Isaya 54:5 - KITAWO MALEŊ

⁵ Kole jacwec perin obedo cworin, Rwoth pa lwak jolweny obedo nyinge; Were Maleŋ pa Isiraili obedo Jaboth perin, ilwoŋo go ni Were ma piny gibe.

KITAWO MALEŊ Catholic

⁵ Kole jacwec perin obedo cworin, Rwoth pa lwak jolweny obedo nyinge; Were Maleŋ pa Isiraili obedo Jaboth perin, ilwoŋo go ni Were ma piny gibe.

Isaya 54:5 ပူးပေါင်းရင်းမြစ်များ

Yobu 19:25

Kole aŋeyo ni Jaboth paran kwo, aka ni rumacen go lacungo ran i piny.

Isaya 11:9

Jok'omiy litho kosa rerok wi got maleŋ paran je. Piny lapoŋ ŋeyo Rwoth paka pi umo nam.

Isaya 43:1

T'onyo pama Rwoth waco, ŋat'ocweyin, Awi Yakobo, ŋat'otimin, Awi Isiraili. Ikir'ilwor, kole atieko bothin atieko lwoŋin gi nyingin, ibedo aparan.

Isaya 43:14

Me apaka Rwoth waco, Jaboth perin, Ŋataleŋ pa Isiraili, Ro in aladhiro jolweny i Babilon, t'aturo woko nywenye je, aka koko pa Jokaldin lalokere kumo.

Isaya 45:11

Rwoth, Were Maleŋ pa Isiraili, aka jacwec pere waco, Wilapenjan kwoŋ nyithindho paran, kosa wilamiyan or kwoŋ tic paran?

Isaya 48:17

Rwoth, Jaboth mewin, aka Were Maleŋ pa Isiraili waco, Abedo Rwoth, Were mewin, ma fonjo win ro bero mewin, aka telo win i yo ma wiripo luwo.

Isaya 48:2

Wilwoŋere ni wibedo i tindi madwoŋ maleŋ, aka wigoŋere kwoŋ Were pa Isiraili, m'ilwoŋo ni Rwoth pa lwak jolweny.

Isaya 51:15

Kole Abedo Rwoth, Were mewin, ma tugila nam to koyo mere hola, Rwoth pa lwak jolweny a nyinge.

Isaya 54:8

I keme paran m'opoŋ de oy ma hongo macek, apano rin waŋan, to alamako kodin wor gi mar makiwire, Rwoth, Jaboth perin waco.

Isaya 6:3

Acel oyido lwoŋo nyawote to waco ni, “Maleŋ, Maleŋ, Maleŋ! Rwoth pa lwak jolweny! Dwoŋ pere opoŋ i piny gibe.”

Isaya 65:16

Kenyo kisi ŋata kwayo silwany i lowo, lakwayo gi Were ma timo adieri, aka kisi ŋata timo cikirok i lowo, latimo gi Were ma timo adieri, kwoŋbedo teko macon larumo aka kilapoyo.

Yeremia 10:16

Were pa Yakobo kicale jo; go ama timo kisi gimoro, aka go otieko yero nono ma Isiraili ni wobedi alunja pere; Rwoth pa lwak jolweny am'obedo nyinge.

Yeremia 3:14

Dwoki win, awi nyithindho ma jobanirok. Rwoth waco. Rupiri abedo jadwoŋ mewin. Alakwanyo win, acel wok i tindi madwoŋ kodi ario wok i nono, aka alakelo win i Zayon.

Yeremia 51:19

Were pa Yakobo k'obedo paka jo; go a ŋat'ocweyo kisi gimoro, aka Isiraili obedo nono mar'alunja pere; Rwoth pa lwak jolweny obedo nyinge.

Ezekiel 16:8

Aluwo kendo t'aneno nike oyido itieko thiko. Ayaro tiendi kanzu paran kwoŋin, t'aumo kinyoro perin. Atimo kodin cikirok ma nywomirok, Rwoth Were waco, aka ilokere aparan.

Hoseya 2:16

I ndelo no, Rwoth waco, ilalwoŋan ni, “Cworan.” Ma kiweno kendo ni, “Bal paran.”

Hoseya 2:18

Alatimo riwin cikirok i ndelo no g'ogwaŋe mager, winyin ma koyo, kodi gigipiny ma lak piny; alaturo woko asere, abor kodi lweny i piny; t'amiyo win nindo ma bu teko.

Zekaria 14:9

Rwoth labedo kere ma piny gibe; i ndelo no Rwoth labedo acel aka nyingi go acel.

Malaki 1:11

Ji wok i thenge ma piny tundo i gike jomiyo nyingan dwoŋ. Kisi kamoro jowaŋo ran buban aka jomiyan cowirok t'ajolo. Joje jomiyo nyingan dwoŋ, Rwoth pa lwak jolweny waco.

Luka 1:32

Go bino bedo ŋatadwoŋ, aka ibino lwoŋo go ni Wod pa Were Madwoŋ Maloyo; aka Rwoth Were bino miyo go kom ma ker pa Daudi, kwari mere.

Yohana 3:29

“Jamweha ama mweha bedo apere; jakony pa jamweha cungo ruŋete to ciko ithe wowinji gima timere, aka go sangala swa k'owinjo dwondi jamweha. Meno bende apaka kisangala paran onyo oromo.

Joefeso 5:32

Me obedo wac m'opondo madwoŋ swa, aka me onyo ageda k'akidho kwoŋ Kristo kodi kitipa pa jom'oyeyo go.

Yosuwa 3:11

Neni win, Kakan ma Cikirok pa Rwoth ma piny gipi kidho luwo ruwaŋ win donjo i Yordan.

Yosuwa 3:13

Ka par tiendi jocway ri Were i wi migam ma jotiŋo Kakan pa Rwoth, Rwoth ma piny gipi, ogey pi ma Yordan, pi ma mol wok yumalo bino ŋadere woko, to jocungo i kidhur acel.”

Menyirok ri Yohana 11:15

Gikenyo malaika mar'abirio okudho gwara pere, to dwondi nyatoro ma koko malo wok i polo, ka waco ni, “Meni Ma dhumo piny pama obedo apa Rwoth kodi Kristo pere, aka go bino dhumo cil gi cil!”