Isaya 64:6 - KITAWO MALEŊ

⁶ Wajoje watieko lokere ŋata koc, aka tim mawan maber je cal okuto. Wathwo paka boke, aka reco mawan kudho wan, paka koyo.

KITAWO MALEŊ Catholic

⁶ Wajoje watieko lokere ŋata koc, aka tim mawan maber je cal okuto. Wathwo paka boke, aka reco mawan kudho wan, paka koyo.

Isaya 64:6 ပူးပေါင်းရင်းမြစ်များ

2 Samwiri 22:46

Miseni pajo rumo, aka jobino gi kirin wok i kapondo pajo.

Yobu 14:4

Ŋa manyalo wodho gim'olony wok kwoŋ gimakoc? Ongoye kada ŋat'acel.

Yobu 25:4

Onyo dhano obedi nedi m'otire ruwaŋ Were, aka dhano m'onywol gi dhako obedi nedi macil?

Yobu 40:4

An asisiri, anodwokin nedi? Aumo dhokan gi cingan.

Zabuli 1:4

To jokidakana jokical ameno jocale yuk ma koyo kwadho woko.

Zabuli 14:4

Rwoth penjo ni, “Jokiŋey? Ji ma jotimo reco me je jongoye gi rieko? Jocamo ji paran paka jocamo mugat, aka jokikway Rwoth.”

Zabuli 51:5

Neni, abedo jareco wok i nywolirok paran, jareco munyo mama ogaman i iye.

Isaya 1:28

To jogwenyirok gi joreco, ilareyo woko jo kanyacel, aka jono ma jokwero Rwoth jolarere woko.

Isaya 1:30

Kole wilacale paka olwa, ma boke mere thwo, kendo paka ndelo m'ongoy'iye pi.

Isaya 43:22

Kucel wikilwoŋan, awi Yakobo; to wijok kodan, awi Isiraili!

Isaya 46:12

Winjan win, win jowictek, win ma wibor gi both:

Isaya 48:1

Winji win gime, awi ot pa Yakobo, win m'ilwoŋo win gi nyingi Isiraili, kodi Yuda, ma wikwoŋere i nyingi Rwoth, aka wituco Were pa Isiraili, to, wikitim iy'adieri kosa m'otire.

Isaya 50:1

Me apaka Rwoth waco, Wiparo ni ariemo woko ji paran, paka jacwo ma riemo woko cege? Nikune, ere papila ma turo nywomirok? Wiparo ni atana win i twec, paka jacwo tana nyithindho pere paka ŋecin? Neni, wikadho bedo i twec ro reco mewin; aka ro kibenga mewin oriem min win.

Isaya 50:2

Raŋo munyo abino akinwaŋo dhano? Raŋo munyo alwoŋo, ongoye ŋat'odwoko? Cingan cek ma kinyal botho? Kosa angoye gi meni ma botho? Gi or paran athwo woko nam, aloko malawin opalipat; rec pajo joŋwe ro ngoye pa pi, aka jotho ro riyo.

Isaya 53:6

Wajoje oyido wacal rombo m'orwenyo, kisi moro ocomo yo pere, to, Rwoth miyo gir'acula podho kwoŋ go, gir'acula m'oyido waŋati waripo limo.

Isaya 6:5

Kenyo awaco ni, “Kidamba ran! Kole arwenyo, kole abedo jacwo ma dhoke koc, aka abedo i dier ji ma dhok gin koc, kucel waŋan otieko neno Kere, Rwoth pa lwak jolweny!”

Isaya 8:17

Alakuro Rwoth, go ma pano waŋe kwoŋ ot pa Yakobo, aka alaketho geno paran i go.

Daniel 9:13

Paka ondiki i cik pa Musa, raco me je opodho kwoŋ wan, kucel wakirango waŋ Rwoth Were mawan, wirok kwoŋ reco mawan kodi luwo adieri pere.

Hoseya 4:19

Ilatiŋo jo woko paŋini gi koyo t'ibolo jo woko, to wiy jo kwot gi cowirok pajo manyakafir.

Hoseya 7:7

Joje jolieth paka kabulirok, aka jocuto jodhum pajo. Kerin pajo je jotho; ongoye kad'acel kwoŋ jo ma lwoŋan.

Jolevi 13:12

To ka dhowo obino abwap i pien, m'onyalo umo pien pa jadhowo gipi wok i wiye kiri i tiende, ma jacway ri Were nyalo neno,

Zekaria 3:3

Yesuwa oyido oruko nangin m'ocido, aka ocungo ruwaŋ malaika.

Joroma 7:18

Aŋeyo ni bero ongoye i an, kosa awaci ni i delkwoŋan paka dhano. Anyalo yenyo timo gimaber, to akinyali.

Joroma 7:24

Adieri an adhano ma bu kisangala. Ŋat'othekan gi del me ma teran i tho! Were wofoy ma bino timo ameno kwoŋ Yesu Kristo Rwodhiwan!

Jofilipi 3:9

ŋey abedi i go. Aka adoko akibedi gi tiro paran won, i royo ma kuro Cik, to pama anitie gi tiro ma wok bongi Were, aka ma cungo kwoŋ yeyo Kristo.

Tito 3:3

Kole wan wegi onwaŋo yado wamiŋ, wajocay, aka oyido orweny wan woko. Wan oyido wabedo ŋecin pa awanya kodi kisangala ma piny; oyido waoro kwo mawan ma timo ri ji raco kodi nyeko; oyido wadakere gi ji.

Menyirok ri Yohana 7:13

Acel kwoŋ jodongo no openjan ni, “Meno jokune ma jorukere i nangin matar no, kendo jowok kune?”