Isaya 8:16 - KITAWO MALEŊ

¹⁶ Tweyi ranyuth, imwon fonji no i dier jofonjirok paran.

KITAWO MALEŊ Catholic

¹⁶ Tweyi ranyuth, imwon fonji no i dier jofonjirok paran.

Isaya 8:16 ပူးပေါင်းရင်းမြစ်များ

2 Kerin 11:12

Kenyo Yehoyada otelo Yowas woko, oketho sangaria i wiye, to wodho or ma dhumo paka kere. Kenyo owir Yowas aka onyuthi go paka kere. Ji jogoyo adhoŋ aka jokoko ni, “Yindira kere!”

Zabuli 25:14

Rwoth mako mere gi jono ma jolworo go, aka nyutho cikirok pere rijo.

Isaya 50:4

Rwoth otieko miyan, lew joma jofonjere, ŋey anyal ŋeyo nger ma miyo meni, ri ji ma jolacere. Kisi odikin go cewan, cewo ithan, winjo paka ji ma jofonjere.

Isaya 54:13

“Rwoth lafonjo nyithindho perin je, aka nyithindho perin jolabedo joŋaŋo madwoŋ.

Isaya 8:20

Ri fonji gi mijulisi! Adieri ri wac ma joluwo me jokilaneno lero.

Daniel 12:4

To in, Daniel, kur wac me manyaliŋliŋ aka mwon i kitawo cuka hongo ma gike; ji kweth jolawoth kadho gi dwoko, aka rieko lamedere.

Daniel 9:24

“Oro piero ario dibirio, Were otieko luwo kwoŋ ji perin kodi tindi perin maleŋ, cowo raco kodi reco, kodi cwako reco, kelo tiro ma cil gi cil, kodi kelo i kare menyirok kodi jatuci wac Were, kodi wiro gi mo Kamaleŋ Loyo.

Matayo 13:11

Yesu odwoko ni, “Rieko manyaliŋliŋ ma Ker ma polo omiy win, to k'omiy jo.

Mariko 10:10

Munyo jogik i ot, jofonjirok pere jopenjo go kendo dwoŋ wac no.

Mariko 4:34

Oluwo gi jo i royo m'amiyo jowoniaŋ wac. Go k'oluwo gi jo m'ongoye agecin; to ka nitie gi jofonjirok pere wegi kakendi gin, tito rijo gimoro je gi thenethene mere.

1 Jokorintho 2:14

To ŋat'ongoye gi Cuny kinyal limo mic ma wok bongi Cuny Maleŋ pa Were, rupiri obedo rigo gimiŋo: Go kinyal niaŋ kwoŋe, kwoŋbedo dwoŋ mere niaŋere ri ŋata bende nigi Cuny Maleŋ pa Were.

Kitawo mar'abic mapa Musa m'ilwoŋo ni Cik 4:45

Me cik, or kodi fonji ma Musa owaco ri Joisiraili munyo jowok i Misir,

Joebulaniya 3:5

Aka Musa cango obedo ŋat'ogenere i Ot pa Were paka jatic, aka otuco gigipiny ma Were oyido kidho luwo kwoŋe rumacen.

Menyirok ri Yohana 10:4

Tekin joluwo, onwaŋo acegin ndiko, t'awinjo dwondi nyatoro m'oluwo i polo ni, “Liŋi kodi gima lithkoth abirio jowaco; ikir'indiki!”

Menyirok ri Yohana 19:10

Gikenyo agore piny dho tiende ni alam go, to go owaco ran ni, “Ikir'itim ameno! A jatic nyawotin, acel kwoŋ wutmin in ma joridho adieri pa Yesu. Lami Were ayino! Kole adieri pa Yesu ama gudo cuny jatuci wac Were.”

Menyirok ri Yohana 2:17

Am'omiyo, ŋata nitie gi ithe, wowinji gima Cuny waco ri kitipin pa jom'oyeyo! Ŋata loyo karatem abino miyo go cemo m'opan m'ilwoŋo ni mana. Abino bende miyo go tele matar, m'ondik'iye nyingi jo Manyen, ma ŋat'omiy gino kende ama won ŋeyo.

Menyirok ri Yohana 5:1

Gikenyo aneno kitawo m'ondiki thenge ario je ma ŋat'obedo wi kom ma dhum otiŋo i cinge maracuc, aka omwon gi gimwono abirio m'othore.

Menyirok ri Yohana 5:5

Gikenyo acel kwoŋ jodongo no owaco ran ni, “Ikir'iywak. Panen! Simbwor ma nono pa Yuda, nyakwar Daudi otieko loyo lweny aka go nyalo halo woko gimwono abirio m'othore no je to yawo kitawo no.”