Isaya 6:10 - KITAWO MALEŊ

¹⁰ “Loki paro pa ji mamiŋ, cul ithi gin, neki waŋ gin, ŋey jokiri jowoneni gi waŋ gin, jokiri jowowinji gi ithi gin, aka jokiri jowoniaŋ gi paro pajo, aka jowire wobothi jo.”

KITAWO MALEŊ Catholic

¹⁰ “Loki paro pa ji mamiŋ, cul ithi gin, neki waŋ gin, ŋey jokiri jowoneni gi waŋ gin, jokiri jowowinji gi ithi gin, aka jokiri jowoniaŋ gi paro pajo, aka jowire wobothi jo.”

Isaya 6:10 ပူးပေါင်းရင်းမြစ်များ

Zabuli 119:70

Cuny gin obomere paka bor, to anwaŋo kisangala i cik perin.

Zabuli 17:10

jongoye gi wor aka joluwo gi noro.

Zabuli 69:23

Weyi waŋ jo wolokere macol ma jokinyal neno; aka pier jo wokirin hongo je.

Kitawo mar'ario mapa Musa m'ilwoŋo ni Wok 10:27

Rwoth omiyo Farawo bedo gi wictek, aka k'onyalo weyo jo kadho.

Kitawo mar'ario mapa Musa m'ilwoŋo ni Wok 11:10

Musa gi Aron jotimo gir'aura me je ruwaŋ Farawo, to Rwoth omiyo go bedo gi wictek, aka k'oweyo Joisiraili weyo piny pere.

Kitawo mar'ario mapa Musa m'ilwoŋo ni Wok 14:17

Aka abino miyo Jomisir wictek to joluwo jo i nam, ŋey anwaŋ dwoŋ paran kwoŋ Farawo, jolweny pere, cawilin pere, kodi jogwey kayinin pere.

Kitawo mar'ario mapa Musa m'ilwoŋo ni Wok 7:3

T'abino miyo Farawo bedo gi wictek aka go k'owinjin makada nende anotim gir'anyutha gi gir'aura kweth i Misir. Kenyo abino kelo gir'acula matek i Misir to atelo nonin pa ji paran wok i lowo me.

Agecin 16:30

Dhano ma mbieto waŋe timo can ma kiber, aka ŋata kudo dhoke miyo gimarac timere.

Jafonji 3:3

Hongo ma neko, gi hongo ma cango, hongo ma turo, gi hongo ma geto.

Isaya 19:22

Rwoth lamiyo Misir gir'acula, to rumacen cango jo. Jolagik bongi Rwoth, aka go lawinjo kwayo pajo to cango jo.

Isaya 28:13

Riameno, wac pa Rwoth labedo rijo, nyikuta i wi nyikuta, bol i wi bol, wac i wiwaci.” Nyaka jowonyal kadho, to jopodho aŋey, jowotur, ocik rijo bwo, aka woter jo.

Isaya 29:10

Kole Rwoth okonjo kwoŋ win cuny ma nindo, go oumo waŋ win, jotuci wac Were, to umo wiy win, win ma wineno gima latimere yuwiye.

Isaya 29:14

Riameno, neni, atimo kendo gi dhier gi ji me, gigipiny ma miyo jo bwok aka gidhier. Rieko pa jorieko pajo larere, aka niaŋ pa joma niaŋ lapanere.”

Isaya 29:9

Miŋere win aka bedi win mamiŋ, rwenyi win aka weyi waŋ win wotho! Mer win, to ki gi vini; tangatanga win, to ki gi medho matek!

Isaya 44:18

Jokuya, jokiniaŋ; kole waŋ jo ocule, ŋey jokiri jowoneni, gi paro pajo je, ŋey jokiri jowoniaŋ.

Isaya 63:17

Awi Rwoth, raŋo imiyo warwenyo gi yo perin, aka iridho adundin mawan matek, ma wakinyali lworin? Dwoki, ro ŋecin perin, nonin ma jobedo alunja perin.

