Isaya 5:25 - KITAWO MALEŊ

²⁵ Riameno nge pa Rwoth oliel kwoŋ ji pere, aka orieyo cinge kwoŋ jo to rwadho jo, gote joyengere, delkwoŋ jom'otho odoŋ i royo paka yuk. Kucel kiri gi gime je, Rwoth fodi nigi nge, aka fodi orieyo cinge ma miyo gir'acula.

KITAWO MALEŊ Catholic

²⁵ Riameno nge pa Rwoth oliel kwoŋ ji pere, aka orieyo cinge kwoŋ jo to rwadho jo, gote joyengere, delkwoŋ jom'otho odoŋ i royo paka yuk. Kucel kiri gi gime je, Rwoth fodi nigi nge, aka fodi orieyo cinge ma miyo gir'acula.

Isaya 5:25 ပူးပေါင်းရင်းမြစ်များ

1 Kerin 14:11

Ŋatimoro je ma peco perin m'otho i tindi madwoŋ gwokere jobino camo delkwoŋe, aka ma jotho kam'othangere acut jobino camo delkwoŋ jo. An, Rwoth, atieko waco.’ ”

1 Kerin 16:4

Nyatoro moro je ma peco perin m'otho i tindi madwoŋ gwokere jobino camo delkwoŋe, aka ma jotho kam'othangere acut jobino camo delkwoŋe.”

1 Kerin 21:24

Wade perin ma jotho i tindi madwoŋ gwokere jobino camo, aka ma jotho kam'othangere acut jobino camo.”

2 Kerin 13:3

Ameno nge pa Rwoth oliel kwoŋ Isiraili, aka oweyo kere Hazael ma Siria kodi wode Benhadad kikengila Isiraili kisi hongo.

2 Kerin 9:37

Aka gigipiny m'odoŋ bino kedhirok kenyo pa woyo, ŋey wongoye ŋat'onyali waco ni, me Yezebel.’ ”

2 Kigana kwoŋ Kerin 36:16

to jomedo ŋalo jomikwenda pa Were, cayo wac pa Were, kodi nyero jotuci wac Were pere, tundo kama keme pa Rwoth olokere madwoŋ kwoŋ jo to m'ongoye both.

Yobu 9:13

Were kilawiro woko nge pere, go ŋinyo woko jokony pa Rahab, bulir ma Nam.

Zabuli 106:40

Kenyo nge pa Rwoth oay kwoŋ ji pere; aka ojok gi jo.

Zabuli 114:7

Kirini, Awi piny, ruwaŋ Rwoth, ruwaŋ Were pa Yakobo,

Zabuli 18:7

Kenyo piny okirin to yengere, kindi gote bende okirin, to yengere, kwoŋbedo Were oyido omako nge.

Zabuli 68:8

piny oyengere, to polo konjo piny koth ruwaŋ Were. Sinai okirin ruwaŋ Were, Were pa Joisiraili.

Zabuli 77:18

Mor ma mwoc koth perin, oyido nitie iy'asur, lithkoth perin olero piny; piny okirin to yengere.

Zabuli 78:38

Kucel, cunye Were oramo ri ji pere, ocwako reco pajo, aka k'oreyo jo. Go ojuko nge pere aka k'oywoyo kwoŋ ji pere.

Zabuli 83:10

Ikengila jo i Endor, aka delkwoŋ gin otopo piny.

Kitawo mar'ario mapa Musa m'ilwoŋo ni Wok 7:19

Rwoth owaco ri Musa ni, “Waci ri Aron wokwany luth pere woriey i wi malawa, waŋ pi, kodi kidiwin je i Misir. Pi bino lokirok remo, aka remo bino bedo i lowo gipi, kiri iy'agwatin ma mbawo gi ma telin.”

Isaya 10:4

Ongoye gima doŋ, to guŋo i dier jotwec, kosa podho i dier jom'onek. Kole nge fodi omako Rwoth, go fodi orieyo cinge miyo gir'acula.

Isaya 10:6

Aoro Asiria monjo piny ma bu Were, amiyo go or kwoŋ ji ma jomiyan nge, kinyaga gi kwalo, gi nyono jo piny paka cwodho ma royo.

