Isaya 9:18 - KITAWO MALEŊ

¹⁸ Kole kidakana liel paka mac, aka waŋo okure gi kudhin, paka lul m'otwere maliel, aka dunyo malo siro yiro.

KITAWO MALEŊ Catholic

¹⁸ Kole kidakana liel paka mac, aka waŋo okure gi kudhin, paka lul m'otwere maliel, aka dunyo malo siro yiro.

Isaya 9:18 ပူးပေါင်းရင်းမြစ်များ

1 Kerin 16:21

Kenyo Joisiraili oyido jotiakere dirio. Ji man oyido jomito Tibini wod pa Ginathi wobedi kere, aka ji man oyido jomito Omiri.

Zabuli 37:20

To jokidakana jolarere, jokwor pa Rwoth jobino rwenyo paka mawuwa madudi, jobino rwenyo paka yiro.

Zabuli 68:2

Paka yiro duny woko, apaka bende gwey jo woko; paka odok leny i mac apaka jokidakana josika ruwaŋ Were.

Zabuli 83:14

Paka mac waŋo lul, paka cuk cwinyo gote,

Isaya 1:31

Jameni lalokere ŋat'iywayo, aka tic pere cuk mac ma cot, jolawaŋ kanyacel gi tic pajo, m'ongoye ŋata nyalo neko.

Isaya 1:7

Piny mewin ojwangere, tindin mewin madongo iwaŋo gi mac, kareno wineno ama. Jokicar josika lowo mewin, ojwangere paka jopath jomako.

Isaya 26:11

Awi Rwoth, cingin otiŋere malo, to jokinen. Weyi jowoneni miyirok perin ri ji perin, aka wickwot womaki jo. Weyi mac pa jokwor perin worey woko jo.

Isaya 27:4

Angoye gi keme, To ka nitie kudhin gi okure, ran lweny gine, alawaŋo woko jo kanyacel.

Isaya 3:5

Ji jolabedo iy'adica, kisi dhano ladiyo nyawote, kisi dhano gi jager pere, soye lacayo jadwoŋ, aka ji ma bukony jokilaworo jodongo pajo.

Isaya 30:30

Rwoth lamiyo dwoŋ ma dwondi go wowinji, aka ilaneno cinge oloro ma goco, i nge mager kodi mac ma reyo woko jo, gi mwoc koth kodi cwe pe.

Isaya 30:33

Kole otiek yiko kama mac m'odheth lawaŋo kere ma Asiria cango con. Kanyago luth aka lac, aka ocan i iye yen. Rwoth laywe tome mac ma lacwinyo.

Isaya 33:12

Ji je jolacale pa jowaŋ to jolokere buru, paka kudhin m'itoŋo t'iwaŋo gi mac.”

Isaya 33:14

Joreco i Zayon jobwok, ji ma bu Were jokirin. Jowaco ni, “Ŋa i dier wan manyalo bedo kanyacel gi mac ma reyo jo? Ŋa i dier wan manyalo bedo kanyacel gi mac makitho cil gi cil?”

Isaya 5:24

Riameno, paka lew mac reyo woko kanja, aka paka lum m'othwo munyere piny i mac maliel, ameno apaka fuc pajo latop, aka thiw joladuny paka fukefuke. Ato jokwero cik pa Rwoth pa lwak jolweny, aka jotieko cayo wac pa Were Maleŋ pa Isiraili.

Isaya 50:11

Ere neni, wijoje ma wimoko mac, to wiketho kasik mac. Woth win i lero ma mac mewin, gi kasik mac ma witieko moko! Me a gima wilanwaŋo wok i cingan, wilanindo piny i litho.

Yeremia 9:3

Jodolo lew gin paka asere; jotieko dongo matek i piny ma twodo, makiweno adieri; kole jomedere wok i gimarac tundo i gimarac, aka jokuya an, Rwoth waco.

Hoseya 13:3

Riameno jolacale tor m'odikin, kosa paka thoyo maleny woko con, paka cuŋ ma duny wok i kapiedhirok, kodi paka yiro ma wok gi dirisa.

Yowel 2:20

Alakwanyo woko tome bonyo ma yumalo bor gi win, t'agweyo jo woko i piny m'othwo, m'ojwangere, yuwaŋe mere i nam ma yuwok ceŋ; yucen mere i nam ma yupodho ceŋ; topo mere marac kodi ŋwece mere laay malo. Jotieko timo gigipiny madongo!

Yowel 2:3

Mac reyo woko ruwaŋ jo, aka waŋ yuŋey jo. Ruwaŋ jo piny cale ndelo Eden, to yuŋey jo thim m'ojwangi, aka bende ongoye gima budho jo.

Amos 7:4

Me gima Rwoth Were onyuthan menyirok man. Aneno go lwoŋo gir'acula gi mac, aka osika woko lutho madwoŋ aka oyido camo woko lowo.

Obadia 1:18

Ji pa Yakobo gi Yozefu jobino cale mac, aka jobino kisika woko ji pa Esau, paka mac sika woko kanja. An Rwoth atieko luwo.

Nahum 1:10

Paka kudhin, jowiyere, paka jomero, jomer; ilareyo woko jo paka kanja m'othwo kicutho.

Nahum 1:6

Ŋa manyalo cungo ruwaŋ nge pere? Ŋa manyalo ciro lietho ma nge pere? Keme pere konjere woko paka mac, aka telin mukere piny ruwaŋe.

Malaki 4:1

Rwoth pa lwak jolweny waco ama: Kole neni, ndelo bino, ma jonoro je gi joreco jobino liel pa kanja. I ndelo no jobino liel woko, aka ongoye gima bino doŋ kwoŋ jo.

Matayo 25:41

Gikenyo go bino waco ri joma nitie yuracam pere ni, ‘Eye win bothan jom'olam, kendo donji win i mac makitho m'oyik, ri jwogi kodi jomalaika pere.

Kitawo mar'abic mapa Musa m'ilwoŋo ni Cik 32:22

Kole nge paran oliel paka mac, aka owaŋ kiri i piny pa jom'otho, reyo woko piny kodi ranyak mere, aka ocwinyo kindi gote.

Joebulaniya 6:8

To lowo ma kelo kudhin kodi doy meno bukony: Odamba ri kwoŋ, aka rumacen ibino waŋo woko.

Menyirok ri Yohana 14:11

Aka yiro ma mac ma bino cando jo duny malo cil gi cil. Ongoye ywomirok, wor g'odieceŋ, ri joma lamo ogwaŋ no kodi cal pere, kodi ri nyatoro je m'olim ranyuth ma nyinge.”