Isaya 50:7 - KITAWO MALEŊ

⁷ Rwoth Were konyan, riameno wickwot k'omakan, aketho waŋan paka cuk mac ma cot, aka aŋeyo ni wickwot k'omakan.

KITAWO MALEŊ Catholic

⁷ Rwoth Were konyan, riameno wickwot k'omakan, aketho waŋan paka cuk mac ma cot, aka aŋeyo ni wickwot k'omakan.

Isaya 50:7 ပူးပေါင်းရင်းမြစ်များ

Zabuli 110:1

Rwoth waco ri rwoth paran ni, “Bedi i cingan maracuc, cuka aketho jokwor perin i par tiendin.”

Zabuli 54:6

Abino miyin cowirok gi kisangala, Awi Rwoth. Abino foyo nyingin, Awi Rwoth, kwoŋbedo obedo gimaber.

Isaya 29:22

Riameno, Rwoth, m'obotho Abraham waco ama kwoŋ ot pa Yakobo: Yakobo kilabedo i wickwot kendo, waŋe kilataro kendo.

Isaya 42:1

Neni ŋeca paran ee, m'athielo, dhano paran m'ayero, ma cunyan sangala gine, atieko ketho cuny paran kwoŋe, go lakelo tiro ri nonin.

Isaya 45:17

To Rwoth botho Isiraili, aka loyo pere bedo cil gi cil, jokilanywowere, kosa bedo i wickwot hongo je.

Isaya 49:23

Kerin gi nyamicalin jolabedo jonywol rin, jolakule piny rin miyin dwoŋ, jolamwole nyutho wor pajo rin, to jonaŋo fukefuke ma tiendin. Kenyo ilaŋeyo ni Abedo Rwoth, aka jono ma jokuro kony paran jok'obedi i wickwot.

Isaya 49:8

Me apaka Rwoth waco, “I hongo ma ŋono atieko dwokin, itieko ndelo ma both akonyin, atieko kurin t'amiyin, paka cikirok ri ji, ma cako piny, ma poko lim m'ojwangere.

Isaya 50:9

Ere neni, Rwoth Were ama konyan. Neni, joje jolati paka nanga, masirigi lacamo jo woko.

Isaya 54:4

Ikir'ibedi gi lworo, kole wickwot kilamakin; Ikir'ilacere, wickwot kilamakin. Wiyin lawil gi wickwot ma soye perin, aka ikilawinjo wickwot ro bedo citho.

Yeremia 1:18

An konon alokin paka tindi madwoŋ m'otinda, siro ma nyweny, gi kor ot ma ywel, i wi lowo je, ri kerin ma Yuda, jotel mere, jocway ri Were mere, kodi ji ma piny.

Mika 1:2

Winji win gime, win ji je, ciki ithi win, kisi gima nitie i piny, aka weyi Rwoth Were womiy jakony ma luwo adieri kwoŋ win. Winji! Rwoth luwo gi ot pere maleŋ ma lamo.

Luka 9:51

Munyo ndir pere orikere ma dok i polo, Yesu oridho paro ma kidho Yerusalem.

Yohana 16:33

Atieko waco riwin gime ŋey wibedi i siem i riwirok kodan. Piny bino miyo wicandere. To bedi win miseni! Atieko loyo candirok ma piny!”

Joroma 1:16

Kole ageno swa Wac Manyen Maber, rupiri obedo meni pa Were ma botho ji je ma joyeyo, marapena Joyuda, aka nyaka Jopath bende.

Joebulaniya 13:6

Weyi wabedi miseni, to wawaco ni, “Rwoth obedo jakony paran, akibino bedo malwor! Aŋo ma dhano nyalo timo ran?”

1 Petero 4:1

Am'omiyo, paka Kristo ocandere i delkwoŋe, wibende wiripo miyirok miseni gi kiti paro ma go obedo gine, rupiri ŋat'ocandere i delkwoŋe meno otieko thekirok gi gimarac.

1 Petero 4:16

To ka moro kwoŋ win candere kwoŋbedo go jakristo, wiye wokiri wokwoti, to wofoy Were ayino ni go ilwoŋo go gi nyingi Kristo.