Isaya 14:19

to obolin woko, bor gi kaliel perin, paka jangi yath, iumere gi delkwoŋ jolweny m'oneki i lweny, ma jodonjo i telin ma bur, paka delkwoŋ ŋat'otho m'onyon gi tiendi jo.

Isaya 23:11

Rwoth orieyo cinge i wi nam go otieko miyo kerin kirin. Rwoth owodho or ma mako kwoŋ Kanan reyo woko kapondo mere.

Isaya 25:11

Makada nende go oyar cinge paka jobuk pi joyaro cingi gin buko pi; Rwoth lamwolo noro pere kanyacel gi rieko ma cinge.

Isaya 29:2

Kucel alamiyin Ariel litho, aka labedo ywak gi kiuja, go labedo ran paka Ariel.

Isaya 42:25

Ameno go okonjo kwoŋe lietho ma nge pere, gi keme ma lweny, omoko kwoŋe mac i thenge je, to go k'onyalo niaŋ, owaŋo go, to k'ofonjere kada gimoro.

Isaya 51:20

Ji mewin jolocere, joriere i sonda ma kisi royo, paka amudhe m'omoko i bwo, jopoŋ gi keme pa Rwoth, bwok pa Were mewin.

Isaya 64:3

Munyo itimo tim ma kelo lworo m'oyido wakigeno, iloro piny, gote joyengere ruwaŋin.

Isaya 66:15

Kole Rwoth labino gi mac, gi cawilin pere ma cal asur, go lamiyo jokwor pere, gir'acula gi mac.

Isaya 66:24

Aka ka jowok dok, jolaneno delkwoŋ ji ma jogwenyere kwoŋan. Kudin ma jocamo jo jokilatho, aka mac ma waŋo jokilaneko. Ji jokilamito kiri neno jo.

Isaya 9:11

Ameno Rwoth sigila jokwor jokwor pa Rezin monjo jo, aka miyo jokwor pere nge.

Isaya 9:16

Kole jono m'oyido jotelo jome jorwenyo jo, aka jono m'oyido itelo jo owey jo i nywowirok.

Isaya 9:17

Am'omiyo Rwoth kisangala gi nyithindho pajo, kosa maki wor gi nyithindho kic gi mon tho. Ato kisi dhano oyido bu Were aka jotimi gimarac, aka kisi dhok dhano luwo miŋo. Kucel nge pa Rwoth fodi k'orumo, aka go fodi orieyo cinge miyo gir'acula.

Isaya 9:20

Dhano ocamo cinge maracuc, to kec omedo neko, ocamo cinge maracam, to k'oyeŋ, kisi dhano ocamo riŋo ma cinge.

Isaya 9:21

Manase omonjo Efrayim aka Efrayim omonjo Manase, aka kanyacel jomonjo Yuda. Kucel nge pa Rwoth fodi k'orumo; aka go fodi orieyo cinge miyo gir'acula.

Yeremia 15:3

Alaketho rijo nger gima reyo jo aŋwen, Rwoth waco. Abor ma laneko, gwokere ma laywayo woko, winyin ma koyo kodi ogwaŋe madudi mager ma lacuto to reyo.

Yeremia 16:4

Jolatho two ma kiwacere. Ongoye ŋata laywako jo, aka ongoye ŋata layiko jo. Jolalokere paka woyo manitie i wi lowo. Jolatho g'abor kodi kec, aka delkwoŋ jolalokere cemo ri winyin ma koyo kodi ri ogwaŋe mager ma piny.”

Yeremia 17:4

Gi tim mewin won wilakeŋ gir'alunja ma cango amiyo win, aka alamiyo witiy ri jokwor mewin i piny ma wikuya, kole i nge paran mac omoko ma laliel cil gi cil.

Yeremia 4:24

Awiro waŋan t'aneno gote, aka oyido joyengere, aka tendere je jodhire amalo g'acen.

Yeremia 4:8

Kwoŋbedo gime, ruki win kutiya, ywak win aka wibiy pigi waŋ win, kole nge pa Rwoth mager fodi k'oweyo wan.

