Isaya 66:19 - KITAWO MALEŊ

¹⁹ Alaketho ranyuth i dier jo. Wok kwoŋ jo alaoro ji ma joboth i piny kweth, Tarsis, Libia, gi Lidia ma jo oro asere gi kwote, Tubal, Javan gi piny ma yuthengi nam, mafodi jok'owinjo ŋeyirok kosa neno dwoŋ paran; aka jolatuco kamaler dwoŋ paran i dier nonin.

KITAWO MALEŊ Catholic

¹⁹ Alaketho ranyuth i dier jo. Wok kwoŋ jo alaoro ji ma joboth i piny kweth, Tarsis, Libia, gi Lidia ma jo oro asere gi kwote, Tubal, Javan gi piny ma yuthengi nam, mafodi jok'owinjo ŋeyirok kosa neno dwoŋ paran; aka jolatuco kamaler dwoŋ paran i dier nonin.

Isaya 66:19 ပူးပေါင်းရင်းမြစ်များ

Cakirok 10:13

Misir obedo ba Ludim, Anamim, Lehab, Nafituhim,

Cakirok 10:2

Wot Yafeth oyido; Goma, Magog, Maday, Yavan, Tubal, Mesek, kodi Tiras.

Cakirok 10:22

Wot Semu oyido; Elam, Asur, Aripakisadi, Lud, kodi Aram.

Cakirok 10:4

Wot Yavan oyido; Elisa, Tarsis, Kitim, kodi Dodanim.

Cakirok 9:27

Weyi Were womiy Yafeth nyay! Weyi nyikwaye jowobedi gi ji pa Semu! Aka Kanan bino bedo ŋeca pa Yafeth.”

1 Kigana kwoŋ Kerin 1:11

Misir obedo ba Ludim, Anamim, Lehabim, Nafituhim,

1 Kigana kwoŋ Kerin 1:7

Nyikway Yavan obedo Elisa, Tarsis, Kitim, kodi Rodanim.

1 Kigana kwoŋ Kerin 16:24

Tuci dwoŋ pere ri nonin, tim pere ma meni ri ji je.

Zabuli 72:10

Weyi kerin ma Tarsis gi ma kigodin, jowomiy go mic, weyi kerin ma Seba gi Seba jowokeli mic.

Isaya 11:12

Go latiŋo ranyuth ri nonin aka lacoko Joisiraili ma jodamba, gi ji ma Yuda ma jokedhere, wok i sonda aŋwen ma piny.

Isaya 18:3

Awi, ji je ma piny gibe, win ma wibedo i piny, k'otiŋ malo ranyuth wi gote, neni win! K'okudhi gwara, winji!

Isaya 18:7

I hongo no ilakelo mic ri Rwoth pa lwak jolweny, wok bongi ji maboyo aka jofoth, wok bongi ji m'ilworo cegin gi bor, piny matek aka kengila piny megi, piny ma malawa poko lowo mere. Jolabino i Got Zayon, kabedo m'ilam'iye nyingi Rwoth pa lwak jolweny.

Isaya 2:16

kwoŋ mel je ma Tarsis, gi kwoŋ gi ndijo je.

Isaya 29:24

Aka jono je ma jotimo gi komo i cuny jolaniaŋ, jono je ma joŋunyaŋunya, jolayeyo fonji.

Isaya 42:12

Weyi jowomiy Rwoth dwoŋ, to jowodho kamaler pak pere i piny ma yuthengi nam.

Isaya 42:4

Go k'ojok kosa k'odwokere cen, cuka okeli tiro i piny, aka piny ma yuthengi nam kuro cik pere.

Isaya 43:6

Alawaco ri yumalo ni, “Weyere gi jo.” Alawaco ri yupiny ni, “Ikir'igeŋ, keli wotan wok bor, gi nyithindho paran manyir wok i witum ma piny,

Isaya 49:1

Winjan win, piny ma yuthengi nam, win ji ma wiwok bor! Rwoth olwoŋan mafodi k'onywolan, mafodi anitie i iy mama go ocwoko nyingan.

Isaya 49:12

Neni, ji paran jolawok bor swa, aka neni, jolawok yumalo gi yupodho ceŋ, gi wok i lowo ma Siyene yupiny.”

Isaya 49:22

Me apaka Rwoth Were waco ri ji pere. Acegin tiŋo cingan ri nonin, t'atiŋo ranyuth paran ri ji, ŋey jowokeli wotin i kor jo, aka nyiki win ilatiŋo i goki jo.

Isaya 51:5

Alabino piyo botho jo, both paran nitie cegin. An won aladhumo ji. Piny ma thengi nam jokuran, jokuran adhum jo.

Isaya 52:10

Rwoth otieko rieyo bade maleŋ, ruwaŋ nonin je, aka tielo je ma piny laneno, both pa Were mawan.

