Isaya 51:13 - KITAWO MALEŊ

¹³ Wiwin owil gi Rwoth, jacwec mewin, m'oyaro polo, to geto misingi ma piny. Wimedo bedo gi lworo ndelo gipi, ro nge pa jono ma jodiyo win, jono ma joyikere reyo win woko? Nikune keme pa joma jodiyo win?

KITAWO MALEŊ Catholic

¹³ Wiwin owil gi Rwoth, jacwec mewin, m'oyaro polo, to geto misingi ma piny. Wimedo bedo gi lworo ndelo gipi, ro nge pa jono ma jodiyo win, jono ma joyikere reyo win woko? Nikune keme pa joma jodiyo win?

Isaya 51:13 ပူးပေါင်းရင်းမြစ်များ

Esita 5:14

Kenyo dhako pere Zeres gi merin jowaco rigo ni, “Raŋo i kiwaci wogeti kanek ma fut piero abirio g'abic! Dikin odikin t'iwaco ri kere woŋaw Modekay iye aka nyaka ikadhi i kalima no munyo cunyin ber.” Haman oparo ni rieko no ber am'omiyo oneno ni ogeti kanek ma fut piero abirio g'abic.

Esita 7:10

Oŋaw Haman i kanek ma fut piero abirio g'abic to nyaka nge pa kere kwe.

Yobu 37:18

Inyalo yaro pondeponde kanyacel gi go, to bedo matek paka ndewiro ma pilin?

Yobu 9:8

Go am'oyaro polo won kende, aka onyono piny asur ma Nam.

Zabuli 104:2

lero othokin. Iyaro polo paka wema.

Zabuli 106:13

To wi gin owil piyo gi gim'otimo, aka jotimo gigipiny ma jok'okuro mic rieko pere.

Zabuli 76:10

Adieri, kiri keme pa dhano, timo nyaka tic ma pakin. Jono ma joboth wok i lweny, jolatimo kalima perin.

Isaya 10:24

Riameno Rwoth, Rwoth pa lwak jolweny waco, “Awi ji paran, ma wibedo i Zayon, wikiri wibwok ro Joasiria ka jocwado win g'abiro gi luth paka Jomisir jotimo.

Isaya 14:4

jolaoro ageca me ma ŋalo kere ma Babilon: Jadic orumo nedi! Mbaka oloyo jagero nedi!

Isaya 16:4

Weyi ji paran ma jodamba jowobedi kodin, Mowab bedi kapondo rijo, kwoŋ jono ma jomito reyo jo.” Jadiy jo gi jarey jo orumo, janyon ji gi tiende orumo i piny,

Isaya 17:10

Kole wiy win owil gi Were ma both mewin, aka wikipoyo Tele ma pondo mewin; riameno makada nende winofur ndelin, ma lamo were makicar,

Isaya 40:21

Fodi ikuya? Fodi ikiwinjo? Fodi k'owaci rin wok i cako? Fodi ikiniaŋ wok i misingi ma piny?

Isaya 40:22

Obedo go ma bedo kalo malo ma thokirok ma piny, aka ji mere jocale otwoŋo; go ma yaro woko polo paka nanga m'iumo gine dhiot, to yaro jo paka wema ma bed'iye.

Isaya 42:5

Me apaka Were, Rwoth waco, m'ocweyo polo to yaro jo woko, m'oyaro piny gi gima wok'iye, go ma miyo ji ma jobed'iye luya ma ywe, gi cuny ri jono ma jowoth'iye.

Isaya 43:1

T'onyo pama Rwoth waco, ŋat'ocweyin, Awi Yakobo, ŋat'otimin, Awi Isiraili. Ikir'ilwor, kole atieko bothin atieko lwoŋin gi nyingin, ibedo aparan.

Isaya 44:24

Rwoth, Jaboth perin waco ama, go m'ocweyin i ici. Abedo Rwoth, m'otimo gigipiny je, go kende m'orieyo polo, an m'awon ayaro piny,

Isaya 45:12

Acweyo piny, t'acweyo dhano bed'iye, obedo cingan ama ojaro polo, aka acweyo cwec man i polo je gi or paran.

Isaya 45:18

Me apaka Rwoth waco, go m'ocweyo polo, (go obedo Were!) Go ocweyo piny, (ocweyo m'ocwiny aka ma cil gi cil. Go k'ocweyo piny m'ojwangere, to ocweyo ni ji jowobed'iye.) An abedo Rwoth, aka ongoye man.

Isaya 48:13

Cingan am'ogeto misingi ma piny, aka cingan maracuc am'orieyo woko polo; k'alwoŋo piny gi polo, jowoay kiromo.

Isaya 49:26

Alamiyo jono ma jodiyin camo delkwoŋ jo, aka jolamer gi remo pajo paka jomer gi vini. Kenyo ji je jolaŋeyo ni, Abedo Rwoth, Jaboth perin, aka Jagony perin, Jameni pa Yakobo.

