Isaya 7:14 - KITAWO MALEŊ

¹⁴ Riameno Rwoth won gipi lamiyo win ranyuth. Neni, nyako mambula lagamo iye to nywolo wode aka ilacwoko nyinge ni Manwer.

KITAWO MALEŊ Catholic

¹⁴ Riameno Rwoth won gipi lamiyo win ranyuth. Neni, nyako mambula lagamo iye to nywolo wode aka ilacwoko nyinge ni Manwer.

Isaya 7:14 ပူးပေါင်းရင်းမြစ်များ

Cakirok 16:11

Neni, ikidho nywolo wodin, aka ilacwoko nyinge ni Isimayil; rupiri Rwoth owinjo ywak perin i teko.

Cakirok 29:32

Leya ogamo iye, to nywolo wode, aka ocwoko nyinge ni Ruben rupiri owaco ni, “Rupiri Rwoth oneno candirok paran; adieri cworan nyaka lamaran.”

Cakirok 3:15

Abino ketho kwor i dier in gi dhako, aka i dier nyithindhin gi nyithindho pere. Nyithindho pa dhako jobino ŋinyo wiyin, aka ibino toŋo fundi jo.”

Cakirok 30:6

Kenyo Laker waco ni, “Were otieko thumo ran banja, aka go bende otieko winjo dwondan to miyan wodan.” Riameno ocwoko nyinge ni Dan.

Cakirok 30:8

Kenyo Laker waco ni, “Gi mawi ma meni, atieko lwenyo gi nyamin an, aka aloyo.” Ameno ocwoko nyinge ni Nafital.

Cakirok 4:25

Adam obedo gi cege kendo, to Eva nywolo wode to waco ni, “Were omiyan wodan ma culo waŋ Abel ma Kayin oneko.” Ameno ocwoko nyinge ni Seth.

1 Kerin 13:3

Migam me bino tur piny, aka buru ma wiye ibino ywoyo. Kenyo ibino ŋeyo nike Rwoth oluwo luwo i an.”

Zabuli 46:8

Biye, neni win tic pa Rwoth, neni gidhier ma go otimo i piny.

Isaya 38:7

“Me ranyuth rin wok bongi Rwoth, ni Rwoth bino timo gima go ociko.

Isaya 8:10

Tim win can kanyacel, to k'oyindira. Luw win wac, to kilatundo i kare, kole Were nigi wan.

Isaya 8:8

Laluwo i wi Yuda paka mikula ma tundo kiri i dwondi win, Awi Manwer, gi bwombin m'oyare umi thutho ma piny perin.”

Isaya 9:6

Kole riwan, nyathi onywole! Omiy wan nyathi majayac! Dhum nitie i goke, aka ilalwoŋo go ni jadiy cuny ji ma Gir'aura, Were Majameni, bawan ma cil gi cil, Kere ma siem.

Yeremia 23:6

I hongo pere ilabotho Yuda kodi Isiraili aka ji ma Isiraili jolabedo i siem. Aka me a nyingi m'ibino lwoŋo gine go: “Rwoth a tiro mawan.”

Yeremia 31:22

Ilawiro paro kiri keraŋo, Awi ji paran ma jongoye g'adieri? Kole Rwoth otieko cweyo gimanyen i piny, go lagwoko go paka dhako gwoko jacwo.

Yeremia 44:29

Me labedo ranyuth riwin, Rwoth waco, nike akidho miyo win gir'acula i kabedo me, ŋey winyal ŋeyo nike wac paran riwin latundo i kare adieri.

Mika 5:2

To in, a Bethelehem Efratha, m'ithin loyo i dier nonin ma Yuda, wok kwoŋin lawok ran, ŋata bino bedo jadhum i Isiraili, ma cakirok pere obedo cango con.

Matayo 1:23

“Nyako mambula bino gamo iye, to nywolo nyathi majayac, m'ibino cwoko nyinge ni Manwer.” Dwoŋ mere ni, “Were nigi wan.”

Luka 1:31

Kole ibino gamo iyin, t'inywolo wodin; aka ibino cwoko nyinge ni Yesu.

Luka 1:35

To malaika waco rigo ni, “Cuny Maleŋ bino loro kwoŋin, aka meni pa Were Madwoŋ Maloyo bino umin; am'omiyo nyathi m'ibino nywolo ibino lwoŋo ni ŋataleŋ, Wod Were.

Luka 2:12

Aka me a ranyuth riwin, wibino nwaŋo nyathi maŋic m'oboy i nangin pa nyithindho t'ipielo i wer ma cemo dhok.”

Luka 20:44

Kole Daudi olwoŋo go ni Rwoth. To go nyalo nedi kendo bedo nyakwar Daudi?

Yohana 1:14

Wac olokere Dhano, aka obedo gi wan, to waneno dwoŋ pere paka Wod Were acel kende, m'owok bongi Were Bawan, m'opoŋ gi nema kodi adieri.

Joroma 9:5

jowok kwoŋ kwarere wan macon, aka Kristo, paka dhano, onywole wok i dier jo. Weyi Were ma dhumo gimoro je, wopak cil gi cil. Ameno.

1 Timothe 3:16

M'ongoye kiganagana, nyaliŋliŋ ma yeyo mawan dwoŋ: Go onenere i cal pa dhano, Cuny Maleŋ onyutho paka go otire, aka jomalaika joneno go. Ofonji kwoŋ go i piny je, oyey go i piny gipi, aka oter go i polo.

Jothum Banja 6:36

Gideon owaco ri Were ni, “K'inen ilabotho Isiraili luwo i cingan paka iwaco,

1 Samwiri 1:20

I hongo no won Hana ogamo iye to nywolo wode, aka ocwoko rigo nyinge ni Samwiri; dwoŋ mere ni, “Akwayo Rwoth go.”

1 Samwiri 4:21

Ocwoko ri nyathi nyinge ni Ikabod dwoŋ mere ni, “Dwoŋ pa Were oweyo Joisiraili” Rupiri Kakan ma Cikirok pa Were omaki, aka ba cwore gi cwore je to jotho.