Isaya 61:10 - KITAWO MALEŊ

¹⁰ Alafore tektek i Rwoth, adundo paran gipi layodere i Were paran; kole go otieko rukan gi law ma both, go otieko uman gi kanzu ma tiro, paka jamweha koda wiye sangaria, paka mweha kikere gi thiwino pere.

KITAWO MALEŊ Catholic

¹⁰ Alafore tektek i Rwoth, adundo paran gipi layodere i Were paran; kole go otieko rukan gi law ma both, go otieko uman gi kanzu ma tiro, paka jamweha koda wiye sangaria, paka mweha kikere gi thiwino pere.

Isaya 61:10 ပူးပေါင်းရင်းမြစ်များ

Cakirok 24:53

Kenyo go owodho thiwino ma feza gi zahabu kodi nangin to miyo Rebeka. Go bende omiyo omin Rebeka gi min mic ma welo.

2 Kigana kwoŋ Kerin 6:41

“Onyo pama ay malo, Awi Rwoth Were, aka ikadhi i kabedo ma ywomirok perin, in kodi Sanduku ma Cikirok, ranyuth madwoŋ perin. Weyi jocway ri Were i wi migam perin, Awi Rwoth Were, jowolimi both, aka weyi jor'adieri perin jowofore i bero perin.

Nehemia 8:10

Nehemia owaco ri ji ni, “Kadhi win yo mewin, cami win cemo aka wimadhi vini to wipoko ji ma jongoye gine. Konon me obedo ndelo maleŋ ri Rwoth Were mawan, aka wikiri wikumi. Kole kisangala pa Rwoth obedo meni mewin.”

Yobu 29:14

Atimo gim'otire, aka tiro oyido obedo kanzu paran gi junga paran.

Zabuli 132:16

Alamiyo jocway ri Were i wi migam pere silwany i gima jotimo je, aka ji pere jolawero to jokoko ri kisangala.

Zabuli 132:9

Weyi jocway ri Were i wi migam perin jowotimi gim'otire; weyi ji perin jowokoki ri kisangala!

Zabuli 28:7

Rwoth obedo meni paran aka kwot paran, aketho geno paran i go. Rwoth miyan kony aka sieman, apako go gi wer ma kisangala.

Zabuli 35:9

Kenyo cunyan bino fore i Rwoth, abino kisangala kwoŋbedo obothan.

Wer pa Solomon 1:10

Ye wiyin ŋon kiri i pindin, aka podho i tokin paka thiwino.

Isaya 12:1

Wilawero i ndelo no ni: Alamiyin foyo, Awi Rwoth, kole kad'oyido imako nge kodan, nge perin owire woko, aka iyomo cunyan.

Isaya 12:2

Neni, Were obedo both paran, alageno go, aka akilabwok; kole Rwoth obedo meni paran gi wer paran, go otieko bedo both paran.

Isaya 17:10

Kole wiy win owil gi Were ma both mewin, aka wikipoyo Tele ma pondo mewin; riameno makada nende winofur ndelin, ma lamo were makicar,

Isaya 25:1

Awi Rwoth, ibedo Were paran, alatiŋin malo, alapako nyingin; kole itieko timo gigipiny ma gir'aura, can m'itimo cene, mar'adieri aka m'otire.

Isaya 25:9

Ilawaco i ndelo no ni, “Neni, me Were mawan, watieko kuro go ŋey wobothi wan. Me Rwoth ma watieko kuro; weyi wasangala aka wafore i both pere.”

Isaya 35:10

Aka jono ma Rwoth otieko botho joladok, to jobino i Zayon gi wer, kisangala ma cil gi cil labedo i wi jo; jolanwaŋo siem gi kisangala, kumo gi rem larumo woko.

Isaya 41:16

Wilapiedho jo to koyo kudho jo, aka asur lakedho jo. Nyaka to wifore i Rwoth, wilalimo dwoŋ i Ŋataleŋ pa Isiraili.

Isaya 48:18

Kabedi oyido wiwinji or paran! Dinyo siem mewin omol ma kicwiy, paka malawa! Dinyo loyo obino riwin paka ulok ma nam

Isaya 49:18

Tiŋi waŋin malo thoko akinen, joje jocokere, jobino bongin. Rwoth waco ni, kafodi go kwo, ilaruko joje kwoŋin paka thiwino, paka ilatweyo jo kwoŋin paka mweha.

Isaya 49:4

To awaco ni, “Atieko tic ma nono, atieko oro meni paran, m'ongoye gim'alimo gipilok, kucel adieri, tim paran Rwoth oneno, aka kemba paran nigi Were paran.”

Isaya 51:11

Ameno ji ma Rwoth obotho joladwoko, to jobino i Zayon gi wer, forok ma bu gike bino bedo rijo. Jobino nwaŋo forok gi kisangala, aka kumo gi hamo bino ngoye woko.

Isaya 51:3

Kole Rwoth layomo cuny Zayon; gi jono je ma jobedo i gundin mere. Go laloko thim mere paka Eden, aka opalipat mere paka ndelo pa Rwoth. Forok gi kisangala lanwaŋere i go, foyo kodi dwondi ma wer.

