Isaya 8:7 - KITAWO MALEŊ

⁷ Rwoth kelo kwoŋ jo pi ma Malawa, ma dimeni aka thoth, kere ma Asiria gi jolweny pere je, aka laay kwoŋ jange je gi thenge je.

KITAWO MALEŊ Catholic

⁷ Rwoth kelo kwoŋ jo pi ma Malawa, ma dimeni aka thoth, kere ma Asiria gi jolweny pere je, aka laay kwoŋ jange je gi thenge je.

Isaya 8:7 ပူးပေါင်းရင်းမြစ်များ

Cakirok 6:17

Akidho dhiro mikula ma pi i piny to reyo woko kisi gima kwo. Kisi gimoro i piny bino tho,

2 Kerin 19:32

“Riameno me a gima Rwoth owaco kwoŋ kere ma Asiria ni, ‘Go kiladonjo i tindi madwoŋ me kosa celo asere kad'acel kwoŋe. Ongoye jolweny ma jonitie gi kwote ma jobino core cegin gi tindi madwoŋ, aka jok'othoki mako.

Ezira 4:10

kanyacel gi nonin je ma Asurbanipal ma jameni aka dwoŋ otero bedo i tindin madongo ma Samaria, kodi kaman je iy'adec ma yupodho ceŋ ma malawa Yufrete.

Zabuli 46:4

Nitie malawa ma kelo siem i tindi madwoŋ pa Were, i ot maleŋ pa Were madwoŋ loyo.

Zabuli 72:8

Weyi kere wodhum wok i nam tundo i nam, gi wok i malawa tundo i tum ma piny.

Isaya 10:16

Riameno Rwoth pa lwak jolweny, ladhiro two kwoŋ jolweny pere ma jokor gin, aka dwoŋ pere laliel paka liel pa mac.

Isaya 10:5

Awi Asiria, luth ma nge paran, Rwoth waco, abiro ma cingi jo obedo keme paran!

Isaya 11:15

Aka Rwoth lareyo kicutho jangi nam ma Misir; go latiŋo cinge i wi malawa Yufrete, gi koyo pere malieth, to poko i jange abirio, ŋey ji jowoŋadi atiendi.

Isaya 28:15

Kwoŋbedo witieko waco ni, “Watieko timo cikirok gi tho, watieko yerok gi piny pa jom'otho, ka goco ma teko oluwi, kilatundo bongi wan, kole watieko loko gima k'adieri kapondo mawan, gi twodo kabwok mawan.”

Isaya 28:17

Alaketho tiro paka bol ma kipima, timo gim'otire paka gi bipo, pe layweyo woko kapondo ma twodo, aka pi lapoŋ i kabwok.

Isaya 28:2

Neni, Rwoth nigi jameni aka tek; paka asur pe, ma reyo woko ŋawirok, paka asur matek, paka pi ma poŋ de oy; go laredho jo piny gi cinge.

Isaya 43:2

K'iluwo wi pi, alabedo kodin, aka malawa, k'omwonyin; k'iluwo i mac, ik'owaŋ, aka mac m'ogaŋere k'onekin.

Isaya 59:19

Ameno ji ma yupodho ceŋ jolalworo nyingi Rwoth, aka ji ma yuwok ceŋ jolamiyo go dwoŋ, kole go labino paka malawa ma ule, ma koyo pa Rwoth ama gweyo.

Isaya 7:17

“Rwoth kidho kelo kwoŋ win, ji mewin, gi kwoŋ ot pa kwarere mewin ndelo mafodi k'otundo wok cuka ker ma Isiraili tiakere woko kwoŋ Yuda, go lakelo kere ma Asiria.”

Isaya 7:20

“I ndelo no, Rwoth lalielo gi kamweso m'opangisa yu kalo Malawa, kere ma Asiria, ye wi jo gi yer ma tiendi jo, aka bende lawaro woko ye tik jo.”

Yeremia 47:2

Rwoth waco ama: Neni, pi tula wok yumalo, aka lalokere paka mikula m'opoŋ de oy, jolaumo piny kodi kisi gima nitie iye, tindi madwoŋ kodi jono ma jobed'iye. Ji jolaywak, aka ji ma piny jolagoyo ndur.

Yeremia 51:42

Nam onyo mol i wi Babilon to umo, gi derino mere ma mor.

Ezekiel 26:19

Kole Rwoth Were waco ama: K'atieko lokin tindi madwoŋ m'othangere, paka tindin madongo ma kibed'iye, k'anokel pi madwoŋ ma lamwonyin,

Daniel 11:10

Wote jolakitugila lweny to jocoko muma jolweny mathoth, jolakidho i thotho to joluwo, aka jobino kitugila lweny kendo tundo kiri i cel pere.

Daniel 11:22

Ilareyo woko kicutho jolweny ruwaŋe aka ilaturo jo kodi wod kere ma cikirok bende.

Daniel 9:26

Rumacen ma oro dipiero aucel g'ario no, ilakwanyo woko ŋat'owir gi mo aka go langoye gi gimoro, to ji pere jolabino reyo woko tindi madwoŋ kodi Ot pa Were. Gike mere labino paka mikula pi, kelo lweny, rerok ma kiwacere.

Amos 8:8

Piny bino kirin ro gime, to kisi nyatoro je ma bedo i piny bino ywak. Piny gibe layengere, bino ay to doko podho paka malawa Nayil.

Amos 9:5

Rwoth, Were pa lwak jolweny, ma mako piny to kirin, to ji ma jobed'iye je joywak aka piny gibe ay to doko podho, pa malawa Nayil ma Misir.

Mika 1:9

Adholin pa Samaria kicangi, aka omako Yuda bende, otundo i waŋkac pa ji paran bende, i Yerusalem.

Mika 5:4

Ka go obin, go bino dhumo ji pere gi meni ma wok bongi Rwoth, kodi dwoŋ ma nyingi Rwoth Were pere. Aka ji pere jobino bedo ma jogonyere, rupiri ji ma piny gibe jobino yeyo dwoŋ pere.

Mika 5:5

Go bino kelo siem. Ka Joasiria jobin to jomonjo piny mawan, to joturo cel mawan, wabino oro jotel mawan ma jotek loyo lweny gi jo.

Nahum 1:8

Gi mikula m'opoŋ de oy, Go lakelo gike makicutho ma kabedo mere, aka lariemo jokwor pere i colo.

Luka 6:48

Go cale dhano ma munyo geto ot pere, okunyo tiendi ot maluth tundo i ge; aka munyo mikula opoŋ to mol kwoŋ ot no, k'onyalo yengo, rupiri ot onwaŋo ogeti matek.

Menyirok ri Yohana 17:15

Malaika no bende owaco ran kendo ni, “Pi m'ineno, ma jatim giwickwot obed'iye no, meno ji, kodi Lwak ji, gi nonin gi dhodhok.