Isaya 9:6 - KITAWO MALEŊ

⁶ Kole riwan, nyathi onywole! Omiy wan nyathi majayac! Dhum nitie i goke, aka ilalwoŋo go ni jadiy cuny ji ma Gir'aura, Were Majameni, bawan ma cil gi cil, Kere ma siem.

KITAWO MALEŊ Catholic

⁶ Kole riwan, nyathi onywole! Omiy wan nyathi majayac! Dhum nitie i goke, aka ilalwoŋo go ni jadiy cuny ji ma Gir'aura, Were Majameni, bawan ma cil gi cil, Kere ma siem.

Isaya 9:6 ပူးပေါင်းရင်းမြစ်များ

2 Samwiri 7:13

Go ama bino geto ran ot, aka alaneno nike dhum pere medere cil gi cil.

2 Samwiri 7:16

Aka noknok ibino bedo gi nyikwayin, aka abino miyo ker perin kiyindira cil gi cil. Dhum perin kilabedo gi gike.’ ”

1 Kerin 10:9

Rwoth Were perin wopak m'onyutho nger m'osangal'iye kodin to kethin kere, dhumo i nyinge. Kwoŋbedo mar pere ri Isiraili kiwire, okethin bedo kere pajo ŋey inyal kuro cik kodi tiro.”

1 Kerin 2:33

Gir'acula ma neki pajo lapodho kwoŋ Yowab gi nyikwaye cil gi cil. To Rwoth bino miyo nyikway Daudi ma jodhum siem cil gi cil.”

1 Kerin 2:45

To Rwoth bino miyan silwany aka bino miyo ker pa Daudi bedo cil gi cil.”

Nehemia 9:32

“Awi Were, Were mawan, idwoŋ! Ikelo lworo, aka ijameni! Ro mar perin makiwire, ikuro cikirok perin, ikir'iter gi sewo dinyo je m'otieko podho kwoŋ wan, kerin mawan, jodhum, jocway ri Were i wi migam, jotuci wac Were, kwarere mawan, gi ji mawan je, wok i hongo ma kerin ma Asiria jodiyo wan'iye tundo gunyo ni.

Zabuli 45:3

Koda abor perin i emin, kere ma jameni, i dwoŋ perin gi dhum perin.

Zabuli 45:6

Ker ma Were omiyin, yindira cil gi cil, luth perin ma dhum obedo luth ma tiro;

Zabuli 45:7

aka imaro gim'otire t'idak kidakana. Riameno Were, Were perin otieko yerin, aka omiyin kisangala maloyo, m'omiyo kerin man.

Zabuli 50:1

Were ma jameni je, Were obedo Rwoth, luwo aka lwoŋo piny gibe, wok yuwok ceŋ tundo yupodho ceŋ.

Zabuli 72:17

Weyi nyingi kere woyindira cil gi cil, ŋeyirok pere womedere paka waŋceŋ! Weyi ji jowonwaŋ silwany pa kere, nonin je jowolwoŋ go ni jasilwany!

Zabuli 72:3

Weyi gote wokel bero ri ji, gi tendere i gim'otire.

Zabuli 72:7

I hongo pere weyi wotim gim'otire, to siem bedo, cuka dwe owey liel.

Zabuli 85:10

Mar makiwire g'adieri jobino romo, timo gim'otire gi siem jolapodho akor.

Zabuli 89:5

Weyi polo wopak gir'aura perin Rwoth, jomaleŋ jowower kwoŋ adieri perin i cokirok.

Agecin 8:23

Wok cango con, go okethan, bedo marapena mafodi k'ocwey piny.

Isaya 10:21

Jom'oboth joladwoko, jom'oboth pa Yakobo jolawire bongi Were pajo ma jameni.

Isaya 11:5

Tiro labedo del ma piere, aka genirok labedo del ma piere.

Isaya 16:5

kenyo ilaketho kom ma jadhum i mar makiwire wok i wema pa Daudi, aka i wiye labedo iy'adieri, jathum banja ma rango tiro, aka yil ma timo gim'otire.

Isaya 26:12

Awi Rwoth, ilamiyo wan siem, kole bende, itieko timo riwan tic mawan je.

Isaya 26:3

Rwoth, ikuro go i siem ma gibe, ri ŋata ketho paro i in, kwoŋbedo oketho geno pere i in.

