Isaya 54:3 - KITAWO MALEŊ

³ Ilayawo kew perin i thenge maracuc gi maracam, ji perin joladwoko i lowo, ma nonin man oyido jobed'iye. Ji jolabedo i tindin ma pama obedo gundin.

KITAWO MALEŊ Catholic

³ Ilayawo kew perin i thenge maracuc gi maracam, ji perin joladwoko i lowo, ma nonin man oyido jobed'iye. Ji jolabedo i tindin ma pama obedo gundin.

Isaya 54:3 ပူးပေါင်းရင်းမြစ်များ

Cakirok 26:22

Isaka oeye woko kenyo to kunyo waŋ pi man, aka k'okelo dhaw to go lwoŋo ni Rehoboth, ka waco ni, “Kole onyo pama Rwoth otieko miyo wan gonyirok aka walanyay ka.”

Cakirok 28:14

Nyikwayin jobino cale fukefuke ma piny. Jobino nyay i thenge gi thenge aka luwo kwoŋ jo abino miyo piny je silwany.

Cakirok 49:10

Yuda bino mako luth pa kere, aka nyikwaye wangi jobedo jodhum. Piny jobino kelo ri mic to jokule ruwaŋ go i wor.

Isaya 14:1

To Rwoth latimo wor gi Yakobo to yero Isiraili kendo, laketho jo i lowo pajo wegi; aka jopath jolabino bedo gi jo to joriwere gi ot pa Yakobo.

Isaya 14:2

Nonin jolakelo jo i kabedo pajo, aka ot pa Isiraili latero jo i lowo pa Rwoth paka ŋecin ma cwo gi ma mon. Isiraili lamako jono ma cango jomako jo, aka ladhumo jono ma cango jodiyo jo.

Isaya 26:15

To itieko miyo nono mawan omedere Awi Rwoth, itieko medo nono, ilimo dwoŋ, itieko loko malac kew je ma lowo.

Isaya 45:14

Rwoth waco ri Isiraili ni Lim ma Misir gi Ethopiya labedo mewin, aka cwo maboyo ma Seba jolabedo ŋecin mewin, jolaluwo win i lijegere, to jokule riwin piny ka jotuco ni, Were nigi win, aka ongoye man, ongoye were man kendo.

Isaya 48:19

Nyithindho mewin dinyo jobedo kweth paka kwoyo, to nyikway win jobedo mathoth paka nyingi cemo. Dinyo nyingi jo k'orere woko, kosa di k'orey woko jo ruwaŋan.

Isaya 49:12

Neni, ji paran jolawok bor swa, aka neni, jolawok yumalo gi yupodho ceŋ, gi wok i lowo ma Siyene yupiny.”

Isaya 49:8

Me apaka Rwoth waco, “I hongo ma ŋono atieko dwokin, itieko ndelo ma both akonyin, atieko kurin t'amiyin, paka cikirok ri ji, ma cako piny, ma poko lim m'ojwangere.

Isaya 52:9

Mwoc dwondi win kanyacel gi wer, win gundin ma Yerusalem! Kole Rwoth otieko yomo cuny ji pere, go otieko botho Yerusalem.

Isaya 53:10

Kucel obedo mito pa Rwoth ni go wolimi litho; to miyo go kumo, munyo olokere cowirok ma cwako reco, go laneno nyikwaye, go lamedo ndelo pere; aka luwo i go atoŋa pa Rwoth latundo i kare.

Isaya 55:5

Neni, ilalwoŋo nonin ma fodi ikiŋeyo, aka piny m'oyido k'oŋeyin laringo bino bongin, kwoŋbedo An abedo Rwoth, Were Maleŋ pa Isiraili, rupiri go otieko miyin dwoŋ.

Daniel 7:27

Kenyo ker, dhum kodi dwoŋ ma kerin i pendi polo gibe ilamiyo jomaleŋ pa Jamalo Swa ma ker pere obedo ker ma cil gi cil, aka ker je jolatic rigo kodi winjo go.

Joroma 10:18

To apenjo, obedo adieri ni jok'owinjo mikwenda? Kole jowinjo paka ndiko waco ni, “Derino ma dwondi jo olak i piny gipi, Wac pajo otundo i tum je ma piny.”

Joroma 11:12

K'inen gimarac pa Joyuda okelo silwany mathoth ri piny, aka podho pajo okelo ŋaŋo ri Jopath, onyo ka orwaki jo, silwany no bino thoth marom nedi?

Jokolosia 1:23

Ato wiripo medirok gi yeyo mewin, ma wiridhere aka wicwiny, ma wikiyengere i geno ma wilimo munyo wiwinjo Wac Manyen Maber. Me a wac ma wiwinjo aka otiek fonjo dhano je i piny, ma an Paulo, alokere jatic mere.