Isaya 5:24 - KITAWO MALEŊ

²⁴ Riameno, paka lew mac reyo woko kanja, aka paka lum m'othwo munyere piny i mac maliel, ameno apaka fuc pajo latop, aka thiw joladuny paka fukefuke. Ato jokwero cik pa Rwoth pa lwak jolweny, aka jotieko cayo wac pa Were Maleŋ pa Isiraili.

KITAWO MALEŊ Catholic

²⁴ Riameno, paka lew mac reyo woko kanja, aka paka lum m'othwo munyere piny i mac maliel, ameno apaka fuc pajo latop, aka thiw joladuny paka fukefuke. Ato jokwero cik pa Rwoth pa lwak jolweny, aka jotieko cayo wac pa Were Maleŋ pa Isiraili.

Isaya 5:24 ပူးပေါင်းရင်းမြစ်များ

2 Kerin 19:22

Senakerib, ikwoŋan, ikoko ran, t'ipeko waŋin kwoŋan, Were pa Isiraili madwoŋ loyo.

Nehemia 9:26

“To ji perin jogwenyere aka jok'owinjin, jowiro dieŋey jo ri Cik perin. Joneko jotuci wac Were ma jogwoko jo, ma jowaco rijo gik bongin. Jocayin swa.

Yobu 18:16

Fuc pajo thwo woko piny i lowo, aka jangi jo ner woko.

Yobu 8:17

Jorwako fuc i kidhur ge, aka jomoko kwoŋ telin.

Zabuli 50:17

Kole ikweran tirin, aka ibolo wac paran yuŋeyin.

Kitawo mar'ario mapa Musa m'ilwoŋo ni Wok 15:7

I meni perin madwoŋ ikengila jokwor perin; nge perin liel to waŋo jo pa kanja.

Kitawo mar'ario mapa Musa m'ilwoŋo ni Wok 5:12

Ameno ji joywore i Misir gipi rango gigoyo matafal.

Isaya 1:31

Jameni lalokere ŋat'iywayo, aka tic pere cuk mac ma cot, jolawaŋ kanyacel gi tic pajo, m'ongoye ŋata nyalo neko.

Isaya 1:4

Awi, piny m'opoŋ gi reco, ji mareco pajo pek rijo. Kodhi ma jotimo gimarac, nyithindho ma jodakana, jotieko jwango Rwoth, jotieko cayo Were maleŋ pa Isiraili, jotieko rwenyo kicutho!

Isaya 24:6

Riameno lam oreyo woko piny, aka ji mere jocandere ro reco pajo, ji ma jobedo i piny jowaŋ, aka odoŋ ji manok.

Isaya 26:11

Awi Rwoth, cingin otiŋere malo, to jokinen. Weyi jowoneni miyirok perin ri ji perin, aka wickwot womaki jo. Weyi mac pa jokwor perin worey woko jo.

Isaya 30:12

Riameno Were maleŋ pa Isiraili waco ama: Kwoŋbedo witieko kwero wac me, aka witieko ketho geno iy'akaka gi twodo, aka wigoŋere kwoŋe.

Isaya 30:9

Kole jobedo ji ma jogwenyere, nyithindho ma jotwodo, nyithindho ma jokiwinji, cik pa Rwoth;

Isaya 47:14

Neni, jolacale kanja, aka mac lareyo jo woko! Jokinyal bothirok, kwoŋ meni pa mac. K'obedo cuk ma dhano nyalo oyo, kosa mac m'inyalo bedo cegin gine.

Isaya 7:9

Wic Isiraili obedo Samaria, aka wic Samaria obedo wod pa Remalia. K'ikicungo matek i yeyo, ik'ocungi kada mathin.

Isaya 8:6

“Kwoŋbedo ji me jokwero pi ma wok i milelo Silowa ma mol moth, aka jokirin gi lworo ruwaŋ Rezin gi wod Remalia;

Isaya 9:18

Kole kidakana liel paka mac, aka waŋo okure gi kudhin, paka lul m'otwere maliel, aka dunyo malo siro yiro.

Isaya 9:19

Gi keme pa Rwoth pa lwak jolweny piny waŋ, ji jocale paka mo ri mac, aka ongoye ŋata botho nyawote.