Isaya 28:29

Gime bende wok bongi Rwoth pa lwak jolweny; go jamic rieko ma gir'aura, aka jarieko ma malo swa.

Isaya 32:1

Neni, kere ma timo gim'otire ladhumo, jodhum ma jotimo tiro joladhumo.

Isaya 37:32

Kole bino bedo ji ma jobino both i Yerusalem gi Got Zayon kwoŋbedo Rwoth omiyere miyo gime timirok.”

Isaya 53:10

Kucel obedo mito pa Rwoth ni go wolimi litho; to miyo go kumo, munyo olokere cowirok ma cwako reco, go laneno nyikwaye, go lamedo ndelo pere; aka luwo i go atoŋa pa Rwoth latundo i kare.

Isaya 53:2

Ŋeca pa Rwoth odongo paka dudi ma nyaka rwako fuc i lowo m'othwo. Go oyido ongoye gi dwoŋ kosa ŋono, m'omiy waŋiy go, kosa cal moro kwoŋe ma d'oyway cuny wan, kosa ŋono ma d'omiy wawanya go.

Isaya 53:5

To olimo adhola ro reco mawan, oyure ro raco mawan. Gir'acula pere miyo wan kwo gibe, aka luth m'ogoy go cango two mawan.

Isaya 63:16

Kole in a Bawan, makada nende Abraham okuya wan, aka Isiraili kiyey wan, in, Awi Rwoth, ibedo Bawan, jaboth mawan wok cango obedo nyingin.”

Isaya 66:12

Kole me apaka Rwoth waco, Alacoro ri Yerusalem silwany paka malawa, gi lim ma piny man paka jwom ma mol. Zayon lapido win, larendo win i tiende.

Isaya 7:14

Riameno Rwoth won gipi lamiyo win ranyuth. Neni, nyako mambula lagamo iye to nywolo wode aka ilacwoko nyinge ni Manwer.

Isaya 8:18

Neni, an gi nyithindho paran ma Rwoth omiyan, wabedo ranyuth gi gir'aura i Isiraili wok bongi Rwoth pa lwak jolweny, ma bedo wi Got Zayon.

Yeremia 31:22

Ilawiro paro kiri keraŋo, Awi ji paran ma jongoye g'adieri? Kole Rwoth otieko cweyo gimanyen i piny, go lagwoko go paka dhako gwoko jacwo.

Daniel 2:44

I hongo pa kerin no Were ma i polo laketho ker ma kilareyo, kosa k'owey ri ji man. Ker me labedo cil gi cil, aka laŋinyo woko kerin je to kelo jo i gike;

Daniel 7:14

Ri go omiy dhum, dwoŋ, kodi ker, ŋey ji je, nonin je, kodi dhodhok je jowotiy rigo. Dhum pere obedo dhum ma cil gi cil, ma kilarumo, aka ker pere kilarere.

Hagay 2:9

Dwoŋ ma ot me labedo madwoŋ loyo ot macon, Rwoth pa lwak jolweny waco; aka siem labedo i kabedo me, Rwoth pa lwak jolweny waco.

Matayo 1:1

Me a bol ma nywolirok pa Yesu Kristo, nyakwar Daudi aka nyakwar Abraham:

Matayo 1:23

“Nyako mambula bino gamo iye, to nywolo nyathi majayac, m'ibino cwoko nyinge ni Manwer.” Dwoŋ mere ni, “Were nigi wan.”

Matayo 11:27

Baba otieko miyan gimoro je, aka onyo ongoye ŋat'oŋeyo Wode kwanyo woko Bamere, kendo ongoye ŋat'oŋeyo Bamere kwanyo woko Wode kodi joma Wode odiero nyutho jo kamaler.

Matayo 28:18

Yesu ocore cegin to waco rijo ni, “Otiek miyan meni i polo kodi i piny.

Luka 1:35

To malaika waco rigo ni, “Cuny Maleŋ bino loro kwoŋin, aka meni pa Were Madwoŋ Maloyo bino umin; am'omiyo nyathi m'ibino nywolo ibino lwoŋo ni ŋataleŋ, Wod Were.

Luka 2:11

Konon i tindi pa Daudi onywol riwin Jaboth, m'obedo Kristo Rwoth.

Luka 2:14

“Dwoŋ wobedi ri Were malo i polo, aka i piny siem wobedi ri ji ma silwany pere nigi jo.”

