Isaya 59:1 - KITAWO MALEŊ

¹ Neni, cingi Rwoth kicek ma kinyal botho, kosa ithe k'ocule ma kinyal winjo.

KITAWO MALEŊ Catholic

¹ Neni, cingi Rwoth kicek ma kinyal botho, kosa ithe k'ocule ma kinyal winjo.

Isaya 59:1 ပူးပေါင်းရင်းမြစ်များ

Cakirok 18:14

Nitie gimatek ri Rwoth? I hongo m'oyerere abino dwoko bongin i oro ma bino, aka Sara bino bedo gi nyathi majayac.”

Zabuli 94:9

Were m'ocweyo ithi ji, go kiwinji? Go m'otimo waŋ ji, kinen?

Isaya 50:1

Me apaka Rwoth waco, Wiparo ni ariemo woko ji paran, paka jacwo ma riemo woko cege? Nikune, ere papila ma turo nywomirok? Wiparo ni atana win i twec, paka jacwo tana nyithindho pere paka ŋecin? Neni, wikadho bedo i twec ro reco mewin; aka ro kibenga mewin oriem min win.

Isaya 50:2

Raŋo munyo abino akinwaŋo dhano? Raŋo munyo alwoŋo, ongoye ŋat'odwoko? Cingan cek ma kinyal botho? Kosa angoye gi meni ma botho? Gi or paran athwo woko nam, aloko malawin opalipat; rec pajo joŋwe ro ngoye pa pi, aka jotho ro riyo.

Isaya 58:9

Kenyo ka wikwayo, Rwoth ladwoko win, wilaywak ri kony, aka go ladwoko ni, An e. Ka wikwanyo woko okol i dier win, cimirok gi lwet win, gi luwo gimarac,

Isaya 6:10

“Loki paro pa ji mamiŋ, cul ithi gin, neki waŋ gin, ŋey jokiri jowoneni gi waŋ gin, jokiri jowowinji gi ithi gin, aka jokiri jowoniaŋ gi paro pajo, aka jowire wobothi jo.”

Isaya 63:1

Me ŋa ma bino wok i Edom, wok i tindi madwoŋ Bozra gi nanga m'ocido m'obokere? Ŋa me m'orukere swa, ŋanjo gi meni ma teko pere? Obedo an, ma langa loyo pere, aka nigi meni ma botho.

Isaya 65:24

Kiri mafodi jok'olwoŋan, aladwoko jo, mafodi jok'ocowo luwo alawinjo.

Yeremia 14:9

Raŋo ibedi paka ŋat'opodhi kwoŋe abwap, paka jalweny apondi ma kinyal miyo kony? Kucel in, awi Rwoth, initie i dier wan, aka walwoŋere gi nyingin; ikir'ijwangi wan!

Yeremia 32:17

Awi Rwoth Were, Obedi in iŋat'icweyo polo kodi piny gi meni perin madwoŋ kodi cingin m'oyare! Ongoye gimatek rin swa.

Ezekiel 8:18

Riameno alatimo i keme, akilaŋiyo jo gi waŋan ma wor, kosa ak'onyuthi jo wor; aka makada nende joywak i ithan gi dwondi jo malo, akilawinjo.”

Mika 2:7

Gime ber ni wowaci, a ot pa Yakobo? Cuny pa Rwoth kibedi moth? Me a tim pere? Waci pere kitim bero, ri ŋata timo gim'otire?

Kwan 11:23

Rwoth openjo Musa ni, “Meni pa Rwoth nok? Onyo ilaneno k'inen obedi adieri kosa be.”

Matayo 13:15

“Rupiri cuny jome olokere manwaŋ, ithi gin onyo kiwinji, aka waŋ gin jomiyo woko. Kole waŋ gin d'onyalo neno, odoko ithi gin d'onyalo winjo, kendo paro pajo d'onyalo niaŋ dwoŋ wac, to jogik bongan, aka ameno d'abotho jo.”

Joebulaniya 7:25

Am'omiyo, go nyalo botho kicutho joma kidho bongi Were kodi bonge, rupiri go kwo cil gi cil ma pido gi Were rijo ndelo je.

1 Samwiri 4:3

Munyo lweny okwe, to Joisiraili ma joboth jodok Ebeneza, jotel pajo jopenjere ni, “Raŋo Rwoth konon oyeyo Jofilistia nyalo wan! Weyi wakidhi waomi Kakan ma Cikirok pa Rwoth wok Silo, wotel wan aka wobothi wan i cingi jokwor mawan.”

1 Samwiri 8:18

Aka ka hongo no otundi wilakiŋunyaŋunya gi gwayo kwoŋbedo kere mewin ma wiwegi wiyero; to Rwoth kiladwoko win.”