Isaya 8:19 - KITAWO MALEŊ

¹⁹ To ka jowaci riwin penjo mikwenda wok bongi jothieth gi jojwok ma jomwoŋo aka jocur. To kere ji jokiripi rango Were pajo? Kendo joluw gi jom'otho ri jomakwo?

KITAWO MALEŊ Catholic

¹⁹ To ka jowaci riwin penjo mikwenda wok bongi jothieth gi jojwok ma jomwoŋo aka jocur. To kere ji jokiripi rango Were pajo? Kendo joluw gi jom'otho ri jomakwo?

Isaya 8:19 ပူးပေါင်းရင်းမြစ်များ

Cakirok 41:24

aka ithe abirio mathindho jomwonyo woko ithe abirio ma jopoŋ. Aka awaco ri jothieth paran, to ngoye ŋat'oyido nyalo tito ran.”

2 Kerin 1:3

To malaika pa Rwoth owaco ri Elia jatuci wac Were ma wok Tisibe wokidhi worom gi jomikwenda pa kere ma Samaria aka wopenji jo ni, “Raŋo wikidho penjo were ma Ekiron? Rupiri wiparo nike Were ongoye i Isiraili?

2 Kerin 21:6

Omiyo wode paka cowirok ma mic awaŋa. Oyido to timo jwok aka othiedho. Otimo reco swa ruwaŋ Rwoth to kwinyo nge pa Rwoth.

2 Kerin 23:24

Ma ridho cik m'ondiki i kitawo ma Hilikia jadwoŋ pa jocway ri Were i wi migam onwaŋo i Ot pa Rwoth, kere Yosia oriemo wok i Yerusalem kodi Yuda gipi jothieth, jojwok, werin ma udi, cal kodi gigipiny ma lamo manyakafir je.

1 Kigana kwoŋ Kerin 10:13

Ameno Saulo otho ro ngoye g'adieri ri Rwoth. Kole okwero winjo Rwoth munyo otemo rango kony wok bongi jwogi pa dhano m'otho,

2 Kigana kwoŋ Kerin 33:6

Owaŋo wote paka cowirok i milelo pa wod Hinom. Go oyido obedo jamiliel aka othiedho to yido. Manase otimo gimarac madwoŋ swa kwoŋ Rwoth to kwinyo nge pere.

Zabuli 106:28

Kenyo ji pa Were jolamo Bal i Pewor, aka jocamo cowirok m'omiy jom'otho.

Isaya 19:3

Jomisir jolangoye gi meni, ka anonywow can pajo. Jolatemo nwaŋo rieko, wok bongi cal pajo je, wok bongi tipo pa jom'otho, gi wok bongi jothieth.

Isaya 26:14

Jotho, jokilakwo, jobedo tipo, jokilacerino; i gike mere itieko reyo woko jo, iyweyo woko poyirok pajo.

Isaya 29:4

Kenyo ilaluwo wok i lutho ma piny, wok i milelo i fukefuke wac perin lawok; dwondin lawinjere wok i piny paka dwondi jwogi, aka luwo perin lalwiyo wok i fukefuke.

Isaya 30:2

Jomiyere kadho piny i Misir, m'ongoye penjo rieko paran, jopondo i Misir ni Farawo wokwonga jo, aka jorango kabwok i tipo pa Misir.

Isaya 45:11

Rwoth, Were Maleŋ pa Isiraili, aka jacwec pere waco, Wilapenjan kwoŋ nyithindho paran, kosa wilamiyan or kwoŋ tic paran?

Isaya 47:12

Cungi m'ocwiny i yido perin, gi jothieth perin kweth, m'itieko oyo kwok wok i soye perin, kono onyali konyin, kono onyali bwoko jokwor perin.

Isaya 47:13

Ingoye gi meni makada nende inigi jomic rieko; weyi jobin aka jowobothin, jono ma jopoko polo, ma jokaŋasa micalin, ma kisi ka dwe opor, jowaco amien ma latimere rin.

Yeremia 10:10

To Rwoth obedo Were mar'adieri; go obedo Were makwo kodi Kere ma cil gi cil. I keme pere piny yengere, aka nonin kinyal ciro nge pere.

Yeremia 27:9

In, riameno, ikiripi winjo jotuci wac Were perin, kosa dhano moro je ma paro ni ongoye gima latimere yuwaŋe, jolek, joma luwo gi cuny jom'otho kodi jomiliel. Jobino waco rin ni, “Ikir'itiy ri kere ma Babilon.”

Jolevi 19:31

Wikiri wiwire cako dwaro rieko pa joma luwo gi tipo pa jom'otho kosa jojwok, wikiri wirangi jo, to jokoco win: An abedo Rwoth Were mewin.

Jolevi 20:6

Aka ŋat'okidhi rango rieko wok bongi jwogi pa jom'otho, kodi joma jonitie gi ndijo ma ŋeyo gim'opanere, alacomo waŋan kwoŋ ŋato t'apoko go kwoŋ ji pere.

Mika 5:12

Abino reyo woko yen mewin ma wikingere gine, t'aweyo win m'ongoye jotiti gima latimere yuwaŋe.

Tim pa Jomoor 16:16

Ndelo moro munyo oyido wakidho i kakwayo, waromo kodi ŋeca moro manyako m'onwaŋo nitie gi cuny m'ocido moro ma miyo go thiedho ri ji gima bino i kwo pajo ma yuwaŋe. Go oyido kelo pesa kweth ri jopere munyo tuco ri ji silwany pajo.

Kitawo mar'abic mapa Musa m'ilwoŋo ni Cik 18:10

Wokiri wonwaŋere i dier win nyatoro moro m'owaŋ wode kosa nyare paka mic, kosa ŋata temo bedo gi jamiliel kosa jar'ajwoka, kosa jathieth, kosa jajwok,

Kitawo mar'abic mapa Musa m'ilwoŋo ni Cik 18:11

ŋata jalam, kosa ŋata luwo gi jwogere kosa tipo, kosa ŋata luwo gi jom'otho ma ŋeyo gima latimere yuwaŋe.

1 Jothesalonika 1:9

Kole joma koro je jowaco paka wijolo wan munyo waliewo win, gi paka wiweyo lamo cal makicar to wigik bongi Were, tiyo ri Were mar'adieri odoko makwo,

2 Petero 2:1

Jotuci wac ma twodo cango jobedo i dier ji pa Were, paka bende jolabino i dier win. Jobino rwako fonji ma kelo rerok, aka jobino kwedere kwoŋ Rwoth jadhum m'onyewo jo, to jokelo tho kwoŋ gin abwap.

1 Samwiri 28:11

Dhako no openjo Saulo ni, “Alwoŋ rin tipo pa ŋa?” Saulo odwoko ni tipo pa Samwiri.

1 Samwiri 28:16

Samwiri owaco ri Saulo ni, “Raŋo i penjan k'inen Rwoth ojwangin, aka olokere jakwor perin?

1 Samwiri 28:7

Kenyo Saulo owaco ri cwo pere rango rigo dhako ma luwo gi tipo pa jom'otho ŋey okidhi bonge openji go. Cwo pere jowaco rigo ni nitie dhako ma luwo gi tipo pa jom'otho i tindi Endor.

1 Samwiri 28:8

Ameno Saulo orukere i nger matek niaŋ kwoŋe. Aka munyo piny olokere macol, go gi cwo pere ario jobino bongi dhako no. Saulo owaco ri dhako no ni, “Lwoŋ ran tipo pa ŋati m'akidho waco rin nyinge.”