Luka 21:15

Kole abino miyo win wac kodi rieko ma ongoye jakwor mewin ma bino ciro kosa kwero gima wiwaco.

Yohana 1:14

Wac olokere Dhano, aka obedo gi wan, to waneno dwoŋ pere paka Wod Were acel kende, m'owok bongi Were Bawan, m'opoŋ gi nema kodi adieri.

Yohana 1:16

Adieri, wajoje watieko nwaŋo nema wi nema kwoŋ ŋaŋo pere.

Yohana 14:27

“Siem am'onyo aweyo riwin; amiyo win siem paran; aka akimiy win paka piny miyo. Wikiri wirembi i cuny win; odoko wikiri wibedi gi lworo.

Tim pa Jomoor 10:36

Wiŋeyo fonji ma go odhiro ri ji ma Isiraili, ma tito Wac Manyen Maber ma kelo siem i Yesu Kristo, m'obedo Rwoth pa ji je.

Tim pa Jomoor 20:28

Kure win wiwegi kodi sidwol rombo je, ma Cuny Maleŋ oketho i cingi win, ni wibedi jotel mere, ma konyo kitipa pa jom'oyeyo pa Were, ma go oloko apere gi remo pa Wode won.

Joroma 8:32

K'inen Were k'ogwoko kiri Wode won, to omiyo go ri wajoje! Onyo go k'omiy wan gimoro je nono kanyacel gi Wode?

Joroma 9:5

jowok kwoŋ kwarere wan macon, aka Kristo, paka dhano, onywole wok i dier jo. Weyi Were ma dhumo gimoro je, wopak cil gi cil. Ameno.

1 Jokorintho 1:30

Were am'okelo win i riwirok gi Kristo Yesu, to loko Kristo bedo rieko mawan, tiro mawan gi leŋo mawan, kodi cul mareco mawan to walimo siem.

1 Jokorintho 15:25

Ato Kristo ripo dhumo cuka Were okethi jokwor je i par tiende.

2 Jokorintho 5:19

Mikwenda mawan obedo ni: Were onyo dwoko ji ma piny i tiyirok gine i Kristo, aka kikwan reco kwoŋ jo kendo. Were omiyo wan mikwenda paka go dwoko ji tiyirok gine kendo.

Kitawo mar'abic mapa Musa m'ilwoŋo ni Cik 10:17

Kole Rwoth Were mewin obedo Were pa werin, Rwoth pa rwodhe, Were madwoŋ, jameni aka kelo lworo, go kitim nyakucel aka kijol nyew.

Jokolosia 2:3

I go, okan'iye rieko mathoth kodi niaŋ kwoŋ wac.

1 Timothe 3:16

M'ongoye kiganagana, nyaliŋliŋ ma yeyo mawan dwoŋ: Go onenere i cal pa dhano, Cuny Maleŋ onyutho paka go otire, aka jomalaika joneno go. Ofonji kwoŋ go i piny je, oyey go i piny gipi, aka oter go i polo.

Tito 2:13

munyo wakuro geno ma disilwany, gi menyirok madwoŋ mapa Were mawan madwoŋ m'oasere ma Jaboth,

Joebulaniya 1:8

To kwoŋ Wode, Were owaco ni, “Kom perin ma dhum, a Were, bino kiyindira cil gi cil, aka tiro am'ibino dhumo gine i Ker perin.

Joebulaniya 13:20

Onyo weyi Were ma jasiem, m'ocerino Rwodhiwan Yesu kwoŋ jom'otho, Yesu m'obedo Jakwath rombo Madwoŋ ro remo pere ma ridho cikirok makirum,

1 Yohana 5:20

Waŋeyo nike Wod Were otieko bino aka omiyo wan niaŋ m'omiyo waŋeyo Ŋat'obedo adieri. Kwo mawan nitie i Ŋat'obedo adieri, cungo kwoŋ Wode Yesu Kristo. Me a Were mar'adieri, won kendo a kwo makirum.

Menyirok ri Yohana 19:16

I nanga pere kodi i bat mere ondiki nyinge me: “Kere pa kerin, Rwoth pa rwodhe je.”

Jothum Banja 13:18

Malaika pa Rwoth openjo Manowa ni, “Raŋo ipenjo nyingan, ma kiniaŋere?”