Isaya 9:12 - KITAWO MALEŊ

¹² Siria yuwok ceŋ, Filistia yupodho ceŋ, aka jocamo Isiraili gi dhok gin m'oŋamere. Kucel nge pa Rwoth fodi k'orumo, aka fodi orieyo cinge miyo gir'acula.

KITAWO MALEŊ Catholic

¹² Siria yuwok ceŋ, Filistia yupodho ceŋ, aka jocamo Isiraili gi dhok gin m'oŋamere. Kucel nge pa Rwoth fodi k'orumo, aka fodi orieyo cinge miyo gir'acula.

Isaya 9:12 ပူးပေါင်းရင်းမြစ်များ

2 Kerin 16:6

I hongo acel no kere ma Edom omako tindi madwoŋ Elath kendo, aka oriemo woko Joyuda m'oyido jobedo kenyo. Joedom jobedo kenyo kiri konon.

2 Kigana kwoŋ Kerin 28:18

I hongo me Jofilistia jomonjo abwap tindin matendere ma tiendi got ma yupodho ceŋ kodi yupiny ma Yuda. Jomako tindin madongo ma Bethsemes, Ayijalon kodi Gederoth, kodi tindin madongo ma Soko, Timina, gi Gimizo gi calin mere to jobedo kenyo kicutho.

Zabuli 79:7

Kole jotieko cuto woko Yakobo, to jothango kabedo pere,

Isaya 10:4

Ongoye gima doŋ, to guŋo i dier jotwec, kosa podho i dier jom'onek. Kole nge fodi omako Rwoth, go fodi orieyo cinge miyo gir'acula.

Isaya 11:14

To jolamonjo Filistia yupodho ceŋ, jolakinyaga ji kanyacel yuwok ceŋ. Joladhumo ji ma Edom gi Mowab aka ji ma Amon jolawinjo jo.

Isaya 31:1

Kidamba ri jono ma jokadho i Misir rango kony, jogoŋere kwoŋ kayinin, joketho geno i cawilin kwoŋbedo jokweth, kodi jogwey kayinin kwoŋbedo jotek. To jokiŋiy Were Maleŋ pa Isiraili kosa rango Rwoth!

Isaya 5:25

Riameno nge pa Rwoth oliel kwoŋ ji pere, aka orieyo cinge kwoŋ jo to rwadho jo, gote joyengere, delkwoŋ jom'otho odoŋ i royo paka yuk. Kucel kiri gi gime je, Rwoth fodi nigi nge, aka fodi orieyo cinge ma miyo gir'acula.

Isaya 9:17

Am'omiyo Rwoth kisangala gi nyithindho pajo, kosa maki wor gi nyithindho kic gi mon tho. Ato kisi dhano oyido bu Were aka jotimi gimarac, aka kisi dhok dhano luwo miŋo. Kucel nge pa Rwoth fodi k'orumo, aka go fodi orieyo cinge miyo gir'acula.

Isaya 9:21

Manase omonjo Efrayim aka Efrayim omonjo Manase, aka kanyacel jomonjo Yuda. Kucel nge pa Rwoth fodi k'orumo; aka go fodi orieyo cinge miyo gir'acula.

Yeremia 10:25

Konji keme perin kwoŋ nonin ma fodi jokuya in, kodi kwoŋ ji ma jokilwoŋ nyingin; rupiri jotieko neko ji perin; jotieko reyo woko wan kicutho to joweyo piny mawan nono.

Yeremia 15:7

Atieko piedho jo g'adher i waŋkace ma piny; atieko miyo jo ywak, atieko reyo ji paran; to jok'oweyo tim pajo.

Yeremia 35:11

To munyo kere Nebukadineza ma Babilon obino lweny kwoŋ piny, wawaco ni, ‘Biye win, weyi wakadhi win i Yerusalem ro lworo ri jolweny ma Babilon kodi jolweny ma Siria.’ Meno am'omiyo wabedo i Yerusalem.”

Yeremia 4:8

Kwoŋbedo gime, ruki win kutiya, ywak win aka wibiy pigi waŋ win, kole nge pa Rwoth mager fodi k'oweyo wan.

Ezekiel 16:27

Riameno arieyo cingan kwoŋin, amoja woko lim perin t'amiyin i mito pa Jofilistia, ma jodakin, ma jool gi tim perin ma kidakana.

Ezekiel 6:14

Alarieyo cingan kwoŋ jo, t'amiyo lowo bedo gunda kodi abar loyo thim ma Ribila i kabedo pajo je; aka jolaŋeyo ni An Abedo Rwoth.

Hoseya 7:10

Delok pa Isiraili osa go; kucel jokigiki bongi Rwoth Were pajo, kosa jodwar go, ro gime je.

Amos 4:10

“Adhiro kwoŋ win two nundu, paka ma cango adhiro ri Misir. Aneko yac mewin gi toŋ, atiŋo woko kayina mewin, t'amiyo ŋwece ma kambi mewin donjo i ywor um win, kucel wikidwoko bongan.

Amos 4:11

Asika woko wi jomegi, paka asika Sodom gi Gomora. Wi ji ma wiboth wicale, kasik mac m'oneki wok i mac, kucel wikidwoko bongan, Rwoth waco.

Amos 4:6

Akelo kec i tindin mewin madongo, to kucel wikidwoko bongan.

Amos 4:8

Tindin madongo ario kosa adek, jokidho i tindi madwoŋ acel madho pi, aka jok'oyeŋ, kucel wikidwoko bongan.

Amos 4:9

Adhiro koyo malieth thwo cemo mewin. Bonyo ocamo ndelin mewin gi ndelin vini mewin, makuyu gi nanzi mewin, to je wikidwoko bongan.

Zefania 1:6

Rwoth lareyo woko jono je ma jowiro ŋey gin rigo, jono je ma jokirangi go kosa kwayo go wotel jo.

Zefania 3:2

Go k'owinjo dwondi Rwoth, go k'oyeyo wotir go, go k'oketho geno pere i Rwoth, go k'ocore cegin gi Were pere.

Kitawo mar'abic mapa Musa m'ilwoŋo ni Cik 31:17

Nge paran laliel kwoŋ jo i ndelo no, alajwango jo t'apano waŋan kwoŋ jo. Joladoŋ ri rerok aka gimarac kweth kodi teko labino kwoŋ jo. I ndelo no jolapenjo ni, ‘Teko me k'obino kwoŋ wan, kwoŋbedo Were mawan ongoye i dier wan?’