Isaya 51:19 - KITAWO MALEŊ

¹⁹ Teko ario opodho kwoŋin, ŋa m'oywaki kodin? Kisika gi rerok, kec gi lweny, ŋa m'oyom cuny win?

KITAWO MALEŊ Catholic

¹⁹ Teko ario opodho kwoŋin, ŋa m'oywaki kodin? Kisika gi rerok, kec gi lweny, ŋa m'oyom cuny win?

Isaya 51:19 ပူးပေါင်းရင်းမြစ်များ

Yobu 2:11

Merin pa Yobu adek jowinjo kwoŋ teko me je m'oyido opodho kwoŋ go, aka kisi dhano owok peco pere bino. Merin me jobedo Elifaz ma wok i tindi madwoŋ Teman, Bilidad ma wok i piny Suha, kodi Zofar ma wok i piny Namath. Joromo kanyacel kadho kweyo cuny gi yomo cuny Yobu.

Yobu 42:11

Wutmin Yobu kodi nyimin go kodi jono je m'oyido joŋeyo go jobino, aka jocemo i ot pere. Jomako gi go wor, aka joyomo cuny go ri teko je ma Rwoth oyido okelo kwoŋ go. Kisi dhano omiyo go pesa gi peta ma zahabu.

Zabuli 69:20

Yet otieko turo adundo paran, aka onyo angoye gi geno. Adwaro wor, t'akinwaŋo; kodi jom'odiy cunyan t'akinwaŋo moro.

Jafonji 4:1

Kenyo awire t'aneno adica je m'itimo i pendi waŋceŋ. Aka neni, pigi waŋ jom'idiyo, m'ongoye ŋat'odiy cuny jo! Kareno joma diyo jo, jonitie gi meni, to ngoye ŋat'odiy cuny jo.

Isaya 14:30

Okayo pa jacandi lafono, aka ji ma bukony joriere piny i siem. To alamiyo fuc mewin wotho gi kec, aka ji mewin ma jodoŋ alaneko woko.

Isaya 22:4

Riameno awaco ni, Ŋiy bor kwoŋan, weyi aywak pigi waŋan makec, ikir'icandere kweyo cunyan ro rerok pa ji paran.

Isaya 47:9

To gigipiny ario me lapodho kwoŋin, i hongo macek, i ndelo acel, nyithindho perin jolatho, aka ilabedo citho m'ongoye keŋ, makada nende inoor meni ma thieth gi meni mathoth ma yido perin.

Isaya 54:11

Rwoth waco, Awi Yerusalem, tindi madwoŋ ma candere aka ongoye ŋat'okony, ongoye ŋat'oyom cunyin. Alageto kindi ot perin kendo gi telin ma welo.

Isaya 60:18

Akaka k'obedi kendo i lowo perin, rerok gi kisika gigipiny langoye. Wilalwoŋo kor udi mewin ni both, waŋkace mewin ni pak.

Isaya 61:2

Go ooran tito oro ma Rwoth nyutho ji pere wor, gi ndelo ma culo kwor pa Were mawan, kodi yomo cuny ji je ma joywak.

Isaya 8:21

Ji jolawotho i piny i litho madwoŋ gi kec, aka kec lamiyo jo nge to jokwoŋo kere pajo gi werin pajo. Jolaŋiyo malo i polo,

Isaya 9:20

Dhano ocamo cinge maracuc, to kec omedo neko, ocamo cinge maracam, to k'oyeŋ, kisi dhano ocamo riŋo ma cinge.

Yeremia 15:5

Rwoth penjo ni, “Ŋa m'omak kodin wor, awi Yerusalem, kosa ŋa m'oywakin? Ŋa m'owire githenge to penjo paka initie?

Yeremia 24:10

Alakelo lweny, kec, two nundu kwoŋ jo, cuka jorere woko kicutho wok i piny m'amiyo jo kodi kwarere pajo.”

Ywakirok 1:12

Me obedo riwin gim'ongoye, win je ma wiluwo? Neni, aka ŋiy win, k'inen nitie litho ma cal gi litho paran, m'okel kwoŋan litho ma Rwoth omiyan, i ndelo ma nge pere maliel.

Ywakirok 1:9

Koco pere oyido nitie i rinda pere, go k'oparo kwoŋ gim'owok rumacen, podho pere obedo gi dhier, m'ongoye ŋat'okwey cunye. Awi Rwoth, neni, litho paran, kole jakwor otieko tiŋere malo.

Ywakirok 3:47

Teko kodi kisika opodho kwoŋ wan, rerok kodi ŋinyirok.

Ezekiel 14:15

“Kabedi adhiri ogwaŋe madudi luwo i piny to joreyo woko ji, cuka piny doŋ nono, m'ongoye ŋata woth'iye;

Ezekiel 14:21

“Kole Rwoth Were waco ama. Aladhiro gir'acula paran aŋwen mareco i Yerusalem, Toŋ kodi kec kodi ogwaŋe madudi kodi two nundu, reyo woko ji kodi ogwaŋe.

Amos 7:2

I menyirok no aneno munyo bonyo jocamo woko kisi gima nyaboke pendi i lowo. Kenyo awaco ama: Awi Rwoth Were, cwaki ji perin, akwayin. Jokwo nedi? Jomoki aka joloc!

Nahum 3:7

Nyaka jono je ma jonenin joladwire kwoŋin to jowaco ama: Amien Ninivi, ŋa m'omak gine wor? Anorangi rin jodiy cunyin wok kune?

2 Jokorintho 7:13

Me am'omiyo walimo miseni. Wakilimo miseni kende; to iy'adieri wamedo kisangala ro siem ma Tito onyutho kwoŋ kony ma wimiyo go ma dwoko cunye.