Isaya 52:15

Ameno bende apaka nonin joladhier ro go, aka kerin jolamwono dhok gin ro go; rupiri jolaneno gigipiny mafodi k'owaci rijo, aka jolaniaŋ gigipiny m'oyido fodi jok'owinjo.

Isaya 55:5

Neni, ilalwoŋo nonin ma fodi ikiŋeyo, aka piny m'oyido k'oŋeyin laringo bino bongin, kwoŋbedo An abedo Rwoth, Were Maleŋ pa Isiraili, rupiri go otieko miyin dwoŋ.

Isaya 60:9

Kole piny ma yuthengi nam jolakuran, mele ma Tarsis marapena, ma lakelo wotin wok bor, jolabedo gi feza gi zahabu pajo, ma miyo nyingi Rwoth Were perin dwoŋ, ri Ŋataleŋ pa Isiraili, rupiri go otieko miyin dwoŋ.

Isaya 62:10

Donji win, donji win gi waŋkace, yik win yo ri ji; geti win, geti win ngudo madwoŋ, kwany win woko telin manitie i iye, tiŋi win ranyuth ri ji.

Isaya 65:1

Rwoth waco ni, Oyido ayikere dwoko kwayo pa ji paran, to jok'okwayan. Oyido ayikere jowonwaŋan, to jok'orangan. Awaco ni an e, an e, ri piny ma k'olwoŋo kada nyingan.

Yeremia 46:9

Miy win kayinin or jowokadho, aka cawilin jowodwire! Weyi jolweny jowowoki, Ethopiya kodi Libia ma jotiŋo kwot, jo Ludim ma jocelo asere.

Ezekiel 27:10

Jolweny ma jowok Pasia, Lud kodi Libia, jotiyo i lweny perin. Joliero kwot pajo gi jungin pajo to jomiyin dwoŋ.

Ezekiel 27:13

Yavan, Tubal kodi Mesek jotimo kodin mitan; jomiyo win ji pajo g'atewe ma nywenye pajo t'imiyo jo gigipiny perin ma mitan.

Ezekiel 30:5

Ji ma Ethopiya kodi Put, Ji ma Lud kodi jopath je ma Libia, kodi ji ma piny ma jotimo cikirok, jolatho g'abor.

Ezekiel 32:26

Mesek kodi Tubal jonitie kenyo, gi kweth pajo je, gi kaliele pajo thoko jo, joje joma bu Were m'oneki jo g'abor; rupiri jokelo lworo i piny pa jomakwo.

Ezekiel 39:1

Rwoth owaco ni in wod dhano, tuci wac paran kwoŋ Gog, aka iwaci ama: Rwoth Were waco ama, alwenyo kodin, awi Gog, wod kere pa Mesek kodi Tubal!

Ezekiel 39:6

Aladhiro mac kwoŋ Magog kodi kwoŋ jono ma jobedo ma bu teko i thengi nam; aka jobino ŋeyo ni An Abedo Rwoth.

Daniel 11:18

Aka rumacen go lawiro waŋe yuthengi nam, aka lakwanyo mathoth kwoŋ jo; to jamituka laketho i gike kwoto pere; adieri go ladwoko kwoto pere rigo.

Zefania 2:11

Rwoth lakelo lworo kwoŋ jo. Go lasewo werin je ma piny kisi nono lalamo go, kisi acel i piny pere won.

Zefania 3:10

Wok i malawin ma yombo Ethopiya, ji paran ma jokedhere, jono ma jolaman, nyar ji paran ma jokedhere, jolakelo ran mic.

Malaki 1:11

Ji wok i thenge ma piny tundo i gike jomiyo nyingan dwoŋ. Kisi kamoro jowaŋo ran buban aka jomiyan cowirok t'ajolo. Joje jomiyo nyingan dwoŋ, Rwoth pa lwak jolweny waco.

Matayo 28:19

Am'omiyo kidhi win wiloki nonin je jofonjirok paran; wibatisa jo i nyingi Baba gi Wode gi Cuny Maleŋ.

Mariko 16:15

Aka owaco rijo ni, “Kidhi win i piny je, wifonji nono je Wac Manyen Maber.

Luka 2:34

Simeo omiyo jo silwany to waco ri Maria min Nyathi ni, “Nyathi me othuy gine ji wokel podho ri joman kodi both ri ji mathoth i Isiraili; go bino bedo ranyuth ma ji mathoth jobino piemo gine.

Joroma 15:21

Ato ndiko waco ni, “Joma fodi k'owaci rijo kwoŋ go jobino neno, aka joma fodi jok'owinjo jobino niaŋ.”

Joefeso 3:8

Kad'oyido aŋat'aasa thin kwoŋ jomaleŋ je, omiyan nema me ma tito ri Jopath Wac Manyen Maber kwoŋ ŋaŋo pa Kristo ma bu gike.