.

Hagay 2:9

Dwoŋ ma ot me labedo madwoŋ loyo ot macon, Rwoth pa lwak jolweny waco; aka siem labedo i kabedo me, Rwoth pa lwak jolweny waco.

Matayo 1:23

“Nyako mambula bino gamo iye, to nywolo nyathi majayac, m'ibino cwoko nyinge ni Manwer.” Dwoŋ mere ni, “Were nigi wan.”

Yohana 12:34

Lwak ji odwoko ni, “Kole Cik mawan waco ni Kristo bino kwo cil gi cil. To idoko iwaco ni Wod Dhano iripo tiŋo malo nedi? Wod Dhano no a ŋa?”

Joebulaniya 1:8

To kwoŋ Wode, Were owaco ni, “Kom perin ma dhum, a Were, bino kiyindira cil gi cil, aka tiro am'ibino dhumo gine i Ker perin.

Joebulaniya 7:24

To paka Yesu kwo cil gi cil, tic pere paka jacway ri Were i wi migam odoko kikodi ri ŋatiman.

Menyirok ri Yohana 19:11

Gikenyo aneno polo munyo yawere, to kayina matar nenere ruwaŋan. Ŋata riemo kayina no ilwoŋo ni M'ogenere kendo Jar'adieri; go thumo banja aka lwenyo i tiro.