Yeremia 6:12

Udi pajo ilamiyo joman, kanyacel gi ndelin pajo kodi mon pajo; kole alatelo cingan kwoŋ joma bedo i piny.

Yeremia 8:2

Ibino yaro jo i waŋceŋ kodi dwe kodi lwak je ma polo, ma jotieko maro to jotiyo rijo, ma jotieko luwo, ma jotieko penjo jo gir'atima to jolamo. K'ocoki jo kosa k'oyiki jo; jolacale woyo dhiaŋ i wi lowo.

Yeremia 9:22

Luw! Apaka Rwoth waco ama: Del pa ji m'otho lapodho paka woyo i kisawe paka withi kal yuŋey jakeco, aka ongoye ŋata lacoko jo.

Ywakirok 5:22

Kono k'itieko jwango wan kicutho, aka onyo imako gi wan nge ma kiware.

Ezekiel 15:6

Riameno Rwoth Were waco ama: Paka mbawo yath vini i dier yen ma lul, m'atieko miyo mac owaŋo woko to liel, ameno apaka alatimo ri ji ma jobedo i Yerusalem.

Ezekiel 30:25

Alaloko badi kere ma Babilon matek, to alaturo woko badi kere ma Misir. Kenyo jolaŋeyo ni An Abedo Rwoth. Alaketho abor paran i cingi kere ma Babilon, aka go lacelo kwoŋ lowo ma Misir.

Ezekiel 6:14

Alarieyo cingan kwoŋ jo, t'amiyo lowo bedo gunda kodi abar loyo thim ma Ribila i kabedo pajo je; aka jolaŋeyo ni An Abedo Rwoth.

Daniel 9:16

Awi Rwoth, cungo kwoŋ tim perin m'otire, akwayin, weyi nge perin kodi keme perin, wongoye woko kwoŋ tindi perin madwoŋ Yerusalem, got perin maleŋ. Kole reco mawan kodi reco pa kwarere mawan omiyo Yerusalem kodi ji perin jolokere wickwot i dier joger mawan.

Hoseya 14:4

Alacango kwo pajo m'ongoye adieri; alamiyo jo mar ma nono, kole nge paran owire woko kwoŋ jo.

Amos 8:8

Piny bino kirin ro gime, to kisi nyatoro je ma bedo i piny bino ywak. Piny gibe layengere, bino ay to doko podho paka malawa Nayil.

Mika 1:4

Aka gote jobino leny i ŋange p'odok manitie i mac; jobino oy piny i milelo, paka pi oy piny wok i wi tendere.

Nahum 1:5

Gote joyengere ruwaŋe, aka tendere jokirin; piny oay malo ruwaŋe, piny gibe kodi jono je ma jobed'iye.

Habakuk 3:10

Gote jonenin, to jodwanyere; mikula pi omol; lutho owodho dwonde, aka ŋawirok otiŋo malo cinge.

Zefania 1:17

Alakelo litho ri ji, aka jolawotho paka ji ma waŋ gin tho, kwoŋbedo jotimo reco kwoŋ Rwoth, remo pajo laoy paka fukefuke, aka nyagir iy gin paka woyo.

Kitawo mar'abic mapa Musa m'ilwoŋo ni Cik 31:17

Nge paran laliel kwoŋ jo i ndelo no, alajwango jo t'apano waŋan kwoŋ jo. Joladoŋ ri rerok aka gimarac kweth kodi teko labino kwoŋ jo. I ndelo no jolapenjo ni, ‘Teko me k'obino kwoŋ wan, kwoŋbedo Were mawan ongoye i dier wan?’

Kitawo mar'abic mapa Musa m'ilwoŋo ni Cik 31:18

I ndelo no alapano waŋan adieri, ro reco ma jotimo gi wirok bongi werin man.”

1 Jothesalonika 2:16

Jotemo kiri juko wan fonjo Jopath mikwenda ma d'okelo rijo both. Me a reco m'opoŋ ma gike ma jotimo. Aka onyo pama keme pa Were ojok otundo rijo.

Menyirok ri Yohana 20:11

Odoko aneno kom moro madwoŋ matar ma dhum kodi ŋat'obed'iye; polo gi piny joringo joeye woko ruwaŋe m'odoko jok'onenere kicutho.