Isaya 57:13 - KITAWO MALEŊ

¹³ Ka winogoy koko, weyi cal makicar mewin ma wicoko jowobothi win! Koyo latiŋo woko, luya won lakudho jo. To ŋata pondo i an, lalimo lowo, to lunjo got paran maleŋ.

KITAWO MALEŊ Catholic

¹³ Ka winogoy koko, weyi cal makicar mewin ma wicoko jowobothi win! Koyo latiŋo woko, luya won lakudho jo. To ŋata pondo i an, lalimo lowo, to lunjo got paran maleŋ.

Isaya 57:13 ပူးပေါင်းရင်းမြစ်များ

2 Kerin 3:13

Elisa openjo kere ma Isiraili ni, “Raŋo akonyin? Kadhi bongi jotuci wac Were ma benin kodi yokin jopenjo.” Yehoram odwoko ni, “Be, obedo Rwoth ama olwoŋo kerin adek me miyo jo i cingi Jomowab.”

Yobu 21:18

Didi ma jocale kanja i koyo, kosa paka cuŋ m'asur tiŋo?

Zabuli 1:4

To jokidakana jokical ameno jocale yuk ma koyo kwadho woko.

Zabuli 118:8

Ber pondo i Rwoth, loyo ketho geno i ji.

Zabuli 125:1

Joma joketho geno i Rwoth jocale got Zayon, ma kiyengere, to ridhere cil gi cil.

Zabuli 37:11

To ji mamwol jobino lunjo lowo, jolawinjo cwe mere gi siem.

Zabuli 37:22

Kole jono ma Rwoth omiyo jo silwany jobino limo lowo, aka jono ma go okwoŋo ibino riemo woko.

Zabuli 37:29

Ji ma jotimo gim'otire jobino limo lowo to jokwo i iye cil gi cil.

Zabuli 37:3

Kethi geno i Were, aka tim bero, ŋey ikwo i piny m'ongoye teko.

Zabuli 37:34

Kethi geno perin bongi Rwoth aka luw Or pere, go bino miyin dwoŋ to miyin lowo, aka ibino neno k'iriemo jokidakana.

Zabuli 37:9

Jono ma joketho geno i Rwoth jobino lunjo lowo ma Rwoth ociko, t'ibino riemo jokidakana woko.

Zabuli 58:9

Mafodi jokuya, i ŋolo jo pa doy; i keme pere, Were lakudho jo woko kafodi jokwo.

Zabuli 84:12

Awi Rwoth pa lwak jolweny, josilwany a jono ma jogeno i in!

Agecin 28:25

Jaworo kelo teko, to ŋata geno Rwoth laŋaŋo.

Isaya 11:9

Jok'omiy litho kosa rerok wi got maleŋ paran je. Piny lapoŋ ŋeyo Rwoth paka pi umo nam.

Isaya 14:32

Aŋo ma dhano odwoki jomikwenda ma piny? Rwoth otieko nwaŋo Zayon, aka i go ji pere ma jodamba, jolanwaŋo kapondo.

Isaya 25:4

Kole itieko bedo kapondo ri jocandi, kapondo ri ŋata bu gimoro i teko pere, kabwok kwoŋ koth gi tipo kwoŋ lietho; ka derino pa jomaker cal asur ma cwir.

Isaya 40:24

Ipidho jo m'okele okele, ocwoy jo m'okel okel, ma tiendi jo fodi k'odonji i lowo maber, ka go okudho jo woko, to joner, aka asur sira gi jo malo paka kanja.

Isaya 41:16

Wilapiedho jo to koyo kudho jo, aka asur lakedho jo. Nyaka to wifore i Rwoth, wilalimo dwoŋ i Ŋataleŋ pa Isiraili.

Isaya 45:20

Cokere win aka wibin, core win cegin kanyacel, win ma wiboth i kisi piny! Ongoye gima joŋeyo, jono ma jotiŋo cal makicar pajo ma mbawo, aka jokwayo were ma kinyal konyo jo.

