Isaya 8:18 - KITAWO MALEŊ

¹⁸ Neni, an gi nyithindho paran ma Rwoth omiyan, wabedo ranyuth gi gir'aura i Isiraili wok bongi Rwoth pa lwak jolweny, ma bedo wi Got Zayon.

KITAWO MALEŊ Catholic

¹⁸ Neni, an gi nyithindho paran ma Rwoth omiyan, wabedo ranyuth gi gir'aura i Isiraili wok bongi Rwoth pa lwak jolweny, ma bedo wi Got Zayon.

Isaya 8:18 ပူးပေါင်းရင်းမြစ်များ

Cakirok 33:5

Aka munyo Esau otiŋo waŋe malo to neno mon gi nyithindho, openjo ni, “Me jokune ma jonikodin?” Yakobo odwoko ni, “Me nyithindho ma Were omiyo ŋeca perin ro wor pere.”

1 Kigana kwoŋ Kerin 23:25

Kole Daudi owaco ni, “Rwoth, Were pa Isiraili omiyo ji pere siem, aka go won labedo i Yerusalem.

Zabuli 22:30

Luse ma yuwaŋe jobino tiyo rigo, jobino waco ri luse ma yuwaŋe kwoŋ Rwoth.

Zabuli 71:7

Atieko bedo gir'anena ri ji kweth, to iŋat'ibedo kapondo paran matek.

Zabuli 9:11

Wer win wer ma pak ri Rwoth, ma dhumo i Zayon! Waci ri kisi piny gima go timo!

Zabuli 9:12

Were poyo jono ma jocandere, wiye kiwil gi ywak pajo, aka miyo gir'acula ri jono ma jotimo rijo raco.

Isaya 12:6

Koki win malo, aka wer win ri kisangala ji ma Zayon, kole ŋatadwoŋ i dier win, obedo Ŋataleŋ pa Isiraili.

Isaya 14:32

Aŋo ma dhano odwoki jomikwenda ma piny? Rwoth otieko nwaŋo Zayon, aka i go ji pere ma jodamba, jolanwaŋo kapondo.

Isaya 20:3

Rwoth owaco ni, “Paka ŋeca paran Isaya otieko woth kinyoro aka gi par tiende ma oro adek, me ranyuth ma gima latimere ri Misir gi Ethopiya.

Isaya 24:23

Kenyo dwe lalokere macol, aka ceŋ k'oliel kendo, kole Rwoth pa lwak jolweny ladhumo, wi Got Zayon kodi i Yerusalem, aka go lanyutho dwoŋ pere ruwaŋ jotel pa ji pere.

Isaya 53:10

Kucel obedo mito pa Rwoth ni go wolimi litho; to miyo go kumo, munyo olokere cowirok ma cwako reco, go laneno nyikwaye, go lamedo ndelo pere; aka luwo i go atoŋa pa Rwoth latundo i kare.

Isaya 7:16

Kole kafodi jayac k'oŋeyo kwero raco gi yero bero, lowo no ma wilworo kerin pajo ario ilajwango woko.”

Isaya 7:3

Kenyo Rwoth owaco ri Isaya ni, “Kadhi gi wodin Sear Yasub aka irom gi Kere Ahaz. Ilanwaŋo go i royo kama jokwoc nangin jotiy'iye, i gike ma fereji ma kelo pi wok i kidiwa ma malo kidho i kisawe pa jalwok nangin.

Isaya 8:3

Rumacen ma hongo moro dhako paran ogamo iye to nywolo nyathi majayac. Kenyo Rwoth owaco ran kendo ni, “Cwoki nyingi nyathi ni, Maher Salal Hasbaz.

Yeremia 44:29

Me labedo ranyuth riwin, Rwoth waco, nike akidho miyo win gir'acula i kabedo me, ŋey winyal ŋeyo nike wac paran riwin latundo i kare adieri.

Ezekiel 12:6

Lier migugu i gokin i mudho ka joneno gi waŋ jo, aka ium waŋin, ŋey ikir'inen piny. Kole atieko kethin ranyuth ri ot pa Isiraili.”

Ezekiel 14:8

Alacomo waŋan kwoŋ ŋato, alaloko go ranyuth kodi gir'awaca aka alakwanyo woko go i dier ji paran. Kenyo wilaŋeyo ni An Abedo Rwoth.”

Ezekiel 4:3

Kenyo kwany wer ma nyweny t'iketho paka kor ot ma nyweny i dier in gi tindi madwoŋ, icomi waŋin kwoŋ tindi madwoŋ aka labedo ni in ithoko mako. Me labedo ranyuth ri ot pa Isiraili.”

Zekaria 3:8

Mondo winji, Awi Yesuwa, in kodi wadin ma jobedo ruwaŋin, jobedo cwo ma gir'aura; kole neni, acegin kelo ri ŋeca paran jange.

Zekaria 8:3

Me apaka Rwoth waco: Aladwoko i Zayon, aka alabedo i Yerusalem; Ilalwoŋo Yerusalem ni tindi madwoŋ ma genere, aka got pa Rwoth pa lwak jolweny, ilalwoŋo ni, got maleŋ.

Luka 2:18

Jom'owinjo wac me jouro swa gima jokwath no jowaco.

Luka 2:34

Simeo omiyo jo silwany to waco ri Maria min Nyathi ni, “Nyathi me othuy gine ji wokel podho ri joman kodi both ri ji mathoth i Isiraili; go bino bedo ranyuth ma ji mathoth jobino piemo gine.

Kitawo mar'abic mapa Musa m'ilwoŋo ni Cik 28:46

Me labedo ranyuth kodi gir'aura kwoŋ win kodi nyikway win cil gi cil.

Joebulaniya 10:33

Ndiri megi oyeti win ruwaŋ ji to icando win; aka ruman wicungo kodi joma icando jo marac ameno.

Joebulaniya 12:22

Kucel, wibino wi Got Zayon kodi i tindi pa Were makwo, Yerusalem manyapolo, gi jomalaika mere gana gi gana.