Isaya 52:1

Cew, cew, bedi matek kendo, Awi Zayon! Ruk nangin perin maŋon, awi Yerusalem, tindi madwoŋ maleŋ. Kole ji ma jok'othumere gi jomakoc jok'obin bongin.

Isaya 56:7

Alakelo jo wi got paran maleŋ, t'amiyo jo kisangala i ot paran ma kwayo. Alajolo mic awaŋa pajo gi cowirok pajo i wi migam paran. Kole ot paran ilalwoŋo ni ot ma kwayo ri ji je.

Isaya 58:14

Kenyo nyaka wilakisangala i Rwoth, aka alamiyo win dwoŋ i piny, alamiyo win silwany gi lowo m'amiyo kwari win Yakobo, kole dhok Rwoth otieko luwo.

Isaya 61:3

Miyo ji ma joywak i Zayon, kisangala gi forok i kabedo pa rem, mo ma wir i kabedo pa ywak, bujwenge ma pak i kabedo ma cuny manyap. Kenyo nyaka wonyali lwoŋo jo ni olwa ka jotimo gim'otire, ma Rwoth won am'opidho, ŋey wonyali miyo go dwoŋ.

Isaya 65:18

To sangala win aka fore win cil gi cil, i gim'acweyo; kole neni, acweyo Yerusalem lapoŋ forok, aka ji mere jolabedo kisangala.

Yeremia 2:32

Wiy nyako nyalo wil gi pogo pere, kosa wiy mweha wil gi ruk pere? Kucel wiy ji paran owil kodan, ma hongo malac.

Ezekiel 42:14

Ka jocway ri Were i wi migam jodonjo i Kabedo Maleŋ, jokiripi wok i diedipo ma woko ma jok'olunyo woko law ma joruko kwoŋbedo jobedo maleŋ. Joripo ruko nangin man mafodi jok'ocore cegin gi kama ji jocokere iye.

Habakuk 3:18

Kucel alafore i Rwoth; alakisangala i Were, jaboth paran.

Zekaria 10:7

Efrayim labedo matek paka cwo ma jomeni, cuny jo lakisangala paka gi vini. Nyithindho pajo jolaneno to josangala, cuny jo lafore i Rwoth.

Zekaria 3:5

Kenyo awaco ni, “Weyi wokethi junga m'olony i wiye.” Ameno okethi junga m'olony i wiye t'iruko go gi nangin, aka malaika pa Rwoth oyido ocungo cegin.

Luka 15:22

To bamere olwoŋo jotic pere munyo waco ni, ‘Redi win! Keli win ruk mabeyo je wirwaki rigo. Rwaki win rigo peta i lwet cinge gi war i tiende;

Joroma 13:14

Kucel ruki win Rwoth Yesu Kristo, aka wikiri wiwey hola ri del, ma timo awanya mere.

Joroma 14:17

Kole Ker pa Were k'obedo nyaka cemo gi oro gir'amadha, t'obedo tiro kodi siem kodi kisangala i Cuny Maleŋ.

Joroma 3:22

Were ketho ji i tiro kwoŋ yeyo pajo i Yesu Kristo ayino. Were timo gime ri ji je ma joyeyo Kristo, rupiri pokirok ongoye.

Joroma 5:11

To ki meno kende; wasangala i Were kwoŋ Rwodhiwan Yesu Kristo, ma pama odwoko wan i tiyirok gi Were.

Jogalasia 3:27

Ato wijoje ma wilimo batisimo i Kristo, onyo wiruko kwoŋ win Kristo won gipi.

Jofilipi 3:9

ŋey abedi i go. Aka adoko akibedi gi tiro paran won, i royo ma kuro Cik, to pama anitie gi tiro ma wok bongi Were, aka ma cungo kwoŋ yeyo Kristo.

Jofilipi 4:4

Sangala win i Rwoth noknok; adoko awaco ni sangala win!

1 Petero 1:8

Wimaro go kada fodi wikineno go; wiyeyo go, kada pama wikinen go; aka winigi kisangala ma didwoŋ ma kiwacere,

Menyirok ri Yohana 21:2

Gikenyo aneno Tindi Maleŋ, Yerusalem manyen, munyo loro piny wok i polo bongi Were, m'oyik maŋon paka mweha m'orukere maŋon ka yikere romo gi rwoth pere.

Menyirok ri Yohana 21:9

Acel kwoŋ jomalaika abirio m'onwaŋo jonitie kodi atewe abirio ma thoyamo opoŋ'iye obino bongan to waco ni, “Biye anyuthin Mweha, cipa Nyathi rombo.”

Menyirok ri Yohana 4:4

I thac m'othoko kom no onwaŋo nitie kombere piero ario g'aŋwen man, ma jodongo piero ario g'aŋwen i ruk matar jobed'iye, aka joruko sangaria ma zahabu i wiy jo.

1 Samwiri 2:1

Hana okwayo ama: “Cunyan yodere i Rwoth; Neni paka asangala ro gima go otimo ran! Anyero jokwor paran; kwoŋbedo afore i both perin!