Isaya 55:2 - KITAWO MALEŊ

² Raŋo wioro pesa ri gima k'obedo cemo, gi meni mewin ri gima kiyeŋ win? Winjan win maber, aka wicam gimaber, to wiyodere gi cemo ma dicwe.

KITAWO MALEŊ Catholic

² Raŋo wioro pesa ri gima k'obedo cemo, gi meni mewin ri gima kiyeŋ win? Winjan win maber, aka wicam gimaber, to wiyodere gi cemo ma dicwe.

Isaya 55:2 ပူးပေါင်းရင်းမြစ်များ

Zabuli 22:26

Jocandi jolacemo to joyeŋ, jono ma jorango Rwoth jolapako go! Weyi jowoyindira i kisi gima jotimo.

Zabuli 34:11

Biye win, merin paran ma soye, aka wiwinjan, abino fonjo win lworo Rwoth.

Zabuli 36:8

Wacamo cemo kweth m'imiyo wan, imiyo wan medho wok i malawa ma bero perin.

Zabuli 63:5

Adundo paran lacemo to yeŋ, aka dhokan lapakin gi wer mamit.

Kitawo mar'ario mapa Musa m'ilwoŋo ni Wok 15:26

ka waco ni, “Ka winowinjan kicutho gi timo gim'atero ni otire kodi luwo or paran, akibino miyo win gir'acula ma two m'akelo kwoŋ Jomisir. An abedo Rwoth ma botho two mewin.”

Agecin 1:33

To jono ma jowinjan jolabedo maber. Teko k'omaki jo, m'ongoye lworo raco.”

Agecin 7:23

cuka asere cwowo gigipiny ma iye. Go cal winyo ma rure i bwo, kiŋey ni latho.

Agecin 8:32

Riameno nyithindho, winjan win. Josilwany a jono ma jotimo gim'awaco.

Agecin 9:5

“Biye win, cami win mugat paran, to wimadho vini paran m'atieko ruwo.

Jafonji 6:2

Nyatoro je ma Were miyo go lim, ŋaŋo gi dwoŋ, ma kicandi gima kwo pere gomba, kucel Were kiyey go winjo cwe ma gigipiny me, to jakicar ama lawinjo cwe mere. Me bende obedo pilok, kodi litho marac.

Isaya 1:19

K'inen wiyere aka winowinjan, wilacamo gimaber ma wok i lowo.

Isaya 10:27

Aka i ndelo no peko pere langoye woko i gokin, aka bieto pere ilareyo woko i ŋutin ro peko mere.”

Isaya 25:6

Rwoth pa lwak jolweny latimo kalima ri nonin je wi got me, kalima ma cemo maleny, kalima ma vini ma loŋo, cemo maleny m'opoŋ'iye more, vini ma loŋo, m'okenera.

Isaya 44:20

Go pidhere gi buru, cuny ma komo otieko rwayo go, aka kinyal botho kwo pere kosa waco ni, “Gima nitie i cingan maracuc me k'obedo gitwodo?”

Isaya 46:6

Ji joyawo mugowa pesa pajo aka jokonjo zahabu, jopima feza i kilo. Jopangisa jandijo timo rijo were, aka jokule piny lamo.

Isaya 51:1

Winjan win, win ma widwaro both, win ma wirango Rwoth. Ŋiy win tele kama wiwok'iye, kam'iŋiny'iye telin m'okuny'iye win.

Isaya 51:4

Winjan win, ji paran, winji win gim'awaco, nono paran. Amiyo piny fonji paran, aka tiro paran kelo lero ri ji.

Isaya 51:7

Winjan win, win ma wiŋeyo tiro, win ma winigi fonji paran i cuny win, wikiri wilwor yet pa ji man, aka wikiri wilwor ka jowaco riwin gima ŋedho cuny win.

Isaya 62:8

Rwoth otieko kwoŋere gi cinge maracuc, gi bade ma meni ni, “Ak'omiy kendo ŋano mewin, wobedi cemo ri jokwor mewin, aka jokicar jokilamadho vini mewin, ma witieko oyo rigo kwok.

