Isaya 66:14 - KITAWO MALEŊ

¹⁴ Wilaneno gime timere, aka cuny win lafore; lamiyo win bedo matek gi kwo maber. Aka wilaŋeyo ni Rwoth, konyo jono ma jowinjo go, aka nyutho jokwor pere nge.

KITAWO MALEŊ Catholic

¹⁴ Wilaneno gime timere, aka cuny win lafore; lamiyo win bedo matek gi kwo maber. Aka wilaŋeyo ni Rwoth, konyo jono ma jowinjo go, aka nyutho jokwor pere nge.

Isaya 66:14 ပူးပေါင်းရင်းမြစ်များ

Ezira 8:18

Ato paka cingi Were ma wor oyido nitie kwoŋ wan, jodhiro riwan Serebia, jacwo ma janyalo, jalevi, aka janono pa Mahili, gi wote gi wutmin go j'apar g'aboro.

Ezira 8:22

Kole wiyan okwot kwayo kere womiy wan jokur kwoŋ jokwor i woth mawan, paka oyido atieko waco ri kere ni Rwoth miyo silwany ŋata geno i go, to go kisangala gi ŋata kwedere kwoŋe aka miyo go gir'acula.

Ezira 8:31

Kenyo waeye i jangi malawa ma Ahava k'apar g'ario ma dwe marapena kadho i Yerusalem. Were mawan oyido nitie gi wan aka ogwoko wan kwoŋ kisinye pa jokwor mawan gi jokinyaga paka wawotho.

Zabuli 107:42

Joma timo gim'otire joneno to josangala, to jokidakana je imiyo jo liŋ.

Agecin 17:22

Cuny ma sangala obedo yath maber, to cuny ma rembo ŋinyo jo.

Agecin 3:8

K'inotim ameno, labedo kwo ri delkwoŋin gi yath ri cokin perin.

Isaya 10:5

Awi Asiria, luth ma nge paran, Rwoth waco, abiro ma cingi jo obedo keme paran!

Isaya 13:5

Jobino wok i piny mabor, wok i gike ma polo, Rwoth gi gilweny ma nge pere, ma reyo piny gibe.

Isaya 26:19

Ji perin ma jotho jolakwo, delkwoŋ jolacerino. Awi ji ma jonindo i fukefuke, cew win aka wiwer ro kisangala! Kole thoyo mewin obedo thoyo ma lero, aka piny laŋulo jom'otho.

Isaya 26:20

Biye win, ji paran donji win i udi mewin, aka wicegi thigo mewin yuŋey win; pondi win ma hongo moro, cuka keme pa Rwoth orum.

Isaya 30:27

Neni, Rwoth bino wok bor swa, gi nge pere maliel, kodi tome yiro ma ay malo, dhoke opoŋ lam, aka lewe cal mac ma reyo woko jo.

Isaya 33:20

Ŋiy Zayon, tindi madwoŋ ma timo kalima mawan m'oyik, waŋin laneno Yerusalem, kabedo m'oliŋ, wema ma kicore, ma loce mere k'ofudhi woko, aka thondhe mere kicoti.

Isaya 34:2

Rwoth omako nge gi piny je, gi jolweny pajo je. Othumo rijo banja ma rerok.

Isaya 35:2

Thim lawero to koko ri kisangala, labedo maŋon paka gote ma Lebanon; ma nyak cemo paka ndelin ma Kamel gi Saron. Kisi dhano laneno dwoŋ pa Rwoth, gi meni pa Were mawan.

Isaya 41:20

Kenyo ji je jolaneno to joŋeyo, joje jowoteri paka gimadwoŋ to joniaŋ, ni cingi Rwoth am'otimo gime, Ŋataleŋ pa Isiraili am'ocweyo go.”

Isaya 42:13

Rwoth telo paka siragama, paka dhano ma jalweny, go tugila nge pere, go ywak, go koko malo, go nyutho meni pere kwoŋ jokwor pere.

Isaya 58:11

Rwoth latelo win noknok, to yeŋo mito mewin gi gigipiny mabeyo, to loko cokin mewin matek. Wilacale ndelo m'ikonj'iye pi, paka waŋ pi, ma pi mere kicwiy.

Isaya 59:18

Cungo kwoŋ tim pajo go laculo jo; keme pere ri jokwor pere, culo kwor ri jokwor pere, go laculo kwor ri piny ma yuthengi nam.

Isaya 66:5

Winji win wac pa Rwoth, win ma wikirin i wac pere. Wutmin win ma jodak win, aka jobolo win woko ro nyingan, jowaco ni, “Weyi Rwoth omiy dwoŋ, ŋey wanyal neno kisangala perin” To jo am'ila ketho jo i wickwot.

Zekaria 10:7

Efrayim labedo matek paka cwo ma jomeni, cuny jo lakisangala paka gi vini. Nyithindho pajo jolaneno to josangala, cuny jo lafore i Rwoth.

Malaki 3:18

Kenyo wibino poko kwoŋ jom'otire gi jokidakana, ji ma jotiyo ri Were gi joma kitiy rigo.”

Yohana 16:22

Meno apaka bende nitie gi win. Pama onyo wiwinjo litho, t'abino neno win kendo, aka cuny win bino poŋ gi kisangala, kiti kisangala ma moro kinyal mayo win.”

Joebulaniya 10:27

Kucel, gim'odoŋ a lworo gima bino timere: Thumo banja kodi mac mager ma bino reyo woko joma piemo gi Were.