Isaya 61:1 - KITAWO MALEŊ

¹ Cuny pa Rwoth Were nitie kwoŋan, kwoŋbedo Rwoth owiran gi mo, ooran kelo wac manyen maber ri ji m'idiyo, yomo cuny joma cuny jo otur, tito gonyirok pa joma jonitie i twec, gi gonyo joma jotudere.

KITAWO MALEŊ Catholic

¹ Cuny pa Rwoth Were nitie kwoŋan, kwoŋbedo Rwoth owiran gi mo, ooran kelo wac manyen maber ri ji m'idiyo, yomo cuny joma cuny jo otur, tito gonyirok pa joma jonitie i twec, gi gonyo joma jotudere.

Isaya 61:1 ပူးပေါင်းရင်းမြစ်များ

Zabuli 102:20

Owinjo kiuja pa jotwec, aka ogonyo jono m'oyido joripo tho;

Zabuli 147:3

Go botho ji ma cuny gin otur, to tweyo adholin pajo.

Zabuli 149:4

Kole Rwoth limo kisangala i ji pere, go miyo dwoŋ ri jomamwol gi loyo.

Zabuli 2:6

Rwoth waco ni, “Atieko ketho kere paran wi got maleŋ Zayon.”

Zabuli 22:26

Jocandi jolacemo to joyeŋ, jono ma jorango Rwoth jolapako go! Weyi jowoyindira i kisi gima jotimo.

Zabuli 25:9

Go telo ji ma jomwol timo gim'otire, aka fonjo jo yo pere.

Zabuli 34:18

Rwoth bedo cegin gi jono ma cuny gin otur, go botho jono ma jongoye gi geno.

Zabuli 45:7

aka imaro gim'otire t'idak kidakana. Riameno Were, Were perin otieko yerin, aka omiyin kisangala maloyo, m'omiyo kerin man.

Zabuli 51:17

Cowirok ma sangala Rwoth, obedo cuny ma tur, cuny m'otur aka mamwol, Awi Were, ikicay.

Zabuli 68:7

Awi Were, munyo itelo ji perin, munyo iŋanjo i thim,

Zabuli 69:32

Weyi jom'odiy jowoneni to josangala; win ma wirango Rwoth, weyi cuny win wodwoki.

Kitawo mar'ario mapa Musa m'ilwoŋo ni Wok 28:41

Ikethi nangin me kwoŋ omin in Aron gi wote. Kenyo ilami jo aka ikethi ran jo gicen t'iwiro jo gi mo ŋey jowotiy ran paka jocway ri Were i wi migam.

Kitawo mar'ario mapa Musa m'ilwoŋo ni Wok 29:7

Kenyo kwany mo, ikonji i wiy go, aka iwir go.”

Isaya 29:19

Jomamwol jolanwaŋo kisangala i Rwoth, aka jocandi jolafore i Ŋataleŋ pa Isiraili.

Isaya 30:19

Adieri, awi ji ma Zayon, ma jobedo i Yerusalem, wikilaywak kendo. Adieri Rwoth lanyutho win wor i derino ma ywak mewin, ka go owinji, go ladwoko win.

Isaya 30:26

Dwe laliel paka waŋceŋ, aka waŋceŋ laliel dibirio loyo paka liel, paka ceŋ ma ndelo ario i ndelo acel, i ndelo ma Rwoth otwey to cango adhola m'omiyo ji pere gi goco pere.

Isaya 32:7

Gilweny pa ŋata bukony obedo ma kidakana, go timo atoŋa pere marac, reyo woko ji ma jonitie i litho, makada nende ŋata bu gimoro luw gim'otire.

Isaya 40:9

Yerusalem, idhi wi got mabor, jamikwenda ma wac maber ri Zayon tiŋi dwondin malo gi meni. Awi Yerusalem, jamikwenda ma wac maber, tiŋi dwondin malo, ikir'ilwor; wac ri tindin madongo ma Yuda ni, “Were mewin ee!”

Isaya 42:1

Neni ŋeca paran ee, m'athielo, dhano paran m'ayero, ma cunyan sangala gine, atieko ketho cuny paran kwoŋe, go lakelo tiro ri nonin.

Isaya 42:7

Ma yawo waŋ jo m'otho ma fudho jotwec ma jonitie i mudho, ma gonyo wok i katwec jono ma jonitie i colo.

Isaya 48:16

Core win cegin kodan, winji win gime! Wok i cakirok akiluwo aponda, aka je timere ma an bende aneno. Aka onyo pama Rwoth Were ooran gi Cuny pere.

Isaya 49:9

Awaco ri jotwec ni, ‘Kadhi win.’ Awaco ri jono ma jonitie i mudho ni, ‘Wok win woko i lero.’ Jolacemo i yo malomalo, jolacemo kiri i wi tendere maler.

Isaya 52:7

Nga ŋon wi gote, masembo pa jamikwenda ma tuco wac maber, ma tuco siem, kelo wac maber ma bero, tuco both, aka waco ri Zayon ni, “Were perin dhumo.”

