Isaya 65:9 - KITAWO MALEŊ

⁹ Alayero nyikway Yakobo, aka nyikway Yuda jolalunjo gote paran. Ji paran m'ayero jolalunjo, aka ŋecin paran jolabedo kenyo.

KITAWO MALEŊ Catholic

⁹ Alayero nyikway Yakobo, aka nyikway Yuda jolalunjo gote paran. Ji paran m'ayero jolalunjo, aka ŋecin paran jolabedo kenyo.

Isaya 65:9 ပူးပေါင်းရင်းမြစ်များ

Isaya 27:6

I ndelo ma bino, nyikway Yakobo jolarwako fuc, Isiraili lathiwo to ketho withe, aka lapoŋo piny gibe g'olemo.

Isaya 30:19

Adieri, awi ji ma Zayon, ma jobedo i Yerusalem, wikilaywak kendo. Adieri Rwoth lanyutho win wor i derino ma ywak mewin, ka go owinji, go ladwoko win.

Isaya 32:18

Ji paran jolabedo i pecin ma siem, kam'okwe kodi i kabedo m'oliŋ.

Isaya 45:19

Akiluwo nyaliŋliŋ, i piny ma mudho, kosa akipano atoŋa paran. Akiwaco ri nyikway Yakobo, ni joworangan kam'othangere. An, Rwoth aluwo adieri, Atuco gim'otire.

Isaya 45:25

I Rwoth, nyikway Isiraili je, jolalimo loyo to josiemere.

Isaya 49:8

Me apaka Rwoth waco, “I hongo ma ŋono atieko dwokin, itieko ndelo ma both akonyin, atieko kurin t'amiyin, paka cikirok ri ji, ma cako piny, ma poko lim m'ojwangere.

Isaya 57:13

Ka winogoy koko, weyi cal makicar mewin ma wicoko jowobothi win! Koyo latiŋo woko, luya won lakudho jo. To ŋata pondo i an, lalimo lowo, to lunjo got paran maleŋ.

Isaya 60:21

Ji perin je jolabedo jom'otire, aka jolabedo gi lowo cil gi cil. Jobedo kolo m'apidho, tic ma cingan, ŋey anyal limo dwoŋ.

Isaya 65:15

Ŋecin paran jolaoro nyingi win ma kwoŋo, aka an, Rwoth Were alaneko win, t'amiyo ŋecin paran nyingi jo man.

Isaya 65:22

Jokilageto udi to joman ama jonind'iye, jokilapidho ndelo vini to joman ama jocamo. Ji paran jolakwo to joti paka yen, aka ayera paran jolawinjo cwe ma hongo malac ma tic ma cingi jo.

Ezekiel 36:24

Alakwanyo win wok i nonin, t'acoko win wok i piny je, t'adwoko win i piny mewin won.

Zefania 3:20

I hongo no alakelo win peco, i hongo m'abino cok'iye win; kole alamiyo win nyingi win kodi pak, i dier nonin je ma piny, k'anodwoki riwin lim mewin macon, kareno wineno gi waŋ win, Rwoth waco.

Matayo 24:22

Aka bedi Were k'otieko kimoja ye woko ndelo no, onwaŋo ongoye dhano ma d'oboth; to ri bero pa jom'oyer, Were bino kimoja ye woko ndelo no.

Joroma 11:28

Rupiri jokwero Wac Manyen Maber, Joyuda jolokere jokwor pa Were ma bero mewin, win Jopath. To i yero pa Were, jobedo mere pere ma bero pa kwarere pajo.