Isaya 66:2 - KITAWO MALEŊ

² An, aŋat'acweyo gigipiny me gi cingan, aka je jobedo aparan, Rwoth waco. To me a ŋat'aladwaro, ŋata mwole aka bwonere i cuny ma kirin i wac paran.

KITAWO MALEŊ Catholic

² An, aŋat'acweyo gigipiny me gi cingan, aka je jobedo aparan, Rwoth waco. To me a ŋat'aladwaro, ŋata mwole aka bwonere i cuny ma kirin i wac paran.

Isaya 66:2 ပူးပေါင်းရင်းမြစ်များ

1 Kerin 21:29

“Ineno nger ma Ahab omwole iye ruwaŋan? Kwoŋbedo omwole, akibino kelo teko i hongo pere, t'abino kelo teko peco pere i hongo pa wode.”

2 Kerin 22:10

Kenyo Safan kendo owaco ri kere ni, “Anitie ka gi kitawo ma Hilikia omiyan.” Safan osoma malo ri kere.

2 Kerin 22:11

Aka munyo kere owinjo wac ma kitawo ma Cik, oyeco woko nangin pere.

Ezira 10:3

Onyo weyi watim cikirok gi Were mawan riemo woko mon me je gi nyithindho pajo. Walaluwo rieko ma in gi jono ma jolworo or pa Were mawan winomiy. Walatimo gima cik pa Were waco.

Ezira 9:4

Kenyo jono je ma jokirin ro wac ma Were oyido owaco kwoŋ ngoye g'adieri pa ji m'oyido jodwoko wok i twec jocokere thokan paka abedo piny m'adhier cuka tundo sawa ma miyo cowirok m'othieno.

Zabuli 119:120

Delkwoŋan kirin ro lworo rin, aka thumo banja perin bwokan.

Zabuli 119:161

Jomeni jomonjan m'ongoye atoŋa, to cunyan cungo i lworo ma wac perin.

Zabuli 138:6

Kole kada Rwoth oŋawere, go paro kwoŋ ji masisiri, to ŋeyo jodelok gi bor.

Zabuli 34:18

Rwoth bedo cegin gi jono ma cuny gin otur, go botho jono ma jongoye gi geno.

Zabuli 51:17

Cowirok ma sangala Rwoth, obedo cuny ma tur, cuny m'otur aka mamwol, Awi Were, ikicay.

Zabuli 51:19

Nyaka ilakisangala gi cowirok m'otire, gi mic awaŋa gi mic ma gikululu, kenyo ilamiyin rwath i wi migam perin.

Agecin 28:14

Kisangala bedo ri ŋata lworo jo, to ŋata cunye tek lapodho i teko.

Agecin 29:23

Noro pa dhano kelo podho pere, to ŋata mwol lalimo dwoŋ.

Isaya 40:26

Tiŋi waŋin malo akinen, ŋa m'ocweyo gime? Go ma wodho woko lwak pajo to kwano jo, lwoŋo joje gi nyingi jo; rupiri go obedo ŋatadwoŋ i meni, meni pere oasere, ongoye kad'acel ma rem.

Isaya 41:20

Kenyo ji je jolaneno to joŋeyo, joje jowoteri paka gimadwoŋ to joniaŋ, ni cingi Rwoth am'otimo gime, Ŋataleŋ pa Isiraili am'ocweyo go.”

Isaya 57:15

Kole Jamalo swa, ŋataleŋ waco, go makwo cil gi cil, ma nyinge Leŋ. Abedo kam'oŋawere, kamaleŋ, gi jono bende ma joŋuto aka jobwonere i cuny, dwoko cuny jomamwol, gi dwoko cuny joma ŋuto reco.

Isaya 61:1

Cuny pa Rwoth Were nitie kwoŋan, kwoŋbedo Rwoth owiran gi mo, ooran kelo wac manyen maber ri ji m'idiyo, yomo cuny joma cuny jo otur, tito gonyirok pa joma jonitie i twec, gi gonyo joma jotudere.

Isaya 66:5

Winji win wac pa Rwoth, win ma wikirin i wac pere. Wutmin win ma jodak win, aka jobolo win woko ro nyingan, jowaco ni, “Weyi Rwoth omiy dwoŋ, ŋey wanyal neno kisangala perin” To jo am'ila ketho jo i wickwot.

Hoseya 11:10

Jolaluwo Rwoth, ma uja paka simbwor; ka go ouja, nyithindho pere jolabino ka jokirin wok yupodho ceŋ.

Mika 6:8

Rwoth otieko nyuthin gimaber, in nyatoro, aŋo ma Rwoth mitin itim, ka k'obedo timo tiro, nyutho kisa, kodi woth gi mwolo iy'acel gi Were perin?

Habakuk 3:16

Awinjo to iyan kirin, dhokan okirin ro derino. Topo donjo i cokin paran, aka kam'akalo okirin i ŋangan. Akuro nyaliŋliŋ cuka ndelo ma teko, bino kwoŋ ji ma jomonjo wan.

Matayo 12:6

Awaco riwin, kole gimadwoŋ ma kalo Ot pa Were ni ka.

Tim pa Jomoor 7:50

Kosa cingan ama k'ocweyo gigipiny ni je?

Tim pa Jomoor 9:6

To ay malo ikidhi i tindi, kam'ibino waco rin'iye gim'inotimi”

Jofilipi 2:12

Am'omiyo, wutmera, paka noknok wiwinjo or, ki nyaka ruwaŋan kende, to tektek paka onyo angoye, tiyi win ri both mewin gi lworo kodi kirin.

Jokolosia 1:17

Go obedo mafodi gigipiny je, aka cungo kwoŋ go gigipiny je jonitie i kabedo pajo.