Isaya 51:11 - KITAWO MALEŊ

¹¹ Ameno ji ma Rwoth obotho joladwoko, to jobino i Zayon gi wer, forok ma bu gike bino bedo rijo. Jobino nwaŋo forok gi kisangala, aka kumo gi hamo bino ngoye woko.

KITAWO MALEŊ Catholic

¹¹ Ameno ji ma Rwoth obotho joladwoko, to jobino i Zayon gi wer, forok ma bu gike bino bedo rijo. Jobino nwaŋo forok gi kisangala, aka kumo gi hamo bino ngoye woko.

Isaya 51:11 ပူးပေါင်းရင်းမြစ်များ

Zabuli 126:2

Dhok wan opoŋ nyero, to lew wan poŋ koko ma kisangala. Kenyo nonin man jowaco ni, “Rwoth otimo gimadwoŋ rijo.”

Zabuli 126:5

Weyi jono ma jocwoyo gi pigi waŋ jo, jowokec gi koko ma kisangala.

Isaya 11:15

Aka Rwoth lareyo kicutho jangi nam ma Misir; go latiŋo cinge i wi malawa Yufrete, gi koyo pere malieth, to poko i jange abirio, ŋey ji jowoŋadi atiendi.

Isaya 25:8

Go lamwonyo woko tho kicutho, aka Rwoth Were layweyo woko pigi waŋ ji, to kwanyo woko wickwot pa ji pere wok i piny; kole Rwoth otieko luwo.

Isaya 35:10

Aka jono ma Rwoth otieko botho joladok, to jobino i Zayon gi wer, kisangala ma cil gi cil labedo i wi jo; jolanwaŋo siem gi kisangala, kumo gi rem larumo woko.

Isaya 44:23

Wer, awi polo, kole Rwoth otieko timo, koki awi thutho ma piny; bar dwondin gi wer, awi gote, awi lul, gi kisi yath ma iye! Kole Rwoth otieko botho Yakobo, aka go lalimo dwoŋ i Isiraili.

Isaya 48:20

Wok win i Babilon, ngoye win kwoŋ Jokaldin! Koki win gi wac ma kisangala, tuci win, dhiri win wac kiri witum ma piny, wac win ni, “Rwoth otieko botho Yakobo ŋeca pere!”

Isaya 49:13

Wer, Awi polo! Koki ro kisangala, Awi piny! Weyi gote jowomwoci gi wer, kole Rwoth otieko yomo cuny ji pere, aka lamako wor gi ji pere ma jocandere.

Isaya 55:12

Kole wilaweyo Babilon gi kisangala, aka ilatelo win ka widok i siem. Gote gi tendere jolamwoc gi wer, aka yen madudi jolagoyo adhoŋ.

Isaya 61:7

I kabedo pa wickwot mewin, wilalimo lim mirundi ario, i kabedo pa bwon, wilasiemere i lowo mewin won, riameno i lowo mewin won, wilalimo lim mirundi ario, kisangala mewin labedo cil gi cil.

Isaya 65:14

Ŋecin paran jolawero ri kisangala ma cuny jo, to wilaywak ro arama cuny, aka wilaywak gi cuny win m'otur.

Isaya 65:19

Alafore i Yerusalem, t'asangala i ji paran; derino ma ywak k'owinjere kendo i iye, kosa ywak ma litho.

Yeremia 31:13

Mon mathindho jolafore i miel, aka yac kodi jodongo jolasiemere. Alaloko ywak pajo kisangala, alayomo cuny jo, t'amiyo jo kisangala i kabedo pa rem.

Yeremia 33:11

dwondi jo ma kisangala kodi forok. Lawinjere dwondi jamweha kodi mweha kodi dwondi ji ma jowero, ka jokelo foyo i Ot pa Rwoth ka jowaco ni, “Miy win Rwoth pa lwak jolweny foyo, kole Rwoth ber, aka mar pere makiwire bedo cil gi cil!” Kole aladwoko lim ma lowo paka marapena, Rwoth waco.

2 Jothesalonika 2:16

Weyi Rwodhiwan Yesu Kristo won gipi, kodi Were Bawan, m'omaro wan aka i nema pere omiyo wan miseni makirum kodi geno maber,

Yuda 1:24

Ri ŋata nyalo thielin m'ikipodho, to kethin ma bu raco i kisangala ma didwoŋ pere,

Menyirok ri Yohana 21:1

Gikenyo aneno polo manyen kodi piny manyen. Ato polo kodi piny marapena oyido joleny woko, aka nam orere woko.

Menyirok ri Yohana 21:4

Go bino yweyo pigi waŋ jo. Tho odoko k'obedi, kosa rembo, kosa ywak kosa litho, rupiri gigipiny macon jotieko leny woko.”

Menyirok ri Yohana 22:3

Ongoye gima Were okwoŋo ma bino nwaŋere i tindi no. Kom ma dhum pa Were kodi apa Nyathi rombo ama bino bed'iye, aka jotic pere jobino lamo go.

Menyirok ri Yohana 7:17

Ato Nyathi rombo manitie i dier kom ma dhum, bino bedo jakwath pajo, bino leko jo to tero jo ruwaŋ pi ma kwo, aka Were bino yweyo woko pigi waŋ jo kicutho.”