Isaya 51:5 - KITAWO MALEŊ

⁵ Alabino piyo botho jo, both paran nitie cegin. An won aladhumo ji. Piny ma thengi nam jokuran, jokuran adhum jo.

KITAWO MALEŊ Catholic

⁵ Alabino piyo botho jo, both paran nitie cegin. An won aladhumo ji. Piny ma thengi nam jokuran, jokuran adhum jo.

Isaya 51:5 ပူးပေါင်းရင်းမြစ်များ

Zabuli 110:6

Go bino thumo banja ri nonin, to poŋo kalweny gi delkwoŋ ji m'otho; go bino kikengila kerin je ma piny.

Zabuli 67:4

Weyi nonin jowosangala to jowero ro kisangala, kole in i thumo ri ji banja gi tiro t'ileko nonin ma piny.

Zabuli 85:9

Adieri go oyikere botho jono ma jobwonere rigo, ŋey dwoŋ pere wobedi i lowo mawan.

Zabuli 96:13

ka Rwoth obin dhumo piny. Go bino thumo banja ri piny je, gi tiro kodi adieri pere.

Zabuli 98:9

kwoŋbedo Rwoth bino dhumo piny. Go bino dhumo nonin ma piny, gi tiro g'adieri.

Isaya 11:11

I ndelo no Rwoth lacoro cinge kendo madirio dwoko peco ji pere ma joboth, wok i Asiria gi Misir, wok i Pathiros, wok i Ethopiya, wok i Elam, wok i Babilon, wok i Hamath, gi wok i kigoda ma nam.

Isaya 24:15

Riameno ji ma yuwok ceŋ miy win Rwoth dwoŋ, ji ma jobedo i thengi nam, pak win nyingi Rwoth, Were pa Isiraili.

Isaya 26:4

Kethi geno i Rwoth cil gi cil, kole Rwoth Were, obedo tele ma cil gi cil.

Isaya 33:2

Awi Rwoth, maki gi wan wor, wakurin. Bedi meni mawan kisi odikin, both mawan i hongo ma teko.

Isaya 33:22

Kole Rwoth obedo jathum banja mawan, Rwoth obedo jadhum mawan; Rwoth obedo kere mawan, go labotho wan.

Isaya 40:10

Neni, Rwoth Were bino gi meni, go bino dhumo gi meni; kemba pere nigi go, aka cul pere nitie ruwaŋe.

Isaya 42:4

Go k'ojok kosa k'odwokere cen, cuka okeli tiro i piny, aka piny ma yuthengi nam kuro cik pere.

Isaya 46:13

Akelo both paran cegin, ki nitie bor, aka both paran kilagalo; Alaketho both paran i Zayon, aka i Isiraili dwoŋ paran.

Isaya 49:1

Winjan win, piny ma yuthengi nam, win ji ma wiwok bor! Rwoth olwoŋan mafodi k'onywolan, mafodi anitie i iy mama go ocwoko nyingan.

Isaya 54:17

Ongoye gilweny m'ilathedho ma lweny kodin ma lakiyindira, aka ilawiro woko lew je m'oay kwoŋin i thumo banja. Me alunja pa ŋecin pa Rwoth, gi gwok pajo wok bongan.” Rwoth waco.

Isaya 56:1

Me apaka Rwoth waco: Kur win tiro, aka witim gim'otire, kole both paran cegin bino, aka gony paran lanyuthere.

Isaya 59:16

Rwoth odhier munyo ongoye ŋat'okony ji m'idiyo, ameno cingi go ma meni, okelo rigo loyo aka obotho jo.

Isaya 60:9

Kole piny ma yuthengi nam jolakuran, mele ma Tarsis marapena, ma lakelo wotin wok bor, jolabedo gi feza gi zahabu pajo, ma miyo nyingi Rwoth Were perin dwoŋ, ri Ŋataleŋ pa Isiraili, rupiri go otieko miyin dwoŋ.

Isaya 62:11

Neni win, Rwoth otieko tito ri witum ma piny. Waci win ri nyar Zayon ni, “Neni, both perin bino, kemba pere nitie gi go, kodi cul pere ruwaŋe.”

Isaya 63:5

Aŋiyo, to oyido ongoye ŋat'okonyan, adhier, to ngoye moro m'othielan, ameno cingan won am'okelo ran loyo, aka keme paran othielan.

Yowel 3:12

Weyi wotugila jo, weyi nonin je jowokadhi malo i milelo pa Yekosafat; kenyo alabedo thumo banja, ri nonin je thoko.

Zefania 2:11

Rwoth lakelo lworo kwoŋ jo. Go lasewo werin je ma piny kisi nono lalamo go, kisi acel i piny pere won.

Matayo 28:18

Yesu ocore cegin to waco rijo ni, “Otiek miyan meni i polo kodi i piny.

Matayo 3:2

“Ŋuti win, rupiri Ker ma polo nicegin!”

Mariko 16:15

Aka owaco rijo ni, “Kidhi win i piny je, wifonji nono je Wac Manyen Maber.

Luka 24:47

aka mikwenda ma ŋuto kodi ma cwako reco wotiti ri nonin je, cako Yerusalem.

Tim pa Jomoor 17:31

rupiri go otieko yiko ndelo ma go bino thum'iye banja ri piny gipi i tiro, aka ŋata go oyero ama bino thumo. Go otieko ridho wac no ri dhano je munyo cerino ŋato kwoŋ jom'otho.

Joroma 2:16

Onyo, cungo kwoŋ Wac Manyen Maber m'afonjo, me apaka bino bedo i ndelo no munyo Were, i Yesu Kristo, bino thumo banja ri paro manyaliŋliŋ je ma cuny ji.

2 Jokorintho 5:10

Kole wajoje waripo cungo ruwaŋ Kristo, go wothum riwan banja, ŋey kisi dhano kwoŋ wan wolimi gima ripo gine cungo kwoŋ gima go otimo gi delkwoŋe, maber kosa marac.

Kitawo mar'abic mapa Musa m'ilwoŋo ni Cik 30:14

Kole wac nitie cegin swa gi win, i dhok win kodi i cuny win ŋey winyal timo.

1 Samwiri 2:10

Rwoth bino reyo jokwor pere; go bino mwoc kwoŋ jo wok i polo. Rwoth bino thumo banja ri piny gibe; go bino miyo kere pere meni, go bino miyo kere pere ma go won oyero loyo.”