Isaya 62:9

To jono ma jopidho to jokeco jolacamo, to jopako Rwoth. Jono ma jopidho to jofono vini jolamedho, i diedipo ma ot paran.”

Isaya 65:23

Jokilatiyo manono, kosa nywol nyithindho to jolimo teko, Rwoth lamiyo nyithindho pajo, kodi nyikway jo silwany.

Yeremia 12:13

Jocwoyo ŋano to jokeco kudhin, jotieko olo, to jok'olimo gimoro. Wiy jo lakwot gi ranyak pajo kwoŋbedo nge pa Rwoth maliel.

Yeremia 17:24

To ka winowinjan, Rwoth waco, to wibedo ma wikikelo bieto moro gi waŋkace ma tindi madwoŋ me i ndelo ma sabato, to wikuro ndelo ma sabato paka gimaleŋ to wibedo ma wikitimo tic i ndelo no,

Yeremia 2:13

Kole ji paran jotieko timo reco ario: Jojwangan, waŋ pi ma pi ma kwo, to jokunyo kacoko pi rijo wegi, kacoko pi m'obare ma kinyal tiŋo pi.

Yeremia 31:14

Alamiyo jocway ri Were i wi migam gima jomito, aka ji paran jolayeŋo gi kweth gigipiny paran mabeyo. Rwoth waco.

Hoseya 12:1

Efrayim kwayo koyo, aka riemo koyo ma yuwok ceŋ ndelo gipi; jonyayo wac kicar g'akaka; jotimo cikirok gi Asiria, aka itiŋo mo tero Misir.

Hoseya 8:7

Kole jocwoyo koyo aka jolakeco asur. Kodhi m'ocungo ongoye withe, k'onyak cemo; bedi nyak, jokicar am'oyido jolacuto.

Habakuk 2:13

Kiwoki bongi Rwoth pa lwak jolweny, nike nonin jotiyo nyaka ma pidhere gi mac, aka nonin jolacere ri gim'ongoye?

Matayo 15:9

Jolaman gi wac nono, kwoŋbedo jofonjo or m'obedo apa dhan'adhana.’ ”

Matayo 22:4

Riameno go odoko ooro jotic man gi mikwenda me: ‘Waci win ri jom'olwoŋ ni atieko yiko kisi gimoro i kalima paran; megikwe paran kodi dhok ma cwe otiek neko, aka gimoro je onyo oyikere. Biye win i kalima ma nywomirok.’

Matayo 5:6

Josilwany a joma nitie g'awanya madwoŋ, ma timo gima Were yenyo, kole ibino yeŋo jo.

Mariko 7:14

Yesu odoko olwoŋo ji bonge to waco rijo ni, “Ciki win ithi win wijoje aka winiaŋ gim'akidho waco.

Luka 15:23

aka kidhi wikel rwath dhiaŋ ma cwe no wineki, aka weyi konon wacam kalima.

Yohana 6:27

Wikiri witiy ri cemo ma nyekere piyo; to tiyi win ri cemo ma yindira to kelo kwo makirum. Me a cemo ma Wod Dhano bino miyo win, rupiri Were Baba won otieko ketho kwoŋ go ranyuth ma ridho wac no.”

Joroma 10:17

Am'omiyo yeyo wok i winjo mikwenda, aka mikwenda wok i fonji kwoŋ Kristo.

Joroma 9:31

kareno Joisiraili m'onwaŋo jorango tiro cungo kwoŋ Cik, jok'onyalo kuro Cik nago.

Kitawo mar'abic mapa Musa m'ilwoŋo ni Cik 11:13

Ka winowinji kisi or pa Rwoth, m'amiyo win konon, maro Rwoth Were mewin, tiyo rigo gi cuny win je kodi adundo mewin je,

Joebulaniya 13:9

Wikiri wiyey fonji m'opokere ma k'otire woyway win wok i royo m'otire. Ber ka cuny wan onwaŋo meni wok i nema pa Were, makiweno i kuro cik ma mako kwoŋ cemo, ma kikony kada joma kuro cik ago.