Yeremia 6:19

Winji, awi piny, akidho kelo kidamba kwoŋ ji me, gima wok i can pajo, rupiri jokwero winjo wac paran; aka paka ri fonji paran, jotieko kwero woko.

Yeremia 8:9

Ilakwoto wiy jomariek, jolamienere t'imako jo; paka onyo jotieko kwero wac pa Rwoth, rieko aŋo manitie i jo?

Ezekiel 15:6

Riameno Rwoth Were waco ama: Paka mbawo yath vini i dier yen ma lul, m'atieko miyo mac owaŋo woko to liel, ameno apaka alatimo ri ji ma jobedo i Yerusalem.

Hoseya 11:9

Ak'onyuthi nge paran maliel; doko ak'orey Efrayim; kole abedo Were makiweno dhano, Ŋataleŋ manitie i dier win, aka akilabino i keme.

Hoseya 5:12

Riameno acalo kilajaja ri Efrayim, kodi paka topo ri ot ma Yuda.

Hoseya 9:16

Mbaka oloyo Efrayim, tiendi jo othwo woko, jokinyak olemo kad'acel. Kada jonywol, alaneko nyithindho pajo ma jomaro.

Yowel 2:5

Paka derino pa cawilin, josala wi gote, paka derino pa mac, ma waŋo woko kanja, paka ji ma jomeni m'ocan jo ri lweny.

Amos 2:4

Me apaka Rwoth waco: Ji ma Yuda jomedere timo reco kendo, aka ro gime, akibino wiro gir'acula pajo, rupiri jokwero cik pa Rwoth, aka jok'oluwo or pere. To twodo pajo omiyo jo rwenyo, ka jolamo werin makicar paka kwarere pajo.

Amos 2:9

To kucel areyo woko Joamor ruwaŋ jo, m'oyido jobor pa yath m'ilwoŋo ni sida aka jotek p'olwa; anyeko woko olemo gi fuc mere piny.

Nahum 1:10

Paka kudhin, jowiyere, paka jomero, jomer; ilareyo woko jo paka kanja m'othwo kicutho.

Malaki 4:1

Rwoth pa lwak jolweny waco ama: Kole neni, ndelo bino, ma jonoro je gi joreco jobino liel pa kanja. I ndelo no jobino liel woko, aka ongoye gima bino doŋ kwoŋ jo.

Matayo 3:12

Go nitie g'odher pere ma yeko nyingi kal je; go bino coko kal pere ma lilo to konjo i dero pere, to waŋo woko cuŋ i mac makitho.”

Luka 10:16

Yesu owaco ri jofonjirok pere ni, “Ŋata winjo win, meno winjan; ŋata kwero win meno kweran; aka ŋata kweran, meno kwero Ŋat'ooran.”

Luka 3:17

Adher pere ni cinge ma yweyo kisia ma coko ŋano, t'ikonjo nyingi ŋano i dero, t'iwaŋo woko kanja gi mac makitho.”

Luka 7:30

To Jofarisayo kodi Jondiko jocayo atoŋa pa Were rijo wegi, omiyo jokwero Yohana obatisa jo.)

Yohana 12:48

Nitie ŋata bino thumo banja ri nyatoro je ma kweran aka kijol fonji paran; wac m'atieko luwo ama bino bedo jathum rigo banja i ndelo ma rumacen,

Tim pa Jomoor 13:41

Neni win, wijocay! Dhier win witho; rupiri alatimo tic moro i ndir mewin won, to wik'oyey tic no kada moro otemi tito riwin!

Kitawo mar'abic mapa Musa m'ilwoŋo ni Cik 28:24

Rwoth laloko koth ma lowo mewin moko, aka fukefuke ama lacwe piny kwoŋ win wok i polo cuka wirere woko.

1 Jothesalonika 4:8

Am'omiyo, ŋata kwero fonji me kikwer wac pa dhano, to kwero Were won, ma miyo win Cuny Maleŋ pere.

1 Samwiri 15:23

Gwenyirok gi Were rom kodi thieth, aka wictek rom gi lamo cal. Paka ikwero winjo wac pa Rwoth, Go bende onyo okwerin paka kere.”

1 Samwiri 15:26

Samwiri odwoko Saulo ni, “Ak'odoki kodin rupiri ikwero winjo or pa Rwoth, aka go okwerin paka kere pa Joisiraili.”