Isaya 5:28 - KITAWO MALEŊ

²⁸ Aserin pajo bith, atum bor pajo ogondere, tiendi kayina pajo tek paka tele ma cot mac, tiendi cawilin pajo wire paka asur.

KITAWO MALEŊ Catholic

²⁸ Aserin pajo bith, atum bor pajo ogondere, tiendi kayina pajo tek paka tele ma cot mac, tiendi cawilin pajo wire paka asur.

Isaya 5:28 ပူးပေါင်းရင်းမြစ်များ

Zabuli 120:4

G'asere pa jalweny mabith, gi cuk mac m'odheth!

Zabuli 45:5

Aserin perin jobith, i cuny jokwor perin; nonin jogore piny i tiendin.

Isaya 13:18

Atum bor pajo lathumo cwo, jo kilamako wor gi nyithindho maŋic, aka jolangoye gi wor ri nyithindho.

Isaya 21:1

Me mikwenda ma teko ma mako kwoŋ Babilon. Paka asur ma yupiny ma Kanan yweyo piny, teko bino wok i thim, wok i piny ma kiwacere.

Isaya 66:15

Kole Rwoth labino gi mac, gi cawilin pere ma cal asur, go lamiyo jokwor pere, gir'acula gi mac.

Yeremia 4:13

Neni! Go eno bino paka pondeponde, cawilin pere jocale asur; punde pere jodwir loyo ango, Kidamba riwan, kole warere woko!

Yeremia 47:3

I mayindo ma tiendi kayinin pere, i derino ma cawilin pere kodi yengirok ma tiendi jo, jonywol jokinyal gik omo nyithindho pajo, kwoŋbedo cingi gin nyapere.

Yeremia 5:16

Mikoro pajo cale kaliel m'oŋamere, joje jocale jolweny apondi ma jomeni.

Ezekiel 26:11

Gi par tiendi kayinin pere go lanyono royin mewin je. Go laneko ji mewin je g'abor, aka sirin mewin matek lanyoy piny.

Ezekiel 38:9

Wilamedere woth, wilabino pa koyo madwoŋ; wilabedo pa pondeponde ma umo piny, win kodi jolweny mewin je, kodi ji kweth ma jonitie gi win.

Daniel 11:40

I hongo ma gike, kere ma yupiny bino monjo go; to kere ma yumalo bino yombere kwoŋe pa asur, gi cawilin kodi cwo ma jogweyo punde, gi mele kweth; aka go bino kidho i piny to mako to luw'iye paka mikula pi.

Mika 4:13

Rwoth waco ni, “Ji ma Yerusalem, kadhi win wimiy jokwor mewin gir'acula! Abino loko win matek pa thwon, manitie gi tunge ma nyweny kodi tiende ma ywel. Wibino ŋinyo piny kweth, aka lim ma jolimo g'akaka, wibino miyan, Rwoth ma piny gibe.”

Nahum 3:2

Derino ma luth kayina kodi derino ma tiendi cawila, kayina ma goyo mayindo kodi cawila ma por!

Jothum Banja 5:22

Kenyo kayinin jogoyo mayindo, jonyono piny gi tiendi gin.