Isaya 52:9

Mwoc dwondi win kanyacel gi wer, win gundin ma Yerusalem! Kole Rwoth otieko yomo cuny ji pere, go otieko botho Yerusalem.

Isaya 57:15

Kole Jamalo swa, ŋataleŋ waco, go makwo cil gi cil, ma nyinge Leŋ. Abedo kam'oŋawere, kamaleŋ, gi jono bende ma joŋuto aka jobwonere i cuny, dwoko cuny jomamwol, gi dwoko cuny joma ŋuto reco.

Isaya 57:18

Atieko neno yo pajo, to alacango jo; alatelo jo, aka alayomo cuny joma ywak miyo ji pere ma ywak nyero.

Isaya 59:21

Aka ri an, Rwoth waco, me cikirok paran gi jo. Cuny paran nitie kwoŋ win, aka wac paran m'atieko ketho i dhok win kilaeye i dhok win, kosa i dhok nyithindho mewin, kosa dhok nyikway win, wok pama kadho yuwaŋe gi cil gi cil.

Isaya 66:2

An, aŋat'acweyo gigipiny me gi cingan, aka je jobedo aparan, Rwoth waco. To me a ŋat'aladwaro, ŋata mwole aka bwonere i cuny ma kirin i wac paran.

Yeremia 34:8

Wac pa Rwoth obino ri Yeremia, rumacen munyo kere Zedekia otieko timo cikirok gi ji ma Yerusalem, tuco gonyo

Yeremia 52:33

Ameno to Yehoyakin ketho gicen nangin pere ma katwec, aka kisi ndelo ma kwo pere noknok go ocemo i meza pa kere.

Daniel 9:24

“Oro piero ario dibirio, Were otieko luwo kwoŋ ji perin kodi tindi perin maleŋ, cowo raco kodi reco, kodi cwako reco, kelo tiro ma cil gi cil, kodi kelo i kare menyirok kodi jatuci wac Were, kodi wiro gi mo Kamaleŋ Loyo.

Hoseya 6:1

“Biye win, weyi wagiki win bongi Rwoth; kole go am'oyeco wan, aka go lacango wan; otieko rwadho wan piny, aka go latweyo riwan wonga.

Jolevi 7:35

Me adec pa Aron kodi wote, wok kwoŋ mic m'iwaŋo ri Rwoth gi mac, wok i ndelo ma go oketho jo tic paka jocway ri Were i wi migam pa Rwoth.

Mika 3:8

To ri an, apoŋ gi meni, gi Cuny pa Rwoth, kodi tiro aka atek, ma waco ri Yakobo komo pere, kodi ri Isiraili reco pere.

Matayo 11:5

Joma waŋ gin otho joneno, jom'oŋol jowotho, jodhowo jolony, joma ithi gin otho jowinjo, aka jom'otho icerino jo, aka ifonjo jocandi Wac Manyen Maber.

Matayo 3:16

Tekin otiek kibatisa Yesu, owok i pi, gikenyo polo oyawere rigo aka oneno Cuny Maleŋ loro piny i cal p'akuru to pie kwoŋe.

Luka 7:22

Riameno odwoko jo ni, “Kidhi wiwaci ri Yohana gima witieko neno gi winjo: Joma waŋ gin otho joneno, jom'oŋol jowotho, jodhowo kwoŋ gin lony, joma ithi gin otho jowinjo, jom'otho jocerino, jocandi ifonjo jo Wac Manyen Maber.

Yohana 1:41

Gikenyo Andereya onwaŋo Simon, omin go, to waco rigo ni, “Wanwaŋo Mesiya.” (Wac me dwoŋ mere ni Kristo).

Yohana 3:34

Ŋata Were ooro, luwo wac pa Were, rupiri Were miyo go Cuny Maleŋ m'opoŋ ma k'obuyo.

Tim pa Jomoor 10:38

Paka Were okonjo kwoŋ Yesu ma Nazareth Cuny Maleŋ kodi meni; paka go okidho kamoro je munyo timo bero gi botho joma two je m'onwaŋo jonitie i acanda pa jwogi, rupiri Were oyido nigi go.

Tim pa Jomoor 26:18

ni iyaw waŋ jo jowonyal wirok wok i mudho donjo i lero kodi wok i meni pa Sitan bino bongi Were, ŋey jowonyal limo cwaki kwoŋ reco pajo to jolimo kabedo i dier joma Were oyero munyo joyeyan.’ ”

Tim pa Jomoor 4:27

Kole adieri Herode kodi Ponsio Pilato joromo kanyacel i tindi me gi Jopath kodi ji ma Isiraili ma cano timo reco ri Yesu, Jatic perin Maleŋ, m'iwiro gi mo.

2 Jokorintho 3:17

Onyo Rwoth, i luwo me, obedo Cuny; aka kama Cuny pa Rwoth niye, siem bedo kenyo.

2 Jokorintho 7:6

To Were ma dwoko cuny jom'obwok, odwoko cuny wan gi bino pa Tito.

Joebulaniya 1:9

Imaro gim'otire aka idaki reco, am'omiyo Were, ma Were perin, owirin gi mo ma kisangala to miyin dwoŋ ma kalo ma go omiyo jowotin.”