Isaya 49:8

Me apaka Rwoth waco, “I hongo ma ŋono atieko dwokin, itieko ndelo ma both akonyin, atieko kurin t'amiyin, paka cikirok ri ji, ma cako piny, ma poko lim m'ojwangere.

Isaya 56:7

Alakelo jo wi got paran maleŋ, t'amiyo jo kisangala i ot paran ma kwayo. Alajolo mic awaŋa pajo gi cowirok pajo i wi migam paran. Kole ot paran ilalwoŋo ni ot ma kwayo ri ji je.

Isaya 60:21

Ji perin je jolabedo jom'otire, aka jolabedo gi lowo cil gi cil. Jobedo kolo m'apidho, tic ma cingan, ŋey anyal limo dwoŋ.

Isaya 65:11

To win, ma wijwango Rwoth, ma wiy win wil gi got paran maleŋ, aka wijengo meza ri Gad gi Meni, werin ma silwany gi lifol, to wipoŋo kikopere ma vini m'oruw.

Isaya 65:25

Arara gi nyathi rombo jolacemo kanyacel, simbwor lacamo kanja paka dhok, to cemo pa thwol labedo fukefuke! Jok'omiy litho kosa reyo, wi got paran maleŋ je, Rwoth waco.

Isaya 65:9

Alayero nyikway Yakobo, aka nyikway Yuda jolalunjo gote paran. Ji paran m'ayero jolalunjo, aka ŋecin paran jolabedo kenyo.

Isaya 66:20

Jolakelo wade perin je wok i piny man paka mic ri Rwoth, i wi kayinin gi cawilin, i ywel kodi i nyithindhi kayina, i wi ŋamia, to jotero wi got paran i Yerusalem, paka Joisiraili jokelo mic ma cemo manyinge iy'atawo m'olony i Ot pa Rwoth.

Yeremia 2:28

To nikune werin mewin ma witimo ma konyo win? Weyi jowobin, ka jonyalo botho win, i hongo mewin ma teko; kole winitie gi werin kweth paka winitie gi tindin madongo, awi Yuda.

Yeremia 22:20

Ji ma Yerusalem, kidhi win kiri Lebanon, aka wiywak, aka wigoy ndur i Basan; ywak win wok Abarim, rupiri joma wimaro otiek ŋinyo jo woko.

Yeremia 22:22

Jotel mewin je koyo lakudho jo woko, aka joma wimaro jo jolakadho i twec; nyaka to wickwot kodi lworo mako win kwoŋbedo kidakana mewin je.

Yeremia 30:14

Jomitirok mewin je wiy jo owil gi win; jokipar kada kwoŋ win. Kole atieko monjo win paka jakwor, gir'acula mewin obedo magway, kwoŋbedo kidakana mewin madwoŋ.

Ezekiel 20:40

Kole wi got paran maleŋ, got mabor pa Isiraili, Rwoth Were waco, kenyo ot pa Isiraili gibe, joje, jolatic ran i lowo no. Koro alayeyo jo, aka koro alamito mic mewin kodi mic mewin maber loyo, kodi gigipiny mewin maleŋ je.

Hoseya 13:3

Riameno jolacale tor m'odikin, kosa paka thoyo maleny woko con, paka cuŋ ma duny wok i kapiedhirok, kodi paka yiro ma wok gi dirisa.

Yowel 3:17

Wilaŋeyo nike An, Rwoth Were mewin, abedo i Zayon, got ma leŋo paran. Yerusalem labedo Kabedo Maleŋ, aka jokicar jok'oluw'iye kendo.

Zekaria 7:13

Aka paka go olwoŋo, to jok'onyalo winjo, ameno munyo jolwoŋo, go k'onyalo winjo, Rwoth pa lwak jolweny waco.

Jothum Banja 10:14

Kadhi wiywak win ri werin ma witieko yero; weyi jowobothi win wok i litho mewin.”