Isaya 57:17 - KITAWO MALEŊ

¹⁷ Amako nge gi jo ro awanya gi reco pajo, amiyo jo gir'acula, apondo rijo aka oyido amako nge; to jomedo gik cen i yo ma cuny jo wegi.

KITAWO MALEŊ Catholic

¹⁷ Amako nge gi jo ro awanya gi reco pajo, amiyo jo gir'acula, apondo rijo aka oyido amako nge; to jomedo gik cen i yo ma cuny jo wegi.

Isaya 57:17 ပူးပေါင်းရင်းမြစ်များ

Jafonji 6:9

Ber swa gima waŋ neno loyo awanya ma waya; me bende obedo pilok gi riemo koyo.

Isaya 1:4

Awi, piny m'opoŋ gi reco, ji mareco pajo pek rijo. Kodhi ma jotimo gimarac, nyithindho ma jodakana, jotieko jwango Rwoth, jotieko cayo Were maleŋ pa Isiraili, jotieko rwenyo kicutho!

Isaya 2:7

Lowo pajo opoŋ gi feza gi zahabu, aka lim pajo ongoye gike. Lowo pajo opoŋ gi kayinin, aka cawilin pajo ongoye gike.

Isaya 42:24

Ŋa m'omiyo Yakobo ri janyeki, gi Isiraili ri jokwo? K'obedo Rwoth, ma watieko timo reco kwoŋe, k'obedo go ma jok'onyalo woth i royo pere, ma bende jok'onyalo kuro or pere?

Isaya 45:15

Adieri, ibedo Were ma panere, Awi Were pa Isiraili, Jaboth.

Isaya 56:11

Gwokere jothoth gi woro, to jokinwaŋ gima romo jo. Jokwath bende jokiniaŋ, joje jowire i yo pajo wegi, kisi acel i magowa pere won, acel aka joje.

Isaya 64:9

Awi Rwoth, ikir'imaki nge tektek, aka ikir'ipoy reco cil gi cil. Neni, dew ni wajoje wabedo ji perin.

Isaya 66:3

Ŋata thumo mirikwa cale gi ŋata neko dhano, ŋata ma miyo cowirok ma rombo, cale gi ŋata turo ŋuti gwok, ŋata miyo mic ma cemo manyinge, cale gi ŋata miyo cowirok ma remo mbiji; ŋata timo mic ma rapoy ma buban, cale ŋata miyo cal makicar silwany. Jome joyero yo pajo wegi, aka cuny gin siemere i mienirok pajo.

Isaya 8:17

Alakuro Rwoth, go ma pano waŋe kwoŋ ot pa Yakobo, aka alaketho geno paran i go.

Isaya 9:13

Ji jok'ogik bongi go m'ogoyo jo, kosa jok'orango Rwoth pa lwak jolweny.

Yeremia 2:30

Atieko rwadho nyithindho mewin piny; jokwero winjo fonji. Abor mewin wegi ocamo woko jotuci wac were mewin paka simbwor ma reyo woko jo.

Yeremia 22:17

To waŋin kodi adundo perin nitie nyaka i magowa perin ma k'adieri, ma oyo remo pa ji ma nono, kodi ri tim ma diyo ji gi gwayo.

Yeremia 3:14

Dwoki win, awi nyithindho ma jobanirok. Rwoth waco. Rupiri abedo jadwoŋ mewin. Alakwanyo win, acel wok i tindi madwoŋ kodi ario wok i nono, aka alakelo win i Zayon.

Yeremia 3:22

Dwoki win, awi nyithindho ma jobanirok, alacango banirok mewin.” E wabino bongin; kole ibedo Rwoth Were mawan.

Yeremia 5:3

Awi Rwoth, waŋin kinen adieri? Itieko rwadho piny jo, to jok'owinjo litho; itieko neko jo, to jok'owinjo fonji. Jotieko loko waŋ jo matek loyo tele; jokwero ŋuto.

Yeremia 51:13

Piny manitie gi malawin kweth kodi cwe kweth, gike perin otieko tundo, thol ma kwo perin oŋadi woko.

Yeremia 6:13

Kole wok kwoŋ jomathindho tundo i jomadongo kwoŋ jo, kisi dhano obedo jaworo ri magowa ma k'otire; aka wok i jatuci wac Were tundo i jacway ri Were i migam, kisi dhano je obedo jabanirok.

Yeremia 8:10

Riameno alamiyo mon pajo ri joman kodi ndelin pajo ri joma laloyo jo gi meni, rupiri wok i jomathindho tundo i jomadongo kisi dhano je jaworo ri magowa ma k'otire; wok kwoŋ jatuci wac Were tundo kwoŋ jacway ri Were i wi migam kisi dhano timo gikomo.

Yeremia 8:6

Atieko ciko ithan t'awinjo, to jokiluwi g'adieri; ongoye ŋata ŋuto kidakana pere, ka penjere ni, Gimarac aŋo m'atimo? Joje jowire itimo gima jomito, paka kayina pa podho gi wiye kama lweny ogunj'iye.

Ezekiel 33:31

Jobino bongin paka ji jobino, jobedo ro nyim win paka ji paran, aka jowinjo wac mewin, to jok'owor jo. Kole jonyutho mar mathoth gi dhok jo, to cuny gin nitie i magowa pajo.

Luka 12:15

To medere waco ri jono ni, “Kure win, odoko gwokere win kwoŋ woro ma nger je, rupiri kwo pa dhano kicungi i thotho pa lim ma go nitie gine, kada bedi ni go nigi ma kalo ma go yenyo.”

Jokolosia 3:5

Am'omiyo, wiripo neko woko awanya ma delkwoŋ win paka cot, kidakana, timo giwickwot, awanya mareco, gi woro (m'obedo lamo cal makicar).

1 Timothe 6:9

To joma jomito ŋaŋo jopodho i karatem to jomoko i bwo pa awanya. Aka jodonjo iy'awanya ma miŋo ma kelo litho, ma tero ji i nyekirok kodi i rerok woko.

2 Petero 2:14

Gi waŋ gin ma neno gimoro gi cot, jogomba kisi dhako ma joneno. Awanya pajo ma timo gimarac kikwe; jodwoŋo joma nyap, aka joŋiyo timo woro. Jobedo ji m'otiek kwoŋo!

2 Petero 2:3

I woro pajo, jofonji ma twodo me jobino cemo kwoŋ win gi kigana ma wegi jocwogo. Banja pajo otiek yiko thumo wok con, aka rerok pajo bende ki nibor to nicegin.