Isaya 54:14

Ilagetere m'ocwiny i tiro, ilabedo bor g'adica, aka lworo k'omakin, gi kwoŋ acanda, rupiri k'ocore cegin bongin.

Isaya 57:11

Ŋa m'oyido wikirin to wilworo, m'omiyo witwodo, wikipoyan kosa wikiparo kwoŋan? Wikwero lworan, kwoŋbedo aliŋ ma hongo mabor?

Isaya 7:4

Waci rigo wogwokere, wobedi liŋ, aka wokiri wobwoki kosa cunye wopodhi ro kasik mac ario ma duny yiro me, i nge pa Kere Rezin gi Siria gi wod Remalia.

Isaya 9:4

Kole okol ma bieto pere, gi luth ma goke, luth ma nyweny pa ŋata diyo go, itieko turo paka i ndelo pa Midian.

Yeremia 2:32

Wiy nyako nyalo wil gi pogo pere, kosa wiy mweha wil gi ruk pere? Kucel wiy ji paran owil kodan, ma hongo malac.

Yeremia 38:19

Kere Zedekia odwoko Yeremia ni, “Anitie gi bwok ri Joyuda ma joriwere gi Jobabilon, kole inyalo kethan i cingi jo to jomiyan litho.”

Yeremia 41:18

kwoŋbedo oyido jolworo Jobabilon. Kole oyido jonitie gi bwok ri Jobabilon, kwoŋbedo Isimayil wod pa Nethania oyido oneko Gedalia wod pa Ahikam, ma kere ma Babilon oyido oketho paka gavana ma lowo.

Yeremia 51:15

Rwoth am'ocweyo piny gi meni pere; gi rieko pere ocweyo piny aka gi niaŋ pere oyaro polo.

Yeremia 51:19

Were pa Yakobo k'obedo paka jo; go a ŋat'ocweyo kisi gimoro, aka Isiraili obedo nono mar'alunja pere; Rwoth pa lwak jolweny obedo nyinge.

Daniel 3:15

Onyo ka wiyikere ka wiwinjo dwondi tungi ogwaŋ, milowe, dingidi, dongo, tongol, bul, kodi nger gi wer je, podho piny lamo cal m'atimo; meno ber. To ka wikilamo ilabolo win i mac m'okur gi sawa no won; aka were mene no ma labotho win wok i cingan?”

Daniel 3:18

To makada nende go k'obothi wan, Awi kere, ŋey adieri nike wakilalamo werin perin kosa cal ma zahabu m'itimo.”

Daniel 3:19

Nebukadineza omako nge swa gi Sadirak, Misaki, kodi Abedinego to coko nyime. Go omiyo or nike woloki mac m'okur dibirio loyo paka kisi ndelo.

Tim pa Jomoor 12:23

Piyo piyo malaika pa Rwoth ogoyo Herode matek, rupiri go k'omiyo Were dwoŋ. Aka kudin ocamo go to tho.

1 Jokorintho 1:20

Onyo nyaka nikune ŋatariek? Nikune jondiko? Nikune jopiem ma joriek ma pama? Kole Were otieko nyutho ni rieko ma piny ka meno miŋo ayin!

1 Jokorintho 15:55

“Tho, nikune paka doko inoloy lweny? Tho, nikune kwir perin ma lunga?”

Kitawo mar'abic mapa Musa m'ilwoŋo ni Cik 32:18

Wikiparo kwoŋ Tele m'onywolo win, wiy win owil gi Were m'onywolo win.

Kitawo mar'abic mapa Musa m'ilwoŋo ni Cik 6:12

gwokere win wicwil okir omaki win gi Rwoth, m'owodho win wok i lowo ma Misir, wok i ot ma twec.

Kitawo mar'abic mapa Musa m'ilwoŋo ni Cik 8:11

Kure win wiwin okir wowili gi Rwoth Were mewin, ka wiweyo mako or pere, fonji kodi cik, m'amiyo win konon.

Joebulaniya 11:15

Jok'oparo piny ma joweyo; bedi jotimi ameno di jolimo hongo ma gik.

Menyirok ri Yohana 19:20

To omako ogwaŋ no, kanyacel kodi jatuci wac Were ma twodo m'oyido jotimo gir'aura rigo. (Gir'aura no ama go owondo gine ji m'onwaŋo jonitie gi ranyuth p'ogwaŋ no to jolamo cal p'ogwaŋ no.) Ogwaŋ no kodi jotuci wac Were ma twodo je obol jo makwo i wakawaka ma mac kodi telin ma gamo mac mayot pa kibiriti.

Menyirok ri Yohana 20:9

Jobino wotho munyo joswana ariwa piny to jothoko wema pa jomaleŋ kodi tindi m'omar, to mac bino tukere wok i polo to podho to regarega woko jo.