Yeremia 17:9

Ŋa manyalo niaŋ cuny dhano? Ongoye giman ma jatwodo, go two swa ma kinyal botho.

Yeremia 5:21

Mondo winji win gime, awi jomamiŋ ma jokiniaŋ, winitie gi waŋ win, to wikinen, winitie gi ithi win, to wikiwinji wac.

Yeremia 6:10

Anoluw gi ŋa t'amiyo gwokirok, ŋey jowonyal winjo? Neni, ithi jo ocule, jokinyal winjo. Wac pa Rwoth rijo obedo gima jocayo; jokisangala gine.

Ywakirok 3:65

Miy jo arama cuny, aka lam perin wopodhi kwoŋ jo.

Zekaria 11:15

Rwoth owaco ran kendo ni, “Kwany iloki aperin, gigipiny pa jakwath rombo mamiŋ.

Zekaria 7:11

To jokwero winjo, aka joyengo badi gin gi wictek, aka ithi gin obedo mapek ma jok'onyalo winjo.

Matayo 13:15

“Rupiri cuny jome olokere manwaŋ, ithi gin onyo kiwinji, aka waŋ gin jomiyo woko. Kole waŋ gin d'onyalo neno, odoko ithi gin d'onyalo winjo, kendo paro pajo d'onyalo niaŋ dwoŋ wac, to jogik bongan, aka ameno d'abotho jo.”

Yohana 12:40

“Were oculo waŋ jo to umo paro pajo, nike waŋ jo wokiri wonen, paro pajo wokiri woniaŋi gimoro, ŋey jokiri jowonyal gik bongan, ni aboth jo.”

Tim pa Jomoor 28:27

Kwoŋbedo paro pa jome olokere mafol. Jotieko culo ithi gin, to jomiyo waŋ gin. Bedi k'ameno, waŋ gin d'oneno gimoro, odoko ithi gin d'owinjo wac, aka cuny jo d'oniaŋ gimoro. Ameno di jonyalo wirok bongan to jolimo both.”

Tim pa Jomoor 3:19

Am'omiyo, ŋuti win reco mewin wigik bongi Were, ŋey reco mewin worey woko, aka ŋey hongo ma kelo lothi manyen wok bongi Rwoth wobin riwin,

2 Jokorintho 2:16

Ri joma jorwenyo woko, wacal ŋwece ma kelo tho; to ri joma ibotho, wacal ŋwece kur ma kelo kwo. Onyo ŋa ma dinyal tic me?

Kitawo mar'abic mapa Musa m'ilwoŋo ni Cik 2:30

To Kere Sihon ma Hesibon k'oyeyo wan luwo, kole Rwoth Were mewin otweyo adundo pere kodi cunye matek ŋey womiy go i cingi win, paka otieko timo pama.

Kitawo mar'abic mapa Musa m'ilwoŋo ni Cik 29:3

Thoyamo madongo ma wineno gi waŋ win, ranyuth kodi gir'aura madongo no.

Kitawo mar'abic mapa Musa m'ilwoŋo ni Cik 29:4

To Rwoth fodi k'omiyo win paro ma niaŋ, kosa waŋ win ma neno, kosa ithi win ma winjo, kiri konon.

Kitawo mar'abic mapa Musa m'ilwoŋo ni Cik 31:20

Kole k'atieko kelo jo i lowo m'aciko kwarere pajo, ma mol gi cak kodi mo kic, ka jotieko cemo gi yeŋo, jolawire bongi werin man tiyo rijo, cayan kodi turo cikirok paran.

Kitawo mar'abic mapa Musa m'ilwoŋo ni Cik 32:15

Yesurun meno nyingi Yakobo man, opoŋ aka ogwenyere, okelo del aka cwe, ojwango Were m'ocweyo go, aka oŋalo Tele ma both pere.