Isaya 50:6 - KITAWO MALEŊ

⁶ Amiyo ŋeyan ri jono ma jogoyan, gi pindan ri jono ma jojwaco ye tikan, akipano waŋan, munyo joyetan to joŋulo kwoŋan law.

KITAWO MALEŊ Catholic

⁶ Amiyo ŋeyan ri jono ma jogoyan, gi pindan ri jono ma jojwaco ye tikan, akipano waŋan, munyo joyetan to joŋulo kwoŋan law.

Isaya 50:6 ပူးပေါင်းရင်းမြစ်များ

Nehemia 13:25

Apusa cwo no, alwoŋo lam kwoŋ jo, agoyo jo, aka ajwaco woko ye tik jo. Kenyo amiyo jo kwoŋirok i nyingi Were ni jo kosa nyithindho pajo, jokilanywomo kosa nywomirok gi jopath.

Yobu 16:10

Ji joŋiyan gi dhok jo m'oŋamere, jopayo lemban gi yet, aka joriwere karan.

Yobu 30:10

Joŋisa an, aka jobedo bor kodan, aka jokigal gi ŋulo law ruwaŋan.

Zabuli 129:3

Jotoŋo adhola m'odheth i dieŋeyan, to joloko ndelo m'ofur.

Zabuli 69:7

Kole obedo ro in m'omiyo iyetan, wickwot no oumo waŋan.

Zabuli 69:8

Alokere ri wutmera jakicar, japath ri wot mama.

Isaya 53:5

To olimo adhola ro reco mawan, oyure ro raco mawan. Gir'acula pere miyo wan kwo gibe, aka luth m'ogoy go cango two mawan.

Isaya 53:7

Olimo adica, to limo litho, kucel go k'oyawo dhoke; paka rombo m'itero yaŋo, paka rombo m'icegin lielo, ameno go k'oyawo dhoke.

Ywakirok 3:30

Weyi go womiy lembe ri ŋata payo, aka woyey woyet go.

Mika 5:1

Ji ma Yerusalem, coki win jolweny mewin! Okar wan! Jomonjo jatel ma Isiraili!

Kwan 12:14

To Rwoth waco ri Musa ni, “Bedi bamere ŋul law i waŋe, di go k'onyalo bielo wickwot pere ma ndelo abirio? Weyi wocegi go woko ma kambi ma ndelo abirio, aka k'orumo inyalo kelo go i iye kendo.

Matayo 26:67

Gikenyo joŋulo i waŋe law to jogoyo go. Joman jogoyo lembe g'adhoŋ kareno jowaco ni,

Matayo 27:26

Gikenyo Pilato ogonyo Baraba rijo; ooro jo cwado Yesu to cwayo go rijo ni wogur kwoŋ musalaba.

Matayo 27:30

Joŋulo kwoŋe law, aka jokwanyo midole no to jogoyo gine wiye.

Matayo 5:39

To onyo pama awaco riwin ni: Ikir'iculi kwor kwoŋ ŋata timo rin marac. Ka nyatoro ogoyo lembin maracuc g'adhoŋ, weyi wogoyi lembin maracam bende.

Mariko 14:65

Jomegi jocako ŋulo law kwoŋ Yesu, to joboyo waŋe, aka jopatho go g'adhoŋ, to jokoko malo ni, “Patuci ŋat'ogoyin!” Jolweny jotero go gicen to jogoyo go adonde.

Mariko 15:19

Jogoyo wiye gi luth, joŋulo kwoŋe law, joguro congi gin, aka joriewere rigo piny pa jomiyo go dwoŋ.

Yohana 18:22

Munyo Yesu owaco ama, acel kwoŋ jokur ogoyo lembe g'adhoŋ aka owaco ni, “Inyalo nedi luwo ameno gi jadwoŋ pa jocway ri Were i wi migam?”

Joebulaniya 12:2

wakethi win waŋ wan kwoŋ Yesu ma yeyo mawan cungo kwoŋe wok i cako tundo i gike. Go ociro musalaba ro kisangala m'onwaŋo kuro go yuwaŋe; k'oparo kwoŋ wickwot ma tho kwoŋ musalaba oyido kidho kelo rigo, kendo onyo pama obedo yuracuc ma kom ma dhum pa Were.